Mbụlembu 49:1 - BAYỊBURU Izii

¹ Noo ya; Jiékọpu bya ekua ụnwu iya; sụ phẹ: “Unu dzukọbe gẹ mu kọoru unu iphe, a-nwụru unu l'atatiphu!

Mbụlembu 49:1 ပူးပေါင်းရင်းမြစ်များ

Ebvu-ọma 105:15

sụ phẹ: “Unu te edenyikwa ndibe mu, mu họfutaru ẹka! Unu ba adụkwa iphe, unu e-me ndu epfuchiru mu nụ!”

Ebvu-ọma 25:14

Ndu Chipfu kpọru obu yeru bụ ndu atsụ iya ebvu. Ọ bụru ndu ono bẹ oomeje g'ẹphe maru ọgbandzu ẹphe l'iya.

Azáya 2:2

Sụ-a; o -rwua teke ikpazụ bẹ ee-me g'eli úbvú ono, a kpụru eze-ụlo Chipfu ono ngụru angụru; mee ya g'ọ bụru eze l'ẹka iphe, bụkpoo úbvú ọzo nọgbaa. Mbụ l'ee-me iya g'ọ kakọta úbvú ọzo l'eli. Noo teke ọhamoha a-nọdu awụ awụ-pfu iya.

Azáya 22:14

Ọle Chipfu, bụ Ọkalibe-Kakọta-Ike mekpọoru ọwa-a; mu maru; mu gude nchị mu nụma iya; mbụ l'ọ sụru-a: “iphe-ẹji-a, unu eme-a bẹ a ta abyakwa asachafụ asachafụ jasụ g'unu a-nọ-beru. Noo iphe, oopfu; mbụ Nnajịuphu ono, bụ Chipfu; bya abụru Ọkalibe-Kakọta-Ike.”

Azáya 39:6

Ọ sụru-a: Lẹ mbọku abyawaa teke iphemiphe, dụ l'ụlo eze ngu; mẹ iphe ono, nna ngu phẹ setarụ dobe; ọ nọo byasụ nta-a a-bụru iphe, ee-vuta lashịa Bábilọnu. Ọ tọ dụdu m'ọphu ee-wophodo. Noo iphe, Chipfu epfu.

Azáya 48:14

Unu tụko g'unu ha byakọta bya angabẹ nchị. Dẹnu nshi ọphu dụru ike pfuaru unu iphe-a; mbụ l'onye ono, mụbe Chipfu họtaru ono l'e-me iphe, mu tụberu l'ẹhu ndu Bábilọnu; mbụ l'oshi ẹka iya bẹ ọ dabẹwaru l'ẹhu ndu Bábilọnu.

Azáya 53:1

?Bụ onye kwetarụ ozi, anyi ziru? Tọo ?bụ onye bẹ e meru g'ọ maru g'ike Chipfu habe shii?

Jieremaya 23:20

Ọphu ẹhu eghubuhukwa Chipfu eghu gbiriri jasụ l'o meẹbekota iphe, dụ iya l'ọkpoma k'ememe. Mbọku abya-a l'ụzo iphu teke iphe-a l'e-dokọta unu ẹnya ree.

Danẹlu 10:1

O be l'apha, kwe Sayịrosu, eze ndu Peshiya apha ẹto, ọ bahụru l'ọkwa-eze iya; Danẹlu phụa ọphulenya. Danẹlu ono bụ iya bụ onye ọphu e shi ekuje Beluteshaza. Iphe ono, ọ phụru l'ọphulenya ono bụru iphe, e-me ememe bya abụru iphe, egoshi l'ọgu a-dụ. Ozi ono bya edoo ya ẹnya; tẹme e mekwaaphọ g'iphe ono, ọophu l'ọphulenya ono doo ya ẹnya.

Danẹlu 10:14

Nta-a bẹ mu byaru gẹ mu pfuaru ngu iphe, e-me ndu nkengu l'ụzo iphu; kẹle ọphulenya ono bụ iphe, e-mechaa mee l'ụzo iphu.”

Danẹlu 2:47

Eze bya asụ Danẹlu-a: “Ọo eviya; Chileke ngu bụ Chileke nwekọta agwa, nọkota nụ; bya abụru Nnajịuphu, nwekọta ndu eze l'ophu; bya abụru onye ekpuhajẹ iphe, e domiru edomi goshi; noo kẹle ọwa-a bẹ ị kọtakpoerupho g'ọ dụ.”

Émọsu 3:7

Tororo bụ lẹ Nnajịuphu, bụ Chipfu ta adụdu iphe, oomeje l'ẹbe ekpuha idzu iya goshi ndu-ozi iya, bụ ndu mpfuchiru iya.

Mayịka 4:1

Sụ-a; o -rwua teke ikpazụ bẹ ee-me g'eli úbvú ono, a kpụru eze-ụlo Chileke ono ngụru angụru; mee ya l'ọ bụru iya a-kachaa shii l'iphe, bụkpoo úbvú ọzo nọgbaa nụ. Mbụ l'ee-me iya g'ọ kakọta úbvú ọzo l'eli. Noo teke ndiphe a-nọdu awụ awụ-pfu iya.

Ọ́gú 24:14

Nta-a bẹ mu alawa; alapfu ndibe mu. Ọle-a; byakwa gẹ mu nmaaru ngu ọkwa; gẹ mu pfuaru ngu iphe, ndu-a e-mechaa mee ndibe unu lẹ teke dụ l'iphu.”

Luku 2:26

tẹme Unme Chileke mehawaru g'ọ maru l'ọnwu tee shitadụ ẹka ọ nọ jasụ teke ọ hụmaadaru Kéreshi, shi l'ẹka Nnajịuphu.

Ndu-ishi-ozi 2:17

“Ọwaa bụ iphe, Chileke epfu! L'ikpazụ bẹ mu a-wụ nemadzụ mgburugburu Unme mu. Ọo ya bụ; ụnwu unu unwoke mẹ ụnwanyi epfuchiaharu mu. Tẹme ụnwokorobya unu aphụa ọphulenya. Ndu bụ ọgerenya unu a-rwọ nrwọ.

Ditoronomi 31:12

Unu dzukọbe phẹ l'ẹka lanụ; unwoke mẹ ụnwanyi; yẹe ụnwegirima; mẹ ndu lwarụ alwalwa, bu lẹ mkpụkpu lẹ mkpụkpu unu; k'ọphu ẹphe a-tụko ngabẹ nchị; nwụta atsụ Chipfu, bụ Chileke unu ebvu; tẹme ẹphe eleta ẹnya emekọta iphe, e pfuru l'ekemu ono g'ọ ha.

Ditoronomi 4:30

Teke unu jeahaarụ iphe-ẹhuka ono; mbụ teke iphemiphe-a nwụkotaru kpua unu bẹ o -be l'ikpazụ iya bẹ unu a-dakọbe woru iphu ghaaru Chipfu, bụ Chileke unu; bya emeahaa opfu iya.

1 Timoti 4:1

Unme Chileke bẹ epfuru iya anyi enwu iya anyi enwunwu lẹ nchị sụ l'e-mechaa nweru ndu e-dochi ekweta onoya wata anga nchị l'iphe, ndu ọbvu alọ-kpurukpuru epfu; wata etso iphe, ọbvu ono ezi.

2 Timoti 3:1

“Sụ-a; iphe lanụ, ịi-maru ọkpobe amaru bụ l'o -rwuẹpho teke k'ikpazụ bẹ ọkpobe iphe-ẹhuka a-byakwa.

Hiburu 1:2

O be lẹ nta, bụwaa ikpazụ-a; ọ bụru onye bụ Nwa iya bẹ o gude pfuru nụ anyi. Ọ bụru l'ẹka Nwa iya ono bẹ ọ gbẹ mee mgboko mgburugburu; tẹme ọ họtakwa iya phọ sụ l'ọo ya bẹ iphemiphe kụru ishi l'ẹka.

Hiburu 13:1

Unu ta ahakwa n-yemobu unu yeru ụnwunna unu ono.

Ọphulenya 4:1

Tọbudu iya bụ; ono bvụchaepho mu byakwa elee ẹnya ọzo; hụma ụzo, gheru ọnu l'imigwe. Olu mbụ phọ, mu shi nụmahawaa phọ; mbụ olu phọ l'ada g'opu-ọgu phọ; sụ mu: “Nyikota byakpọdapho l'ẹka gẹ mu goshi ngu iphe, e-me l'iphu.”