Mbụlembu 48:16 - BAYỊBURU Izii

¹⁶ Ọo ya bụ Ojozi-imigwe ono, dzọtakotaru mu nụ l'ẹka iphe, bụ ẹjo-iphe, byapfutaru mu nụ ono. G'e kujekwa ẹpha ụnwegirima-a laa l'ẹpha mu; waa lẹ kẹ nna mu oche phẹ, bụ Ébirihamu; waa Áyizaku. Tẹme ẹphe adụkwapho l'ọtu lẹ mgboko-a.”

Mbụlembu 48:16 ပူးပေါင်းရင်းမြစ်များ

Mbụlembu 22:11

Ojozi Chipfu gbẹ l'imigwe kua ya oku sụ: “Ébirihamu! Ébirihamu!” Ọ za iya ẹnu.

Mbụlembu 22:15

Ojozi Chipfu bya eshi l'imigwe kua Ébirihamu k'ugbo ẹbo bya asụ iya:

Mbụlembu 32:28

Ọo ya bụ; nwoke ono sụ iya: “Ẹpha ngu taa bụeduru Jiékọpu; ọo Ízurẹlu bẹ ọo-bụru; noo kẹle unu lẹ Chileke; waa nemadzụ gharu iya; ị lwụ-kpee.”

Mbụlembu 46:3

O sụ iya: “Ọo mbẹdua bụ Chileke; mbụ Chileke kẹ nna ngu phẹ.” Sụ: “Gẹ ndzụ ala Ijiputu ta agụshi ngu; noo kẹle mu e-me ngu g'ị bụru ọha, parụ ẹka l'ẹka ono.

Mbụlembu 48:5

Jiékọpu sụ iya: “Ụnwegirima labọ, ị nwụtaru l'alị Ijiputu tẹme mu bya phọ; mbụ Ifuremu waa Manásẹ bẹ mu wotaru g'ụnwu, mu nwụru l'onwomu; ẹgube Rúbẹnu; waa Simiyọnu bụ ụnwu mu ono.

Mbụlembu 49:22

Jiósẹfu bụ vayịnu, amịje ntụmatu; ọ bụ vayịnu, nọ-kube mgboru ẹka mini dụ, amịje mebyi shii. Ẹkali iya baa ụba tụko igbulọ sweta.

2 Sámẹlu 4:9

No iya; Dévidi bya eyeeru Rekabu yẹle nwune iya nwoke, bụ Bana ọnu; mbụ ụnwu Rịmonu, bụ onye Berotu ono; sụ phẹ: “Eshinu Chipfu nọ ndzụ g'ọ nọ iya-a; mbụ onye ono, nafụtaru mu l'iphe-ẹhuka;

1 Ndu eze 1:29

Eze ribua nte sụ: “Eshinu Chipfu nọ ndzụ g'ọ nọ iya-a; mbụ onye ono, nafụtaru ndzụ mu l'iphe-ẹhuka l'ophu ono;

2 Iphe, ndu eze meru 7:14

ọ -bụru lẹ ndibe mu ono, bụ ndu eeku ẹpha ala l'ẹpha mu ono; wozetaru onwophẹ alị; pfuru nụ mu; chọo atatiphu mu; bya adakọbe haa ẹjo-ememe, ẹphe eme; bẹ mu e-shikwa l'imigwe nụma epfupfu, ẹphe epfu anụ mu; gụaru phẹ nvụ l'iphe-ẹji phẹ; mee g'alị phẹ dụ iche.

Ebvu-ọma 121:7

Ọo Chipfu ephufuje ngu l'ẹka ẹjo-iphe nọkota. Ọo yẹbedua anọduje eche ndzụ ngu nche.

Ebvu-ọma 34:2

Ọo Chipfu bẹ mu gude eku onwomu. Ndu aakpa ẹhu -nụmae ya phọ; ẹhu atsọo phẹ ụtso.

Ebvu-ọma 34:22

Chipfu agbafụtaje ndu ejeru iya ozi; ọphu ọ dụdu onye gbabarụ l'ime iya je anọdu zee ndzụ, a bya anma ikpe m'onye lanụ.

Ebvu-ọma 34:7

Ojozi-imigwe kẹ Chipfu anọ-pheje ndu atsụ Chipfu ebvu mgburugburu. Ọonoduje adzọ phẹ tekenteke.

Ebvu-ọma 34:8

Unu byanụ g'unu lẹ Chipfu megbabẹ iphe g'unu ahuma l'ọ dụ ree. Ẹhu-ụtso bẹ a gọru nụ ndu gbabarụ iya l'ẹka je ezeeru ndzụ.

Awụfu 1:7

Ọle ndu Ízurẹlu azụshiele-a; bya abarahụ. Ẹphe zụshiru kwatakpọo paa ẹka apaa; k'ọphu ẹphe tụkoerupho alị ono sweta.

Azáya 47:4

Mbụ l'onye agbafụtaje anyi ono bẹ ẹpha iya bụ Chipfu. Ọ bụ Ọkalibe-Kakọta-Ike; bya abụru Onye nsọ kẹ ndu Ízurẹlu.

Azáya 63:9

Ẹphe nọdu ejekpọ iphe-ẹhuka, ẹphe jeru g'ọ ha; ọ nọdu atsụe ya phọ l'ẹhu. Ọ bụru ojozi-imigwe, shi l'ẹka ọ nọ jeru je adzọo phẹ. Ọ bụru eye obu, o yeru phẹ; yẹle obu-imemini, ọophuru phẹ bẹ o gude gbata phẹ. Ọ palia phẹ ephekerephe; heru phẹ eheru teke ndiche ono l'ophu l'ophu.

Jieremaya 14:9

?Dẹnu g'o gude ị dụ gẹ nwoke, a tụru l'ụpfu; g'onye ike ọgu dụ; obenu l'ike ta adụedu iya kẹ g'ọ dzọo ndzụ? Gụbe Chipfu; anyi lẹ ngu tụkonuru nọdu. Tẹme anyi nọdu aza ẹpha alaru ngu. Ta agbadoshinu anyi!”

Jieremaya 15:21

Mu a-dzọ ngu l'ẹka ndu ẹjo-iphe; bya agbafụta ngu l'ẹka ndu njọ ono, tụru ngu swịswia ono.

Émọsu 9:12

k'ọphu nwa ndu wafụru nụ lẹ ndu Edọmu a-bụru okiphe phẹ; yẹe iphe, bụkpoo ọhamoha, bụ ndu eeku ẹpha mu.” Nokwa iphe, Chipfu eepfu; mbụ onye bụ iya e-me iphemiphe-a.

Malakayi 3:1

Wakwa iphe, Chipfu, bụ Ọkalibe-Kakọta-Ike eepfu: “Unu hụmakwa iphe, mu abya ememe. Mu e-zi onye-ozi mu g'o je abọoru mu ụzo l'iphu. Noo teke ọ tọ dụedu g'ọo-nọ-beru; Nnajịuphu ono, unu ele ẹnya iya ono abata l'eze-ụlo iya; mbụ onye-ozi ono, ọogu unu g'a sụ l'ọ byaru ono, bụ onye a-bya araaru unu k'ọgbandzu mu l'unu ono arara.”

Ọ́gú 1:46

Mkpakọ iphe, ẹphe dụ g'ẹphe ha bẹ bụ ụkporo ụnu nemadzụ mgbo ụkporo ẹto l'ụmadzu ụkporo iri l'ise; l'ụnu ụmadzu ẹsato; l'ụmadzu ụkporo iri l'ẹsaa; l'ụmadzu iri.

Matiyu 6:13

Te ekwekwa g'anyi nmalahụ l'ọhutama. Nafụtachikwaa anyi g'anyi ta aba l'ẹka onye ẹjo-iphe.’ Kẹle ọo ngu bụ eze iphemiphe; bya abụru ngu nwe ike; nweru akpabiri jasụ lẹ tuutuutuu lẹ mịimiimii. Nokwa g'ọ dụ.

Jiọnu 17:15

Mu te epfukwaru ngu g'i wofu phẹ lẹ mgboko. Ọ kwa g'i gbobutajẹ phẹ g'ọ tọ dụ iphe, Onye-njọ ono, bụ Obutuswe l'e-me phẹ.

Ndu-ishi-ozi 15:17

Ọo ya bụ gẹ ndu ọzo g'ẹphe hakpọo awatakwanụ achọ Nnajịuphu, bụ iya bụ iphe, bụkpoo ọhamoha, mu kukọtaru g'ẹphe bya abụru nkemu. Noo iphe, oopfu; mbụ Nnajịuphu, emekọtaje iphemiphe ono.

Romu 8:23

Ọle ọ tọ bụlekwaa phẹ-a kpụrumu. Anyịbedua l'onwanyi, bụ ndu nwewaru Unme Chileke; mbụ Unme, Chileke yeru anyi l'ẹhu gude goshi lẹ ya e-mechaa meeru anyi iphe ono, o kweru anyi ukwe iya ono; l'atsụkwapho ude; g'anyi ele ẹnya gẹ Chileke mee anyi g'anyi bụru ụnwu iya, g'ọ gbata ogwẹhu anyi l'ophu.

1 Kọrentu 10:4

bya angụkotakwapho mini ono, shi l'ẹka Unme Chileke ono. Kẹle ẹphe ngụru mini, shi lẹ mkpuma ono, a ta hụmajedu l'ẹnya ono. Mkpuma ono bụ iya bụ Kéreshi. Ọ bụru mkpuma ono bẹ tsoru phẹ nụ ono.

1 Kọrentu 10:9

Ọphu anyi ahụkwa Nnajịuphu ama, bụ iya bụ g'ẹphe harụ hụa ya teke ndiche ono; agwọ tagbushia phẹ.

Ditoronomi 28:10

Ụnwu-eliphe l'ophu ahụma l'unu zarụ ẹpha laaru Chipfu; ẹphe atsụahaa unu ebvu.

Ditoronomi 33:17

Ọ dụ akpabiri g'oke-eswi, vu ụzo l'ẹpho ne iya. Mpu iya dụ gẹ k'atsụ. Ọ bụru mpu iya ono bẹ oo-gude adụ-tsushi ọhamoha l'ophu; mbụ je akpaa lẹ ndu bu l'ẹka igwe beru alị beru. Nokwaphọ g'ụnubuku oshilọkpa Ifuremu dụ; bya abụkwarupho nno bụ g'agụta agụta oshilọkpa Manásẹ dụ.”

2 Timoti 4:18

Ọ kwaphọ Nnajịuphu ono bẹ l'a-nafụta mu l'iphe, bụkpoo ẹjo-iphe mgburugburu kpọ; dua mu gele gele je edobe l'ẹka ọ bụ eze l'imigwe. G'ajaja bụru nkiya jasụ lẹ tuutuutuu lẹ mịimiimii. Nokwa g'ọ dụ.

Tayitọsu 2:14

Onye woru onwiya nụ l'iswi ẹhu anyi g'oo-shi ẹgube ono gbata anyi l'ẹka iphe-ẹji; waa g'ọ saa obu anyi g'anyi bụru nkiya; mee anyi ndibe iya; ndu eme ọma anọduje ehe ihee.

Hiburu 11:21

Ọo ekweta Jiékọpu meru g'o gude ọ gọru ọnu-ọma nụ ụnwu Jiósẹfu l'ẹhu l'ẹhu tẹme ọ nwụhu. Ọ pfụru apfụru; woru mgbọro iya sụbe l'alị; phozeta l'eli iya; baarụ Chileke ẹja g'ọ gọ ọnu-ọma ono.

Jioshuwa 17:17

Jioshuwa sụ oshilọkpa Jiósẹfu, bụ iya bụ ndu Ifuremu; waa ndu Manásẹ: “Unu dụ igwe shii; tẹme ọkpehu dụ unu; ọ tọ bụdu uzi alị lanụ kpoloko bẹ ido iya a-dabarụ unu.