Mbụlembu 47:9 - BAYỊBURU Izii

⁹ Jiékọpu sụ Fero: “Apha, mu nọwaru lẹ mgboko bẹ rwuakwaru ụkporo apha ishii l'apha iri. Apha, mu nọwaru hakwa nwanshịi; ọle ọo ẹpho iphe-ẹhuka bẹ mu gude ejeje; ọ nọdu eme gẹ mu ta nọ-rwu gẹ ndiche mu phẹ nọ-rwuru lẹ mgboko.”

Mbụlembu 47:9 ပူးပေါင်းရင်းမြစ်များ

Mbụlembu 11:11

Ọ nwụchaa Afakusadu; bya anọfua ụnu apha l'ụkporo apha ise. Ọ nwụshikwapho unwoke yẹe ụnwanyi tsobe Afakusadu.

Mbụlembu 35:28

Áyizaku nọru ụkporo apha tete.

Mbụlembu 47:28

Jiékọpu bua l'alị ndu Ijiputu mgbarapha iri l'ẹsaa; jasụ teke ọ nọ-rwuru mgbarapha ụkporo ẹsaa l'apha ẹsaa.

Mbụlembu 47:8

Noo ya; Fero bya asụ Jiékọpu: “Ị nọwaru apha ole?”

Mbụlembu 5:27

Mkpakọ apha, Metusela nọru bụru ụnu apha labọ l'ụkporo apha iri l'ẹsato l'apha tete; bya anwụhu.

Mbụlembu 50:26

Ọo ya bụ; Jiósẹfu nwụhu g'ọ nọchaerupho ụkporo apha ise l'apha iri. E dozia odzu iya g'o to rehu; bya eye iya l'okpoko-odzu dobe l'alị Ijiputu.

1 Iphe, ndu eze meru 29:15

L'atatiphu ngu bẹ anyi bụ ndu mbyambya; bụru ndu nọ l'ije; ẹgube ono, nna anyi phẹ shi bụru iya. Ndzụ, anyi nọ l'eliphe-a bẹ agba phụruphuru g'onyonyo; kẹle ọ tọo nọdu jasụru asụru.

Jiobu 14:1

Nemadzụ, nwanyị nwụru-a bẹ eswe ndzụ iya adụdu igwerigwe. Tẹme ọ bụerupho iphe-ẹhuka bụ iphe, jiru iya nụ.

Ebvu-ọma 119:19

Mu bụkwa onye lwarụ alwalwa l'eliphe-a. Jiko ba adụkwa iphemiphe, ị sụru g'e meje ọphu ii-domiru mu edomi.

Ebvu-ọma 119:54

Iphe, ị tọru ọkpa iya sụ g'e tsoje abụjeru ishi ébvú mu l'iphe, bụkpoo ụlo, mu zẹkporu l'ụzo ije mu-a.

Ebvu-ọma 39:12

“Nụmanu epfupfu, mu epfu anụ ngu gụbe Chipfu! Ngabẹnu nchị lẹ mkpu, mu echiku ngu! Ba gbakwa nkụchi g'ị tị nụma ẹkwa, mu ara ekpu ngu! Kẹle mu bụ onye lwarụ alwalwa, lwapfutaru ngu nụ; ẹgube ono, ndiche anyi phẹ shikwaphọ bụru ono.

Ebvu-ọma 39:13

Jiko hafụa mu rọ; k'ọphu ẹhu a-kabẹ tsọ mu ụtso ọzo; tẹme mu alashịwaro maa.”

Ebvu-ọma 39:5

I meru ndzụ mu; ọ dụ tsọkere. Gẹ ndzụ mu a-nọ-beru ta adụdu iphe, ọ bụ l'iphu ngu. Nemadzụ l'ophu tụkoerupho bụru udzu ọnu.

Awụfu 6:4

Anyi l'ẹphe bya agbaa ndzụ lẹ mu a-nụ phẹ alị ndu Kénanu ẹka ẹphe shi buru gẹ ndu lwarụ alwalwa.

Awụfu 7:7

Mósisu nọwaru ụkporo apha ẹno; Erọnu nọwa ụkporo apha ẹno l'apha ẹto teke ẹphe jeru je epfuru opfu nụ Fero.

2 Kọrentu 5:6

Ọo iphe ono meru g'o gude obu nọdu eshihuje anyi ike tekenteke kpọo. Iphe, anyi maru bụ lẹ teke anyi nọ ndzụ eme ẹhu anyi ẹhu anyi bẹ anyi ta anọdu Nnajịuphu l'ẹka.

Ditoronomi 34:7

Mósisu nọru ụkporo apha ishii; tẹme ọ nwụhu; ọle ọ tọ phụjeduru ragaraga; ọphu ọkpehu iya alwajẹduru alị.

Hiburu 13:14

Kẹle ọ tọ dụdu mkpụkpu, anyi nweru l'eliphe-a, bụ mkpụkpu ọphu l'a-dụ ojejoje; ọ chia iphe, meru nụ bụ l'anyi achọ mkpụkpu ọphu abya nụ.

Jiemusu 4:14

l'ẹbe abụ l'unu maru g'echele a-dụ. ?Ndzụ unu bụ gụnu? Ọ bụ ẹnwuru-ọku, akpụ-lihuje; a nọekwapho nwanshịi l'oophukashịhu.

Jioshuwa 24:29

E meẹbechaepho iphemiphe ono; Jioshuwa nwa Nunu; onye ejeru Chipfu ozi; nwụhu g'ọ nọchaaru ụkporo apha ise l'apha iri.

1 Pyịta 2:11

Ndu mu yeru obu; unu bụkwa nlwamụlwa lẹ mgboko-a; tẹme unu byakwa iya phọ g'onye kpafụtaru ụri. Ọo iphe ono meru g'o gude mu nọdu epfuru iya unu; epfushiru iya unu ike sụ unu jiko g'unu te ewokwaru onwunu tọgboru ẹgu ẹjo-iphe, dụ iche iche, anọduje agụ nemadzụ ẹgu ememe. Ọ kwa ndzụ ọ̀phúú ono, Chileke nụru unu ono bẹ ẹgu eme ẹjo-iphe ono anọduje etso ọgu.