Mbụlembu 47:29 - BAYỊBURU Izii

²⁹ O rwujeẹpho Ízurẹlu l'anwụhu; o kua nwa iya, bụ Jiósẹfu bya asụ iya: “Ọ -bụru l'i yeru mu obu; jiko chịnuru ẹka ye mu l'ehe riaru mu angụ; l'ii-goshi mu l'i yeru mu obu bya abụru onye apfụshije ike l'iphe, i pfuru; l'i tii lidu mu l'alị Ijiputu.

Mbụlembu 47:29 ပူးပေါင်းရင်းမြစ်များ

Mbụlembu 24:2

Ọ bya ekua onye ọphu bụ onye-ishi lẹ ndu-ozi iya; mbụ onye ọphu eletakọta iphemiphe, o nweru ẹnya; bya asụ iya: “Dẹe mu ẹka l'ehe.

Mbụlembu 24:49

Ọ -bụru l'unu e-goshi l'unu yeru nnajịuphu mu obu; l'ọ gbaru g'o gude ire unu ẹka; unu pfunaa ya gẹ mu nụma. Teke ọ dụdu; unu pfukwaphọ; gẹ mu maru ọphu mu e-shi eshishi.”

Mbụlembu 27:2

Ọ sụ iya: “Nta-a bẹ mu bụakwaa nwoke ọgerenya; ọphu mu amakwa mbọku, mu a-nwụhu.

Mbụlembu 3:19

Ịi-kụta ẹphuru phee tẹme l'i ria nri; gbiriri jasụ ị laphu azụ l'alị; eshi ọphu ọ bụ ẹja shi l'alị bẹ i shi. Ọo ẹja shi l'alị bẹ ị bụ; ọ bụkwarupho l'ẹja shi l'alị ono bẹ ịi-laphu azụ.”

Mbụlembu 47:9

Jiékọpu sụ Fero: “Apha, mu nọwaru lẹ mgboko bẹ rwuakwaru ụkporo apha ishii l'apha iri. Apha, mu nọwaru hakwa nwanshịi; ọle ọo ẹpho iphe-ẹhuka bẹ mu gude ejeje; ọ nọdu eme gẹ mu ta nọ-rwu gẹ ndiche mu phẹ nọ-rwuru lẹ mgboko.”

Mbụlembu 48:21

Ízurẹlu sụ Jiósẹfu: “Mu abyaakwaa anwụhu; ọle Chileke bẹ a-nọ-kubekwa unu duphu unu azụ l'alị nna unu.

Mbụlembu 50:12

Noo ya; ụnwu Jiékọpu mee g'ọ sụru g'ẹphe mee.

Mbụlembu 50:5

lẹ nna mu mekwarụ; mu riaru iya nte sụ lẹ ya abyawaa anwụhu; ọle gẹ mbẹdua jekwa elia ya l'ilu, ọ tụru doberu onwiya l'alị Kénanu. Ọo ya bụ gẹ mu jenụ je elia nna mu; gẹ mu alwaphuta azụ.”

2 Sámẹlu 14:14

G'anyi ha nwụhufutaje anwụhu. Anyi dụ gẹ mini, wụshihuru l'alị, te nweẹdu g'ee-shi kukọbe iya l'iphe ọzobaa. O to nwedu onye Chileke gụfuru anwụhu l'ẹhu iya. Ọ chia iphe, oomeje bụ l'ọochoje ụzo, ee-shi g'onye a chịfuru achịfu lwaphuta azụ lwapfuta iya.

2 Sámẹlu 2:32

Ẹphe pata Asahẹlu je elia l'ilu nna iya lẹ Bẹtulehemu. Ọo ya bụ; Jiowabu yẹle ndu nkiya tụgbua l'ẹnyashi ono; ọ bụru lẹ nchi-abọhu bẹ ẹphe jerwuru Hẹburonu.

2 Sámẹlu 7:12

Teke ndzụ ngu bvụerupho; mbụ ị -lapfuẹpho nna ngu phẹ; bẹ mu e-shi l'ụnwu ngu wofuta onye a-nọ-chi ẹnya ngu; mbụ onye e-shi l'ẹhu ngu gẹdegede. Mu emee g'alị-eze iya ngụru angụru.

1 Ndu eze 2:1

Ọ gbabeẹpho teke Dévidi abya anwụhu; o keru ekpe nụ nwa iya, bụ Sólomọnu sụ:

Jiobu 14:14

Mbụ-a; nemadzụ -nwụhuchaa; ?ọo-dzụru ndzụ ọzo? Mbụ eswe ujiku olemole-a, mu eje ozi mkpọnwu ẹhu-a bẹ mu gege angabẹepho g'o rwua eswe mbọku, ee-me mu gẹ mu dụ k'ọ̀phúú k'ọ̀phúú.

Jiobu 30:23

Mu makwarụ-a lẹ ị kpụwa mu ala maa. Ị kpụwa mu ala ẹka ono, e doberu iphe, bụ onye nọ ndzụ.

Jiobu 7:1

Nemadzụ ?tọ bụdu iphe, ọ byadoru eliphe, bụ ese akanya; mbụ lẹ ndzụ, ọ nọ dụepho gẹ ndzụ onye e butaru g'o jee ozi.

Ebvu-ọma 49:7

Ọle ọ tọ dụkwa onye a-dụ ike a-gbafụta nwibe iya; ọphu ọ dụdu onye ọphu a-dụ ike apfụ Chileke aswa ishi nemadzụ ibiya.

Ebvu-ọma 49:9

mbụ ụgwo, ọo-pfụ nọdu ndzụ ojejoje; g'o t'o rehu erehu.

Ebvu-ọma 6:5

Kẹle; onye nwụhuru nụ ta anyataẹkwaru ngu. ?Bụ onye a-gbẹ l'alị-maa ekele ngu ekele?

Ebvu-ọma 89:48

Lẹ-a; ?dẹnu nemadzụ, a-nọdu ndzụ g'ọ tọ nwụhu anwụhu; ọzoo g'ọ dzọo onwiya g'ọ tọ la maa?

Ditoronomi 31:14

Tọbudu iya bụ; Chipfu bya epfuru yeru Mósisu sụ iya: “Mbọku, ịi-nwụhu erwuakwa ntse. Kua Jioshuwa; g'unu l'iya tụko swịru bya apfụru l'ụlo-ẹkwa-ndzukọ gẹ mu karụ iya iphe, oo-me.” Mósisu yẹe Jioshuwa bya ejerwua je apfụru l'ụlo-ẹkwa-ndzukọ ọbu.

Ditoronomi 31:16

Chipfu sụ Mósisu: “Nta bẹ ịibyakwa alapfu nna ngu oche phẹ. Ọle ndu-a ta adụkwa g'ẹphe a-nọ-beru; ẹphe awata apharwụshi onwophẹ g'ụnwanyi ụkpara l'abarụ agwa ndu alị ono, ẹphe abahụ ono ẹja. Ẹphe a-gwọbe mu; mebyia ọgbandzu ono, anyi l'ẹphe gbaru ono.

Hiburu 11:22

Ọo ekweta Jiósẹfu meru g'o gude ọ bya l'anwụhu; o vuru ụzo pfua opfu awụfu, ndu Ízurẹlu mechaarụ shi l'alị Ijiputu wụfu lashịa alị, Chileke kweru phẹ ukwe iya. Ọ bya egoshikwaphọ g'ee-me ọkpu iya m'ẹphe -wụfuje.

Hiburu 9:27

Iphe, dụru onyemonye bụ l'onyemonye nwụhufutaje akpọ lanụ; ọ nwụhuchaa; iphe ọzo, e-mefụanu bụ lẹ Chileke e-kpe iya ikpe.

Jioshuwa 2:14

Ẹphe sụ iya: “Anyi e-gude kẹle ị dzọru anyi ndzụ; dzọo ndzụ nkengu. Ọ -bụru l'o to nwedu onye i pfuru iphe, anyi byaru ememe-a; bẹ Chipfu -nụepho anyi alị ono bẹ anyi e-doberu ngu ire-lanụ meeru gụ lẹ ndibe ngu iphe-ọma.”

Jioshuwa 23:14

“Ọ gbabewaru mu l'alala, bụ iphe, dụru ndiphe l'ophu. Unu gudewaa obu; waa uche unu maru l'ọ tọ dụdu iphe, Chipfu, bụ Chileke unu kweru ukwe iya, dụru ọphu o mephodoru unu mẹ nanụ. Ọ tụkoru ukwe-iphe ono g'ọ ha mekọta. Ọphu ọ dụdu g'ọ ka mma l'ọo nanụ, ọ harụ; ọ laa kẹ mmanụ.

1 Sámẹlu 26:10

“Eshinu Chipfu nọ ndzụ g'ọ nọ iya-a bẹ bụkwa Chipfu l'onwiya bẹ l'e-gude ẹka iya chigbua ya. Ọphuu l'anwụhu iya rwuru; ọ nwụhu; ọzoo l'o jeru ọgu; je alaa l'ọgu.