Mbụlembu 47:23 - BAYỊBURU Izii

²³ Jiósẹfu sụ phẹ: “Eshinu mu zụru unu; waa alị unu ntanụ-a nụ Fero; wakwa akpụru-iphe, unu a-kọbe l'alị baa.

Mbụlembu 47:23 ပူးပေါင်းရင်းမြစ်များ

Mbụlembu 41:27

Eswi ẹsaa ọphu dụ ẹji bya ajọ ẹhu, fụtaru nụ gẹ ndu ọphuu fụtachaerupho phọ bụ apha ẹsaa. Tẹme ishi akpe ẹsaa phọ, dụ mgbapya mgbapya; phẹrephere, shi ụzo ẹnyanwu-awawa zipyashịru; ọ nwụlwashihu anwụlwashihu phọ bụru apha ẹsaa, ẹgu e-me.

Mbụlembu 45:6

Ọkpa-nri mewaru apha labọ l'alị-a; tẹme l'ime apha ise, abya nụ bẹ ọ tọ dụdu onye a-kọbe iphe l'alị; ọphu ọ bụro k'akpata iphe, shi iya nụ.

Mbụlembu 47:22

Alị lanụ, ọ zụduru l'alị ono l'ophu bụ alị ndu-uke; noo kẹle ọo Fero anụ phẹ nri. Tẹme nri k'ono, Fero eketajẹ nụ phẹ ono nọdu asụjeru phẹ. Noo iphe, meru g'o gude ọphu ẹphe ereduru nkephẹ.

Mbụlembu 47:24

Ọle unu -kpatachaẹ ya phọ; unu keje iya ụzo ise nụ Fero oke lanụ. Ụzo ẹno k'ọphuu bẹ unu e-dobe g'ọ bụru ọphu unu a-kọ-phu azụ l'alị. Tẹme ọ bụkwaru iya phọ bẹ unu; waa ndu unu l'ẹphe bu; waa ụnwegirima ibe unu e-rije.”

Ebvu-ọma 112:5

Ọ bụepho k'ọma a-nọdu etso onye emeje iphe-ọma bya ejieje ụgwo mịa ya ẹnya; onye iphemiphe, oome bẹ oomeje k'ọphu aa-harụ iya enge.

Ebvu-ọma 41:1

Ẹhu-ụtso bẹ a gọru nụ onye anọduje eyeru ndu ụkpa ẹka; kẹle Chipfu a-dzọta iya mẹ ọ -nọdu eje iphe-ẹhuka.

Ẹkwo Ẹtu 11:26

Ndiphe anọduje ephu nemadzụ iphu mẹ o -gbushia ereshi gbachishia l'iphe. A nọdu ajajẹ onye reru nkiya l'orwuberu iya ajaja.

Ẹkwo Ẹtu 12:11

Onye jeru ozi l'alị iya bẹ nri a-dụru dụa k'etsutsu iya. Obenu l'onye achị iphe-iphoro ọso te nwedu egomunggo.

Ẹkwo Ẹtu 13:23

Onye akpa nri -kọo opfu bẹ oomehujekpọ; nri adụkpoo dụchaa k'etsutsu iya. Obenu lẹ be ekpe ikpe, pfụru ọto atụkoje iya chịta.

Oziphe 11:6

Kụa mebyi iphe, ịiku akụku l'ụtsu. Ọphu i dobekwa ẹka doo l'ụzenyashi; kẹle ị tị madụ ọphu e-mechaa dụ ree. ?Bụ ọwa-a; tọo ọphuu; tọo ẹphenebo e-mechaa dụkota ree?

Azáya 55:10

Ọ kwa gẹ mini; yẹle aka-mini-sunoo eshije l'igwe dzee; ọ tọo laphuhẹedu iya azụ; abụdu l'ọ gbaru mini l'eliphe-a; mee ya l'o gua egugu fushiaha iphe l'alị; k'ọphu ọo-mịtaru ndu akọ iphe akpụru-iphe; tẹme ndu eri eriri enweru iphe, ẹphe e-ri;

Matiyu 24:45

“?Bụ onye bụ nwozi, e gude ire iya ẹka tẹme ọ bụru onye kwarụ ẹnya? Ọ bụ onye ono, nnajịuphu iya doberu l'unuphu g'ọ nụjeru iya ndibe iya nri l'orwuberu iya.

2 Kọrentu 9:10

Ọo Chileke, bụ iya anụje onye akọ opfu iphe, oomebeje l'opfu iya; bya anụje iya nri sụ g'o ria-a; bẹ bụkwapho onye a-nụ unu akpụru-iphe, mkpa iya dụru unu; unu akọo. Ọ bụru iya bụ onye e-me g'iphe, unu meberu l'alị mehu emehu k'ọphu unu a-kabaa enwenwe; gude iya kabaa eme iphe-ọma ono, unu eme ono.