Mbụlembu 43:11 - BAYỊBURU Izii

¹¹ Nna phẹ, bụ Ízurẹlu sụ phẹ: “Ọ -bụkpowaru l'ọo ẹgube ono bụ g'e mefụtaje iya bụkwa iphe, unu e-me bụ g'unu wota mebyi iphe, kachaa ree, shi l'alị-a yee l'ẹda unu, unu a-nụ nwoke ono. Unu meta nwa manụ bamu; waa nwa manụ-ẹnwu; waa etse; waa manụ mẹru; waa akpụru oshi pisutasho; waa akpụru oshi alụmondu.

Mbụlembu 43:11 ပူးပေါင်းရင်းမြစ်များ

Mbụlembu 33:10

Jiékọpu sụ: “E phokwarọ! Ọ -bụru lẹ mu dụ ngu l'obu; jiko natanụ iphe ono, mu nụru ngu ono! Ahụma iphu ngu dụ g'onye eje ahụma iphu Chileke; eshinu i gude obu-ọma nata mu.

Mbụlembu 37:25

Ẹphe nọ-zetaẹpho anọo wata eri nri; ẹphe jeshia ele ẹnya bya ahụma ndu ije, shi l'eri Ishimẹlu; ẹka ẹphe shi l'alị Giladu; ẹphe l'ịnya-kamẹlu phẹ; vuru manụ, eshi mkpọ; waa ụ̀nwù, eshikwaphọ mkpọ; waa àrwụ̀, bụ mẹru eje ala alị Ijiputu.

Mbụlembu 43:10

Ọme anyi te eshi teke-a nọduta; mẹ anyi ejeakwa mgbo labọ lwachawa.”

Mbụlembu 43:14

Gẹ Chileke, bụ Ọkwoolemkpa mee gẹ nwoke ono phụaru unu obu-imemini; k'ọphu oo-kwe gẹ nwune unu ọphuu; waa Benjiaminu tụko swịru lwa. Ọ -bụru kẹ mbẹdua; ọ -bụru l'ọo aphụ a-tsọru mu; g'ọ tsọwaru mu rọ.”

Mbụlembu 43:15

Ọo ya bụ; unwoke ono bya egweta iphe-anụnu ono; bya ewota okpoga mkpọla-ọchaa ugbo labọ; bya eduta Benjiaminu; ẹphe jeshia alị Ijiputu. Ẹphe rwua bya apfụru l'iphu Jiósẹfu.

Mbụlembu 43:25

Ẹphe bya akwakọbe iphe, ẹphe gude, ẹphe a-nụ Jiósẹfu-a; mbụ iphe, ẹphe a-nụ iya mẹ ọ lwaẹpho l'eswe; kẹle ẹphe nụmaru l'ọo l'ẹka ono bẹ ẹphe e-ri nri.

Mbụlembu 43:26

Jiósẹfu lwaẹpho unuphu; ẹphe wota iphe, ẹphe shi l'unuphu gude, ẹphe a-nụ iya woru nụ iya; ẹphe buaru iya iphu l'alị gude phozeru iya.

1 Ndu eze 10:15

a -gụfukwa iphe, l'eshije l'ẹka ndu nghọ; mẹ l'ẹka ndu agba eze nghọ; waa ọphu eshije l'ẹka ndu eze ndu Arabu; mẹ ọphu eshije l'ẹka ndu ọchi-ọha alị ono.

1 Ndu eze 10:25

Aphagapha abụjeru: onye -byatashịa; l'o gude iphe bya anụ iya; mbụ iphe, e meru lẹ mkpọla-ọchaa; mẹ ọphu e meru lẹ mkpọla-ododo; mẹ uwe mgbalanụ; mẹ ngwọgu; mẹ manụ, eshi kwẹekweekwee; mẹ ịnya; mẹkpoo ịnya-mulu. Iphe, aanụje iya bẹ apajẹ ẹka apaa.

1 Ndu eze 15:19

“Gẹ mu lẹ ngu tụgbanu bụru nanụ; ẹgube nna mu yẹle nna ngu shi tụgba ono. Ọwaa bụ mkpọla-ọchaa; mẹ mkpọla-ododo, mu achịe ngu. Jiko tụgbunaa je emebyia atụgba ono, unu lẹ Basha, bụ eze ndu Ízurẹlu tụgbaru ono; k'ọphu ọo-parụ mu haa.”

1 Ndu eze 4:21

Sólomọnu bụru eze ndu alị ono l'ophu; e -shi l'ẹnyimu Yufurétisu jasụ l'alị ndu Filisitayinu; je akpaa l'oke ẹphe lẹ ndu Ijiputu. Iphe, bụ alị-eze, nọkota l'uswe iya ono g'ẹphe ha nọdu atụkota akịriko anụ Sólomọnu; tẹme ẹphe nọdukota iya l'ẹka jasụ g'ọ nọ-beru.

2 Ndu eze 16:8

Éhazu bya achịkoo mkpọla-ọchaa; mẹ mkpọla-ododo, dụ l'eze-ụlo Chipfu; mẹ ọphu dụ l'ụlo ẹku l'ibe eze nụ g'a nụ eze ndu Asiriya onoya.

2 Ndu eze 20:12

Ọ bụru teke ono bẹ Merodaku-Baladanu; mbụ nwa Baladanu, bụ eze ndu Bábilọnu deshiru ẹkwo-ozi nụ g'e je anụ Hezekáya; bya eyekwaru iya ya phọ iphe-ọma g'e gude bya iya ajịji; kẹle ọ nụmaru l'iphe shi eme iya; ọ kawaa mma.

2 Ndu eze 8:8

Eze sụ Hazẹlu: “Wota iphe, ịi-nụ onye kẹ Chileke ono gude; g'i shi iya l'ẹka kpataẹdu Chipfu ishi sụ: ‘?Mu a-ka-a mma l'iphe, eme mu nụ-a tọo?’ ”

Ẹsuta 4:16

“Tụgbua je akpakọo ndu Jiu, bu lẹ Susa g'ẹphe ha l'ẹka lanụ; unu aswịa ẹgu pfuru nụ Chileke l'iswi ẹhu mu. G'unu nọo ujiku ẹto eswe l'ẹnyashi; g'unu te erishi nri; ọphu unu etsushi okoro l'ọnu. Mbẹdua yẹle ụnwumgboko, ejeru mu ozi e-mekwaphọ nno. E -mechaa nno bẹ mu e-jepfu eze. A makwarụ-a l'ekemu sụru l'ọ tọ dụdu ree. Ọle mu e-je; ọ -bụru lẹ mu a-nwụhu gẹ mu nwụhuro.”

Ebvu-ọma 68:29

Ndu eze e-gude k'eze-ụlo ngu, nọ lẹ Jierúsalẹmu bya emeeru ngu iphe-ọma.

Ebvu-ọma 72:10

Ndu eze ndu Tashishi mẹ ndu bukube eze-ẹnyimu anọdu atụ akịriko anụ iya. Ndu eze ndu Sheba yẹe kẹ ndu Seba a-nọdukwapho egudeje iphe-ọma abya ibe iya.

Ebvu-ọma 76:11

Ọ -bụru l'unu rifuru Chipfu, bụ Chileke unu angụ sụ l'ọwa-a iphe, unu e-meru iya; unu wotakwa iphe ọbu bya emeẹbekota iphe, unu kweru ukwe iya. G'iphe, bụkpoo ndu bupheru phẹ mgburugburu wota iphe-ọma; bya emeeru onye lanụ ono, gbaru g'a tsụje iya ebvu ono.

Awụfu 3:8

Ọo ya bụ lẹ mu byawaru gẹ mu nafụta phẹ l'ẹka ndu Ijiputu; duru phẹ laa l'alị, dụ ree; bya adụ shii; mbụ alị mini ẹra-eswi; waa manụ-ẹnwu jiru kẹ pyịmu pyịmu; mbụ l'alị ndu Kénanu; waa ndu Hetu; waa kẹ ndu Amọru; waa kẹ ndu Pẹ́rezu; waa kẹ ndu Hevu; tẹme waa kẹ ndu Jiebusu.

Ẹkwo Ẹtu 17:18

Onye enwedu egomunggo anajẹ nwibe iya mkpalẹka; bya eworu onwiya sụbe l'itumo.

Ẹkwo Ẹtu 18:16

Eme iphe-ọma asụjeru onye eme iya nụ ụzo. Ọ nọdu emeje iya g'o jerwua iphu onye parụ ẹka.

Ẹkwo Ẹtu 19:6

Ikpoto nemadzụ anọduje akpa ụzo g'ẹphe bụru ndu dụ onye-ishi l'obu. Tẹme onyemonye bụru ọ̀nyà onye emejeru nemadzụ iphe-ọma.

Ẹkwo Ẹtu 21:14

Iphe-ọma, e meru lẹ mpya egboje ẹhu-eghu. Tẹme ụphalazu, a phabẹru l'uwe nụ nọdu echinyịjekwapho oke ẹhu-eghu.

Ebvu Sólomọnu 4:10

Lewarọ gẹ n-yemobu ngu aatsọ-beru ụtso; gụbe onye bụ nwamgbọko, mu lụru k'ọ̀phúú bya abụru nwune mu. N-yemobu ngu kakwa mẹe atsọ ụtso. Ọ bụkwarupho nno bụ gẹ manụ, ị nyịru kakọtakwapho manụ ọzo eshi mkpọ.

Ebvu Sólomọnu 4:14

Oshi nadụ; mẹ ọphu aza safarọnu dụ iya. Oshi kalamọsu; mẹ oshi sinamọnu dụkwa iya phọ. Iphe, bụkpoo oshi isẹnsu, dụ iche iche pfụru iya. Mẹru; mẹ alowe; mẹkota oshi, eegudeje eme iphe, eshi mkpọ pfụkotakwaru iya phọ.

Ebvu Sólomọnu 8:14

Jiko gụbe onye yeru mu obu; pfụkwaa kẹ shọoshoo byapfuta mu ẹgwegwa; ẹgube ono anịgo; ọzoo ele nshịi apfụje phọ l'úbvú, a kụshiru iphe, eshi mkpọ!

Jieremaya 8:22

?Tọ dụkpodaa ọbvu-etete, dụ l'alị Giladu? ?Ọ dụ g'ọ tọ dụkpodaa onye eme ọbvu l'ẹka ono? ?Bụkwanu gụnu meru g'o gude ọphu onwo ono, aba ndibe mu ono akadụ phẹ mma?

Ezekẹlu 27:15

Unwoke ndu Dedanu bẹ unu l'ẹphe shi azụgbaje aswa. Igwerigwe ndu bugbaa l'agụga eze-ẹnyimu shi bụkotaru ndu azụ ngu aswa. Ọ bụru eze-enyi yẹle oshi-eboni bẹ ẹphe shi egudeje pfụa aswa iphe, ẹphe zụru.

Ezekẹlu 27:17

Ndu Jiuda; mẹ ndu Ízurẹlu bẹ unu l'ẹphe shi azụgba aswa. Ẹphe shi egudeje witi, shi lẹ Minitu; mẹ igberi; mẹ manụ-ẹnwu; mẹ manụ mmanụ; waa manụ-balụmu; bya ngu azụta iphe, i meshiru.

Ezekẹlu 27:22

Ndu Sheba; mẹ ndu Rama bẹ shi azụjekwa ngu phọ aswa. Ẹphe shi egudeje manụ, vu oke aswa; mẹ mkpuma, vu oke aswa; mẹ mkpọla-ododo; bya azụ-nweta ngwaswa ngu.

Ndu Uke 20:24

Mbụ lẹ mu sụru unu-a: Ọ kwa unu e-nworu alị phẹ; mbụ lẹ mu a-nụ iya unu g'ọ bụru okiphe unu; mbụ alị ono, mini ẹra-eswi waa manụ-ẹnwu asọ gborogboro ono. Ọ kwa mbẹdua bụ Chipfu; bya abụru Chileke unu, bụ onye họfutaru unu l'echilabọ ndiphe.

Ndu-ishi-ozi 21:14

Anyi pfua nta pfua imo; ọphu o kwedu. Anyi parụ haa sụ: “G'iphe, dụ Nnajịuphu l'uche mee.”

Ditoronomi 33:14

G'ẹnyanwu mekwaa g'ẹguru akpụru-iphe, ọ kọberu l'alị mehuru iya! G'iphe, e meberu l'alị byaru iya gbụkugbuku l'ọnwa l'ọnwa!

1 Sámẹlu 25:27

G'e wonụru iphe-a, mụbe nwozi ngu nwanyị guderu gụbe nnajịuphu mu-a nụ ụnwokorobya ono, unu l'ẹphe swị ono.

1 Sámẹlu 9:7

Sọlu bya asụ iya: “?Ọle-a; lekpọdanu; ọ -bụru l'anyi jeru; ?bụ gụnu bẹ anyi a-nụ nwoke ọbu? Nri, dụ lẹ nwẹda anyi bẹ bvụwaru nụ; ọphu ọ dụdu iphe, anyi a-nyako onye kẹ Chileke ono. ?Bụkpoo gụnu bẹ ẹka anyi tụ-pheru?”