Mbụlembu 4:26 - BAYỊBURU Izii

²⁶ Sẹtu bya anwụtakwapho nwa nwoke; bya eworu iya gụa Ẹnoshi. E shi teke ono ndiphe wata eku ẹpha Chipfu.

Mbụlembu 4:26 ပူးပေါင်းရင်းမြစ်များ

Mbụlembu 12:8

Ebiramu phẹ gbẹ l'ẹka ono kwasẹru ụzo ẹnyanwu-awawa úbvú Bẹtelu; je akpọbe ụlo-ẹkwa phẹ l'ẹka Bẹtelu nọ l'ụzo ẹnyanwu-arịba. Eyayi nọdu l'ụzo ẹnyanwu-awawa. Ebiramu rwukwaa ẹka ono bya akpụaru Chipfu ọru-ngwẹja; bya anọdu l'ẹka ono kpọ-ku ẹpha iya.

Mbụlembu 26:25

Áyizaku bya akpụa ọru-ngwẹja l'ẹka ono; bya akpọ-ku ẹpha Chipfu. O woru ụlo-ẹkwa iya kpọbe. Ndu ozi iya bya eworu wẹlu tụa.

1 Ndu eze 18:24

Unu araku ẹpha agwa unu; gẹ mbẹdua arakukwaphọ ẹpha Chipfu. Onye ọphu gude ọku za ẹnu; aamaru l'ọo ya bụ Chileke.” Ndu ono g'ẹphe ha zụkota mgbede sụ: “Iphe, i pfuru dụ ree.”

Ebvu-ọma 116:17

Mu e-gwerụ ngu ngwẹja-ekele; tẹme mu abyakwaphọ araku ẹpha gụbe Chipfu.

Azáya 44:5

O nweru onye asụ: Mu bụkwa kẹ Chipfu. Onye ọzo ekua onwiya ẹpha laaru Jiékọpu. Onye ọzo edee l'ẹka iya sụ: Mu bụkwa kẹ Chipfu! Ẹpha mu bụkwa Ízurẹlu!

Azáya 48:1

Unu ngabẹ nchị l'opfu-a; unubẹ ọnu-ụlo Jiékọpu; mbụ unubẹ ndu ono, eekujeru laaru Ízurẹlu ono; mbụ unubẹ eri Jiuda; mbụ unubẹ ndu egudeje ẹpha Chipfu eri nte; tẹme unu nọdu akpọ-kuje Chileke kẹ ndu Ízurẹlu; ọphu ọ dụdu ọphu unu eme ire-lanụ; ọphu ọ dụdu ọphu unu pfụberekoto eme;

Azáya 63:19

Ọle anyi bụekwapho nkengu e -shi lẹ ndiche. Ọ gbẹ dụ g'i tikị bụ-swee ishi anyi; g'e teke ekuswee anyi laaru l'ẹpha ngu.

Jieremaya 33:16

O -rwua mbọku ono bẹ aa-dzọta ndu Jiuda; ndu Jierúsalẹmu eburu tụsaru ẹhu; ọ tọ dụdu iphe, eme phẹ nụ. Iphe, aa-wata iya ekuku abụru: ‘Chipfu, bụ apfụbekoto k'anyi’;

Jiowẹlu 2:32

Mbụ l'aa-dzọta iphe, bụkpoo ndu araku ẹpha Chipfu; kẹle oo-nweru ndu a-nahụ nụ, a-nọdu l'úbvú Zayọnu yẹfua lẹ mkpụkpu Jierúsalẹmu; mbụ l'oo-nweru ndu Chipfu e-ku l'echilabọ nwa ndu ono, warụ nụ ono; bụ iya bụ iphe, Chipfu pfuru.”

Zefanaya 3:9

“Noo teke mu e-me g'olu-opfu ndiphe gee asa; k'ọphu iphe, bụ g'ẹphe ha a-wata araku ẹpha Chipfu; tụgba nanụ baaharụ iya ẹja.

Luku 3:38

Kayinanu bụ nwa Inọsu; Inọsu bụru nwa Sẹtu; Sẹtu bụ nwa Ádamu; Ádamu bụru nwa Chileke.

Ndu-ishi-ozi 11:26

Ọ hụma iya bya eduta iya byatashia Antiyọku. Ẹphenebo nọo mgbarapha l'ẹka ono; ẹphe lẹ ndu Chịochi. Ẹphe zikọta ikpoto nemadzụ ozi-ọma ono. Ọ bụru lẹ Antiyọku ono bẹ e vuchaa ụzo kua ndu etso ụzo Jizọsu ndu kẹ Kéreshi.

Ndu-ishi-ozi 2:21

Iphe, bụkpoo onye rakuru Nnajịuphu teke ono bẹ ọo-dzọta.

Romu 10:13

Kẹle “ọ kwa iphe, bụkpoo onye l'eku ẹpha Nnajịuphu bẹ aa-dzọta.”

1 Kọrentu 1:2

Ndu eede iya anụ bụ ndu Chịochi kẹ Chileke, bụ ndu ọphu nọ lẹ Kọrentu; gude iya ekele unubẹ ndu Chileke doberu iche g'unu bụru ndu dụ nsọ opfu l'unu lẹ Jizọsu Kéreshi tụgbaru bụru nanụ. Eedekwa iya phọ anụ onyemonye, nọ l'ẹkameka, bụ ndu abajẹru Nnajịuphu anyi, bụ Jizọsu Kéreshi ẹja. Jizọsu ono bụ Nnajịuphu phẹ bya abụru Nnajịuphu anyịbedua kwaphọ.