Mbụlembu 4:10 - BAYỊBURU Izii

¹⁰ Chipfu sụ iya: “?Bụ gụnu bẹ o gude i mee ẹgube ẹjo-iphe ọwa-a? Gebekwa! Mee nwune ngu ono gbẹkwa l'alị echiku mu lẹ mkpu.

Mbụlembu 4:10 ပူးပေါင်းရင်းမြစ်များ

Mbụlembu 18:20

Ọo ya bụ; Chipfu sụ: “E chikuwaru iya lẹ mkpu shii l'iphe-ẹji ndu Sọdomu yẹe Gọmóra bẹ panụkaru ẹka.

Mbụlembu 3:13

Chipfu, bụ Chileke bya ajịa nwanyị ono sụ iya: “?Dẹnu g'ọ nwụru i meru iphe, dụ nno?” Nwanyị ono sụ: “Ọ kwa agwọ gbabẹru mu ẹregede; mu je erinaa ya.”

Mbụlembu 9:5

Mee ndzụ unu bẹ mu a-jị ajị iya. Teke o shi anụ l'ẹka mu ajịkwaa ya phọ ajị iya. Nemadzụ -gburu nwibe iya bẹ mu a-jịkwapho ajị iya.

2 Ndu eze 9:26

‘Ụnyaphu bẹ mu hụmaru mee Nabọtu; mẹ mee k'ụnwu iya, e gburu egbugbu. Nnajịuphu pfua sụ; mu a-gwata ngu ụgwo iya l'alị-a. Noo iphe, Chipfu epfu bụ ono.’ Ọo ya bụ; pata iya je etuphaa l'alị ono; ẹgube Chipfu pfuru iya ono.”

2 Iphe, ndu eze meru 28:9

Ọle o nweru onye mpfuchiru Chipfu, ẹpha iya bụ Odẹdu, bu lẹ Samériya. Ọ tụgbua je agba ndu ojọgu ono ndzuta g'ẹphe shi ọgu alwa Samériya; je asụ phẹ: “Unu lenu; Chipfu, bụ Chileke nna unu phẹ bẹ gude lẹ ndu Jiuda bẹ meru ẹhu nọdu eghu iya eghu; o woru phẹ ye unu l'ẹka. Ọle unu gudewaa ẹhu-iwe ọphu rwuru imigwe gbushia phẹ.

Jiobu 16:18

Gụbe alị; te erikwa mee mu! Jiko gẹ mkpu, mu echi ba adamihukwa adamihu!

Jiobu 24:12

Ude, ndu anwụhu anwụhu atsụ bẹ adashị ike lẹ mkpụkpu; tẹme maa ndu e mekarụ iphe nọdu echi mkpu achọ onye e-yeru phẹ ẹka; ọphu ọ dụdu onye Chileke angajẹru nchị l'iphe, oopfu.

Ebvu-ọma 50:21

Iphemiphe ono bẹ i mekọtaru; mu nọduele-a nggujingguji. Ị gbẹ dobesụwanu lẹ mu lẹ ngu bụ iphe lanụ. Ọle mu a-bakwanụru ngu mba iya; tụa ngu ẹjo-iphe ono, l'iime ono jalaa l'iphu.”

Ebvu-ọma 72:14

Ọo-gbafụta phẹ l'ẹka ndu emekpa phẹ ẹhu; waa l'ẹka ndu eme phẹ mkpawere; noo kẹle mee phẹ bẹ ọ gụberu iphe.

Ebvu-ọma 9:12

Noo kẹle yẹbedua, akpajẹ ishi ọchi onye e gburu egbugbu; bẹ nyatakwarụ phẹ nụ. Ndu iphe-ẹhuka byaru -chia mkpu bẹ ọ tọo gbajẹkwa phẹ nkụchi.

Ebvu-ọma 9:13

Gụbe Chipfu; phụaru mu obu-imemini! Lewarọ gẹ ndu achị mu lẹ njọ akpabe mu ẹhu! Lọfutanu mu l'ọnu-ọguzo maa!

Awụfu 3:7

To bụdu iya bụ; Chipfu sụ: “Mu hụmawaru iphe-ẹhuka, ndibe mu eje l'alị ndu Ijiputu. Mu nụmawa mkpu, ẹphe echi sụ g'a dzọta phẹ l'ẹka ndu udumalị; tẹme iphe-ẹhuka, ẹphe eje rwuwa mu l'ẹhu.

Azáya 5:7

Ọ kwa ọnu-ụlo Ízurẹlu bụ opfu-vayịnu ono, Chipfu, bụ Ọkalibe-Kakọta-Ike gbaru ono. Ọ bụru ndu Jiuda bụ iphe ono, ọ kụru iya ono, tụbaru iya l'ẹnya ono. O shi ele ẹnya mgbazi; ọ bụchiaru iphe, ọ hụmaru bụ mgbaghashị. O lee ẹnya apfụbekoto; ọ bụru iphe-aphụ bẹ ọ hụmaru.

Ọ́gú 35:33

Unu te emerwụshikwa alị ono, unu eje eburu ono emerwụshi; noo kẹle mee ọchi atụrwujekwa alị. Ọ tọ dụdu g'ee-shi pfụa ụgwo ẹjo-iphe alị ẹka e gburu ọchi; gbahaẹpho l'e gburu onye ono gburu ọchi ono.

Ndu-ishi-ozi 5:3

Noo ya; Pyịta sụ iya: “Ananayasu! ?Bụ gụnu meru g'o gude i kwe gẹ Nsetanu bata ngu l'obu bya emee ngu g'ị gbaarụ Unme-dụ-Nsọ ẹregede; mbụ g'i kweta haphodo okpoga, i retaru l'alị ngu?

Ndu-ishi-ozi 5:9

Pyịta sụ iya: “?Bụ gụnu meru g'o gude gụ lẹ ji ngu chịa ìdzù g'unu hụa Unme Chileke ama? Lekwa ndu jeru eli ji ngu alwaphọ. Ọo phẹ a-pafụfukwa ngu phọ.”

Ditoronomi 21:1

Ọ -bụru l'a hụmaru odzu onye e gburu egbugbu; ọphu a madụ onye gburu iya nụ l'ẹka ọ dabyiru l'ẹgu; l'alị ono, Chipfu, bụ Chileke unu abya anụ unu g'ọ bụru okiphe unu ono;

Hiburu 11:4

Sụ-a; ọo ekweta Ebẹlu meru g'o gude o gweeru Chileke ngwẹja, ka kẹ Kénu ree. Chileke nata iya gụa ya l'onye pfụberekoto; ọ nwụhuchakpoo iphe, o meru nọdu epfuẹlaa opfu byasụ nta.

Hiburu 12:24

Sụ-a; onye unu byapfutaru bụkwa Jizọsu; onye bụ iya gudegbabẹ Chileke yẹle nemadzụ l'ọgbandzu ọ̀phúú ono; unu byapfutakwaphọ mee ono, ọ gbashịru l'oswebe onoya, bụ mee ọphu egoshi iphe, ka ree eme lẹ kẹ Ebẹlu.

Jiemusu 5:4

Ndu jeru unu ozi ẹgu bẹ unu ta apfụduru ụgwo; aphụ, ẹphe agụ bẹ erwuakwa l'igwe. Tẹme mkpu kẹ ndu kpatarụ unu iphe, unu kọru l'opfu rwuakwaphọ nchị Chipfu, bụ Ọkalibe-Kakọta-ike ono.

Jioshuwa 7:19

Noo ya; Jioshuwa bya asụ Ekanu: “Nwa mu; jiko kwabẹkwa Chipfu, bụ Chileke ndu Ízurẹlu ùbvù. Pfuaru mu iphe, i meru; mbụ-a; pfukpọeru mu phọ iphe, i meru. Pfuaru mu iya nta-a; b'emekwarụ mu iya lẹ mpya!”

1 Sámẹlu 13:11

Sámẹlu jịa ya sụ: “?Bụ gụnu bẹ i meru ono?” Sọlu sụ iya: “Ọ kwa lẹ mu byaru elee ẹnya lẹ ndu mu l'ẹphe swị bẹ agbakashịhuwaa agbakashịhu; ọphu ị tị byaẹduru teke ị tụru ọnu; tẹme ndu Filisitayinu nọdu edzuwaa lẹ mkpụkpu Mikumashi.