Mbụlembu 32:7 - BAYỊBURU Izii

⁷ Ndzụ gụahaa Jiékọpu; meji tọfu iya. Ọ bya ekee ndu ẹphe l'iya swị ụzo labọ; bya ekekwaphọ atụru waa eghu iya; kee eswi iya; mẹ ịnya-kamẹlu iya ụzo ẹbo ẹbo kwaphọ.

Mbụlembu 32:7 ပူးပေါင်းရင်းမြစ်များ

Mbụlembu 32:11

Mu epfu anụ ngu g'ị dzọo mu l'ẹka nwune mu, bụ Ịso. Kẹle ndzụ agụ mu l'oo-tso mu ọgu; tsoo ụnwanyi ibe mu yẹe ụnwegirima phẹ ọgu kwaphọ.

Mbụlembu 32:3

Jiékọpu zia ndu-ozi g'ẹphe vuru iya ụzo jepfu nwune iya, bụ Ịso l'alị Siye, bụkwapho alị ndu Edọmu.

Mbụlembu 32:8

Ọ rịa sụ: “Ọ -bụru lẹ Ịso tsoru ndu kẹ mbụ ọgu; oke lanụ ọphuu, ghuduru nụ phọ agbalakpọnu.”

Mbụlembu 33:1

Jiékọpu jeshia ele ẹnya; ọ hụma Ịso ẹka ẹphe l'ụnu ụmadzu, ọ chị, eje abya. Ọ bya eworu ụnwegirima iya keeru Lii; yẹe Rechiẹlu; yẹe ụnwanyi labọ ọphuu, bụ ohu iya ono.

Mbụlembu 35:3

Ọo ya bụ; unu agbẹshi g'anyi je Bẹtelu gẹ mu je akpụaru Chileke ọru-ngwẹja l'ẹka ono, bụ iya bụ onye ono, nụmaru olu mu teke mu nọ l'aphụ; bya abụru onye ono, nọ-kuberu mu l'ẹkameka ono, ya jekọtaru ono.”

Ebvu-ọma 107:6

Tọbudu iya bụ; ẹphe raku Chipfu g'ẹphe nọ l'iphe-ẹhuka ono. Ọ bya anafụta phẹ l'iphe-ẹhuka, ẹphe eje ọbu.

Ebvu-ọma 112:5

Ọ bụepho k'ọma a-nọdu etso onye emeje iphe-ọma bya ejieje ụgwo mịa ya ẹnya; onye iphemiphe, oome bẹ oomeje k'ọphu aa-harụ iya enge.

Ebvu-ọma 142:4

Lenaa ẹnya l'ẹkutara mu; hụma l'ọ tọ dụdu onye akpa mu ishi. Mu te nwedu ẹka bụ: mu -gbabata iya; mu anọdu iya zee ndzụ; noo kẹle ọ tọ dụdu onye akpa ndzụ mu ishi.

Ebvu-ọma 31:13

Kẹle mu nụmawaru nvu azụ, ikpoto nemadzụ anọduje evu mu. Nta-a ta adụdu ẹka mu nọ gẹ ndzụ ta anọdu agụ mu. Ẹphe anọduje achịru mu ẹjo idzu. Iphe, ẹphe tụberu bụ g'ẹphe wofu ndzụ mu.

Ebvu-ọma 61:2

Mu nọ l'ẹka igwe beru alị beru echiku ngu lẹ mkpu. Noo kẹle meji atọfu mu atọfu. Dunuru mu je edobe l'oke mkpuma, ka mu l'eli!

Awụfu 14:10

Fero nọdu akpịritaru ntse; ndu Ízurẹlu palia ẹnya imeli; ọ bụwaru ndu Ijiputu bẹ etso phẹ nụ. Ndzụ rwuta phẹ; ẹphe bya araku Chipfu.

Ẹkwo Ẹtu 2:11

Ọ bụru iphe, a-nọdu egbochi ngu nụ bụ amaru eye ọnu l'opfu; nkwamẹnya awata ngu awata ngu akpọ-ziru ụzo.

Azáya 28:26

Ọ bụru Chileke iya anọduje egoshi iya iphe, oo-me; bya abụkwaru iya phọ anọduje ezi iya iphe, bụ: o -mee ya; l'ọ bụru ọkpobe iya.

Matiyu 10:16

“Unu lekwa ẹnya l'unu dụkwa g'atụru. Mu chịakwaru unu ye g'unu jeshia ẹka agụ jiru ejiji. Ọo ya bụ g'unu kwakwaa ẹnya g'agwọ; unu adụkwapho àgù gẹ ndo.

Matiyu 8:26

Ọ sụ phẹ: “?Dẹnu g'o gude ndzụ nọdu agụ unu. Unubẹ ndu ono ekwekwe, unu kweru abadu ishi ono.” Ọ gbẹshi bya abaarụ phẹrephere ono yẹe eze-ẹnyimu ono mba. Ọ bụru nyọnyoronyo.

Jiọnu 16:33

Mu tụkokwaru iphe-a pfuaru unu; k'ọphu ẹhu a-dụ unu guu mẹ mu l'unu -tụgba bụru nanụ. Ọ bụekwapho aphụ a-tsụru unu lẹ mgboko-a; ọoepho g'unu nweru iya obu. Mu meakwaru mgboko-a eriri; tụru okoo kpua ya.”

Ndu-ishi-ozi 14:22

Ẹphe je je emee g'ọkpoma shihu ndu kẹ Kéreshi, nọ l'ẹka ono ike. Ẹphe bya eyeru phẹ ọkpu-ikike g'ẹphe nọshikpoekwapho ike l'iphe ono, ẹphe kwetarụ onoya. Ẹphe nọdu ezi ndu ono l'ẹkameka, ẹphe jekpọoru sụ: “Unu makwarụ l'anyi jefụtaje iphe-ẹhuka, dụ igwerigwe; tẹme anyi abahụ l'ẹka Chileke bụ eze.”

2 Kọrentu 1:4

Ọ bụ iya bụ onye adụje anyi obu l'iphe, bụkpoo iphe-ẹhuka, anyi ejekpọo ejeje; g'anyi adụkwanu ike dụa ndu ọzo obu m'ẹphe -nọdu eje iphe-ẹhuka g'ọ dụhabe. Anyi egudekwanụ ndumobu ono adụ ndu ọzo.

2 Timoti 3:12

Mbụ-a; iphe, bụkpoo ndu bụ ndu ọogu g'ẹphe lẹ Kéreshi Jizọsu tụgba bụru nanụ; g'ẹphe shi ẹgube ono nọdu ndzụ, dụ Chileke ree bẹ aa-kpakọtakwa ẹhu.