Mbụlembu 3:20 - BAYỊBURU Izii

²⁰ Tọbudu iya bụ; nwoke ono gụa nyee ya ono Ivu; noo kẹle ọo-bụru ne ọha l'ophu.

Mbụlembu 3:20 ပူးပေါင်းရင်းမြစ်များ

Mbụlembu 16:11

Ojozi Chipfu ono sụkwa iya phọ: “Ime ono, ị dụ ono bẹ ịi-nwụ nwa nwoke. Iphe, ịi-gụ iya bụ ‘Ishimẹlu’. Noo kẹle Chipfu nụmawaru ẹkwa ịira k'iphe-ẹhuka, iije.

Mbụlembu 2:20

Ọo ya bụ; Ádamu bya eworu ẹpha gụshia iphe-edobe l'ophu; mẹ ẹnu, ephe l'eli; mẹ anụ-ẹgbudu g'ọ ha. Obenu lẹ Ádamu te enwedu onye n-yemẹka, gbaru iya nụ, a chọ-vuru iya.

Mbụlembu 2:23

Nwoke ono sụ: “Onye ọwa-a bụ ọkpu ọphu shi l'ọkpu mu; bya abụru ogwẹhu, shi l'ogwẹhu mu. Iphe, ee-ku iya bụ ‘nwanyị’; noo kẹle e shi l'ẹhu nwoke wofuta iya.”

Mbụlembu 3:21

Chipfu bụ Chileke bya eworu akpọ-anụ mee ẹkwa nmabẹ Ádamu yẹe nyee ya.

Mbụlembu 35:18

Ọ bya l'atubuhu unme k'anwụhu; ọ gụa nwa iya nwoke ono Benoni. E mechaa; nna iya gụa ya Benjiaminu.

Mbụlembu 5:29

Ọ gụa ya Nuwa sụ: “Ọo-dụ anyi obu l'akanya ẹgu-a, anyi ese l'alị-a, Chipfu tụru ọnu-a.”

Awụfu 2:10

Nwata ono vutaẹpho; o duta iya dulaaru nwatibe Fero ono; ọ bụru nwa iya. O woru iya gụa Mósisu; kẹle ọ sụru l'ọo nwata, ya gụtaru lẹ mini.

Matiyu 1:21

E -mechaa bẹ ọo-nwụ nwa-nwoke. Iphe, ịi-gụ iya bụ Jizọsu. Noo kẹle ọo-dzọta ndu nkiya l'ẹka iphe-ẹji, ẹphe meshiru.”

Matiyu 1:23

“Hụma lẹ nwamgbọko, yẹe nwoke teke akwaswee a-tsụta ime nwụa nwa nwoke; iphe, aa-gụ iya bụ ‘Ịmanelu’, bụ iya bụ ‘Chileke nọ swiru anyi’.”

Ndu-ishi-ozi 17:26

Ọo Chileke lanụ ono meru onye ivuzọ; bya eshi l'onye lanụ ono mee ọhamoha, nọkota lẹ mgboko-a mgburugburu. Ọo ya tubuhawaru teke ndu nọ lẹ mgboko-a a-nọ-beru; tubuhawaa ẹka oke alị phẹ a-kpa.

2 Kọrentu 11:3

Ọle ndzụ anọduje agụ mu sụ ?a maru teke agbaghashịdu nụ unu obu; merwushia uche unu g'unu te egudehẹ obu unu g'ọ ha yee Kéreshi obu ọkpobe eyeye. Ọ kwa ẹgube ono bẹ agwọ meru gude ẹjo ẹregede dephua Ivu.

1 Timoti 2:13

L'ọ kwa Ádamu bẹ Chileke vuru ụzo mee tẹme o meje Ivu.

1 Sámẹlu 1:20

Tọbudu iya bụ; ọ tsụta ime. O rwuẹ ya phọ l'ezeda; ọ nwụa nwa nwoke. Ọ gụa ya Sámẹlu sụ: “Iphe, kparụ iya nụ bụ l'ọo Chipfu bẹ mu rwọtaru iya.”