Mbụlembu 3:19 - BAYỊBURU Izii

¹⁹ Ịi-kụta ẹphuru phee tẹme l'i ria nri; gbiriri jasụ ị laphu azụ l'alị; eshi ọphu ọ bụ ẹja shi l'alị bẹ i shi. Ọo ẹja shi l'alị bẹ ị bụ; ọ bụkwarupho l'ẹja shi l'alị ono bẹ ịi-laphu azụ.”

Mbụlembu 3:19 ပူးပေါင်းရင်းမြစ်များ

Mbụlembu 18:27

Ébirihamu pfukwa ọzo sụ: “Eshinu mu gbẹnu kerebewanụ k'epfu anụ Nnajịuphu l'ẹbe adụ iphe, mu bụ gbahaa urwuku yẹle ntụ;

Mbụlembu 2:7

Ọo ya bụ; Chipfu, bụ Chileke bya egude ẹja, shi l'alị kpụa nemadzụ; bya ekuru unme ndzụ ye iya l'imi; onye ono bya abụru onye dzụ ndzụ.

Mbụlembu 23:4

“Mu bụkwa nlwamụlwa; mbụ onye shi ọhozo lwapfuta unu. Jiko unu renaa mu alị; gẹ mu lia odzu nyee mu-a.”

Mbụlembu 3:18

Alị a-wata efushiru ngu ẹjo ẹswa; waa obvu; tẹme ọ bụru akpụru-iphe, mịtaru l'ẹgu a-bụjeru ngu nri.

Mbụlembu 5:5

Mkpakọ apha, Ádamu nọru bụru ụnu apha labọ l'ụkporo apha ishii l'apha iri; bya anwụhu.

Jiobu 1:21

sụ: “Ọo ọto bẹ mu gba teke mu shi l'ẹpho ne mu daa l'alị. Ọ bụkwarupho ọto bẹ mu a-gbaru laa. Ọo Chipfu nụru; ọ bụru Chipfu wotaru iphe, ọ nụru. G'e tukwaa Chipfu ẹpha.”

Jiobu 10:9

Nyatakwa l'ị kpụru mu g'eegudeje ụrwa kpụa iphe. ?Ịi-bya bya egwee mu uji ọzo tọo?

Jiobu 19:26

Lẹ teke e mebyishichakpọorunu akpọ-ẹhu mu ọwa-a bẹ mu e-gudelẹ-a anụ-ẹhu mu hụma Chileke.

Jiobu 21:26

E -mechaa l'a tụko phẹ libe l'alị; ẹ̀kà atụko phẹ ripyabẹ.

Jiobu 34:15

nemadzụ l'ophu atụkoepho bụru mkpurupyata mgbo lanụ. Nemadzụ anwụhu je abụru ẹja, nọ l'alị.

Jiobu 4:19

?bụchia nemadzụ bẹ ọo-ha; mbụ nemadzụ ono, bu l'ụlo ẹpuchi, a tụru ọkpa iya l'alị; ndu azọ-gbu phẹ ka nphe eme l'azọ-gbu mbeberibe!

Ebvu-ọma 103:14

Kẹle ọo ya maru g'e gude mee anyi. Ọonyataje l'ọo urwuku mmanụ bẹ anyi bụ.

Ebvu-ọma 104:23

Nemadzụ agbẹshi teke onoya jeshia l'ẹgu. Ooje anọdu l'ẹgu jee ozi jasụ l'ụzenyashi.

Ebvu-ọma 104:29

Teke i domiru phẹ iphu ngu; ndzụ-agụgu erwuta phẹ. Teke ị natarụ phẹ unme, ẹphe atụ; ẹphe anwụhu bụru ẹja alị.

Ebvu-ọma 127:2

Ọ tụkoru bụru kẹ mmanụ bẹ iitehuje lẹ nchi-abọhu; laa l'ụlo l'echi abalị; ẹka iise akanya nri, ii-ri; kẹle ndu Chipfu yeru obu azẹjekwaduro lẹ mgbẹnya; l'o wotawaru phẹ iphe, ẹphe e-ri.

Ebvu-ọma 22:15

Ike bvụwaru mu; ọphu ụvohu adụhedu mu m'ilile. Ire nyakụwaru mu l'akpo. I woru mu gwọphua l'urwuku gẹ mu nọdu nwụhu.

Ebvu-ọma 22:29

Iphe, bụkpoo ndu nweru iphe l'eliphe-a bẹ e-mechaa bọoru iya ọbo-iphe; bakwaarụ iya phọ ẹja; tẹme iphe, bụkotakpoo ndu e-mechaa bụru ẹja bẹ e-mechakwaphọ gbua ikpere l'atatiphu iya; mbụ ndu ta adụdu ike edobe onwophẹ ndzụ.

Ebvu-ọma 90:3

Nemadzụ bẹ iizije g'ọ laphu azụ l'alị. Ịisuje iya: “Unu laphu azụ l'alị; unubẹ ụnwu-eliphe!”

Ẹkwo Ẹtu 21:16

Onye lekeberu ẹnya haa eshi ụzo nkwamẹnya je eshia ụzo ọzo bụ ẹka oojeje atụtu unme bụ l'ẹka ụnwu maa tụru ndzukọ.

Oziphe 1:13

Mu woru ọkpoma zia l'egude mmamiphe chọo mẹkpoo nwụa iphemiphe, eemekpọo lẹ mkpula igwe-a. Ọ bụepho l'ọo akanya aphụ bẹ Chileke meru g'ụnwu-eliphe seje.

Oziphe 1:3

?Bụ urwu gụnu bẹ nemadzụ erita l'iphe, bụkpoo akanya, oosegbu onwiya lẹ mkpula ẹnyanwu-a?

Oziphe 12:7

Noo teke ogwẹhu, bụ ẹja alị a-laphu azụ l'ẹja alị ẹka o shi; unme ndzụ alapfu Chileke onye nụru iya nụ.

Oziphe 3:20

G'ẹphe ha tụkoru ala ẹka lanụ. G'ẹphe ha tụko shi l'ẹja; ọ bụru l'ẹja bẹ ẹphe tụkoru ala.

Oziphe 5:15

Ọ kwa g'ọ dụ teke o shi l'ẹpho ne iya bụ g'ọo-dụ laa; mbụ l'ọ gba ẹka teke ọ byaru; ọphu ọ dụdu akanya ono, oose ono, dụru ọphu oo-gude ala.

Danẹlu 12:2

Ikpoto ndu kuwaru mgbẹnya; mbụ ndu e kpochiwaru ẹja, dụ l'alị e-tetachaa. O nweru ndu ọphu e-teta jeshia anọdu ndzụ ojejoje; ndu ọphuu eteta eteta iphere bụru ndu aa-nọdu asọ oyi jasụ l'ojejoje.

1 Kọrentu 15:47

Nwoke mbụ bẹ e gude ẹja, shi l'alị mee; nwoke k'ẹbo shikwanụ l'imigwe.

Efesọsu 4:28

G'onye shi ezi iphuru; haa iphuru; gude ẹka iya wata ese akanya gude setajẹ iphe l'ụzo, pfụru ọto g'oo-gudeje nno eyeru ndu ọzo, nọ lẹ mkpa ẹka.

1 Tesalonayika 2:9

Mbụ-a; ụnwunna anyi; unu nyatajẹkwa ẹgube akanya, anyi seru; l'anyi jekwaru ozi kuta ẹphuru phee. Teke ono anyi l'ezi unu ozi-ọma ono, shi Chileke l'ẹka ono bẹ anyi jeru ozi l'eswe jee ya l'ẹnyashi gude ejeta nri, anyi e-ri; g'ọ tọ dụ onye anyi a-bụru ivu-ẹrwa swiru.

2 Tesalonayika 3:10

Mbụ lụfuchakwa lẹ teke anyi nọ l'ibe unu bẹ anyi pfuhaakwaru unu iphe-a pfushia ya ike sụ: “G'onye ete kwedu eje ozi te erijekwa nri.”

Hiburu 9:27

Iphe, dụru onyemonye bụ l'onyemonye nwụhufutaje akpọ lanụ; ọ nwụhuchaa; iphe ọzo, e-mefụanu bụ lẹ Chileke e-kpe iya ikpe.