Mbụlembu 3:18 - BAYỊBURU Izii

¹⁸ Alị a-wata efushiru ngu ẹjo ẹswa; waa obvu; tẹme ọ bụru akpụru-iphe, mịtaru l'ẹgu a-bụjeru ngu nri.

Mbụlembu 3:18 ပူးပေါင်းရင်းမြစ်များ

Mbụlembu 3:17

Ọ sụ nwoke ono: “Eshi ọphu i kwetarụ ngabẹru nyee ngu nchị je eria akpụru oshi ono, mu sụru g'i ti rikwa ono bẹ I meakwaru; alị bụwaru iphe, mu tụru ọnu. Ii-jeje ozi mkpọnwu ẹhu tẹme l'i seta nri, ii-ri. Ọ bụru g'ii-je iya bụ ono gbiriri jasụ g'ịi-nọ-beru.

Mbụlembu 3:19

Ịi-kụta ẹphuru phee tẹme l'i ria nri; gbiriri jasụ ị laphu azụ l'alị; eshi ọphu ọ bụ ẹja shi l'alị bẹ i shi. Ọo ẹja shi l'alị bẹ ị bụ; ọ bụkwarupho l'ẹja shi l'alị ono bẹ ịi-laphu azụ.”

Jiobu 1:21

sụ: “Ọo ọto bẹ mu gba teke mu shi l'ẹpho ne mu daa l'alị. Ọ bụkwarupho ọto bẹ mu a-gbaru laa. Ọo Chipfu nụru; ọ bụru Chipfu wotaru iphe, ọ nụru. G'e tukwaa Chipfu ẹpha.”

Jiobu 31:40

g'ọ bụkwaru ẹwu-óbvú e-fushi iya. Gẹ witi, mu kọru iya te emekwa ememe; ẹswa mmanụ efushia ya l'ọzo balị, a kụru iya.” Nta-a bẹ Jiobu yeghewaru ọnu.

Jiobu 5:5

Ọ bụru ndu ẹgu agụ erifuje iphe, ọ kpatarụ l'ẹgu iya; mbụ l'ẹphe ewotajẹchaa wota ọphu nọ l'ẹka o pheduru ẹswa. Ndu ẹhu achị ọku nọdu alwụje iya alwụlwu.

Ebvu-ọma 104:2

Ìphóró bẹ i yeru g'onye yeru uwe. Imigwe l'ophu bụ gụbedua gude ẹka ngu phụshi iya g'onye phụshiru ụlo-ẹkwa;

Ebvu-ọma 90:3

Nemadzụ bẹ iizije g'ọ laphu azụ l'alị. Ịisuje iya: “Unu laphu azụ l'alị; unubẹ ụnwu-eliphe!”

Ẹkwo Ẹtu 22:5

Iphe, a tọru l'ụzo, onye ẹjo-iphe eshi bụkwa óbvú yẹle ọ́nyà. Obenu l'onye eche ndzụ iya nche bẹ anọduje iphemiphe ono ụzenya.

Ẹkwo Ẹtu 24:31

Ọ tụkoepho ẹkameka fukọta ẹwu-óbvú kẹ garawuu. Tẹme ẹswa mmanụ tụko opfu ọbu nata. Igbulọ mkpuma, e shi gude gbaa ya mgbabu dakashihụchawaa.

Azáya 32:13

mẹ k'alị ndibe mu l'ophu; mbụ alị, bụ iphe, rwuchiru iya nụ bụ obvu yẹe ẹwu-óbvú. Ee-o! Unu watakwa agụ aphụ l'opfu ẹhu iphe, bụkpoo ụlo, aanọduje abọ iphe; mẹ k'ẹhu mkpụkpu-a, aanọduje eme ẹmereme-a!

Azáya 5:6

Mu e-me iya g'ọ bụru alị, a gbadoru agbado. A taa kọchabaedu iya akọcha; ọphu eegbubaẹdu iya ọgu. Ọo ya bụ g'olekarara; yẹe ọgara-mbo ezee l'ẹka ono. Mu akaru igwe g'o to dzebaẹkwa mini wụshiru iya.”

Azáya 7:23

O -rwua mbọku ono; iphe, bụkpoo ẹka e shi nweru ụnu vayịnu labọ lẹ vayịnu ụkporo iri, e shi eretajẹ ẹkpa-ego ise bụwaa iphe, a-dụ iya nụ bụ ọgara-mbo yẹe olekarara.

Azáya 7:24

Iphe, nemadzụ e-gudeje eje iya a-bụru ụta yẹe apfụ; kẹle alị ono l'ophu bụ iphe, e-ji iya nụ bụ ọgara-mbo yẹe olekarara.

Jieremaya 12:13

Ẹphe kụru witi; ọle iphe, ẹphe mechaarụ kpata bụ obvu obvu. Ẹphe sekashịru onwophẹ l'akanya; ọle ọ tọ dụdu iphe, ẹphe setarụ. Iphere iphe, ẹphe kpatarụ l'opfu phẹ nọdu adụje phẹ. Ọ bụru ẹka ẹhu eghu Chipfu eghu.”

Jieremaya 4:3

Sụ-a; wakwa iphe, Chipfu epfu anụ ndu Jiuda waa ndu Jierúsalẹmu: “Unu kọpyashinaa ẹka a kọduru akọko! Unu ta akụshinu iphe l'ẹgbudu!

Matiyu 13:7

Ọzo daa l'ẹka akpụru obvu nọ l'ime alị. Yẹle obvu ono futakọta. Obvu onoya kpagbushia ya.

Romu 14:2

Ọ dụru ndu adụdu iphe, ẹphe asọ nsọ eriri; o bekwanụ l'onye ọphuu, ekwekwe iya dụkwadu nyẹgenyege phọ bụepho iphe, oorije bụ ẹba-ophe.

Hiburu 6:8

Obenu l'alị ọphu bụepho ẹwu-óbvú yẹe ọgarambo bẹ efu iya nụ bụ mkpọkoro alị. Alị k'ono phọduru nwanshịi; Chileke atụa ya ọnu. Ee-mechaa; ọoburu ọku, e-tsufu iya.

Jioshuwa 23:13

unu makwarụ lẹ Chipfu, bụ Chileke unu bẹ taa achịfuekwaru unu ọha ono. Ọ chia iphe, e-me nụ bụ l'ẹphe a-bụru ọ́nyà nmata unu. Ẹphe abụru ẹchachi, ee-mechaa gude ahù unu ahụ̀hù; bụkwarupho obvu, a-nọdu adzụkashi unu l'ẹhu; gbiriri jasụ teke unu a-tụko bụru mkpurupyata l'ẹguru alị ono, Chipfu, bụ Chileke unu nụru unu ono.