Mbụlembu 3:16 - BAYỊBURU Izii

¹⁶ Nwanyị ono bẹ ọ sụru: “Mu e-me g'iphe-ẹhuka, dụru ngu l'apa ẹpho-ime ka shii. Ii-jeje iphe-ẹhuka tẹme l'ị nwụa nwa. Ji ngu a-nọduje agụ ngu ẹgu; ọ bụru iya bẹ ịi-nọdu l'ẹka.”

Mbụlembu 3:16 ပူးပေါင်းရင်းမြစ်များ

Mbụlembu 4:7

Ọ -bụru l'i meru iphe, dụ ree; ?taa natadụ ngu tọ? Obenu; l'ọ -bụru l'i ti medụru iphe, dụ ree; makwarụ l'iphe-ẹji pfụwaru l'ọnu mgbo ngu; ọ nọdu agụ iya ẹgu g'o nweru ngu. Ọle ọ bụ; kapyabẹkwa iya ẹnya!”

1 Iphe, ndu eze meru 4:9

Jiabẹzu bẹ a ka akwabẹ ùbvù eme l'ụnwunna iya. Ne iya bẹ gụberu iya Jiabẹzu sụ: “Mu jeru iphe-ẹhuka tẹme mu nwụa ya.”

Ẹsuta 1:20

Ekemu ono, ịi-tụ ono -ngadzuẹrupho alị-eze ngu l'ophu, bụ alị-eze, parụ ẹka; ụnwanyi awata akwabẹ ji phẹ ùbvù; shita l'onye kachaa shii je akpaa l'onye ọphu kachaa nwanshịi.”

Ebvu-ọma 48:6

Ndzụ-agụgu, guderu phẹ l'ẹka ono tsụru phẹ l'ẹhu gẹ nwanyị, ime eme.

Azáya 13:8

Ẹphe atsụhu ebvu; ẹhu aphụhu phẹ ụphu; l'ọoburu iphe-ẹhuka byaru phẹ gẹ nwanyị, ime eme. Onyemonye adụ nwibe iya akpabiri. Ẹphe agbanwụbe iphu ẹhuka ẹhuka.

Azáya 21:3

Noo g'o gude ogwẹhu mu l'ophu nọdu emekọta mu ẹhuka; ẹhu nọdu aphụkota mu ụphu. Mu dụepho gẹ nwanyị, ime eme. Anụma, mu nụmaru iya mee mu; mu kpọhu kulakula. Ahụma, mu hụmaru iya nmakọta mu ẹhu jiijiijii.

Azáya 53:11

O -jechaa iphe-ẹhuka ono; l'ọ bya ahụma ìphóró kẹ ndzụ; ono abya eji iya ẹpho. Ọ bụru amaru ono, onye ono, pfụberekoto, ejeru mu ozi a-maru iya ono l'e-me gẹ ndu dụ igwerigwe bụru ndu aa-gụ lẹ ndu pfụberekoto Yẹbedua evutakwanụ ẹjo-ememe, ẹphe meru.

Jieremaya 13:21

?Bụ gụnu bẹ ii-pfu mẹ ọ -chịtaepho ndu ono, i shi dobesụ l'ẹphe bụ ọkpobe ọ̀nyà ngu ono bya achịru dobe; ẹphe bụru ndu-ishi ngu phẹ? Tọo watadu ngu eme ẹhuka g'ime emeje nwanyị, dụ ime-a?

Jieremaya 22:23

Unubẹ ndu bu l'úbvú úbvú Lébanọnu; mbụ ndu kparụ ẹpfune l'ụlo, a kụru l'oshi-sida; ẹgube ude, unu e-mechakwanaa tsụa teke iphe-ẹhuka azụ unu gburumu pfụurii; mbụ meahaa unu ẹhuka gẹ nwanyị, ime eme!”

Jieremaya 4:31

Mu nụmakwaru olu-ẹkwa onye dụ gẹ nwanyị, ime eme; mbụ l'ude, ọotsu dụ gẹ k'onye ime-ọduu l'eme. Olu ono bụkwa kẹ Nwada Zayọnu, l'eme g'oome tụa unme; machịru ẹka iya epfu sụ: “Oowaa! Ike abvụakwaa mu. Ndzụ mu bẹ e woakwaru nụ ndu mgbugbụmadzu.”

Jieremaya 49:24

Ndu Damasụkosu bẹ ẹka tụlwahuru. Ẹphe dakọbeakwaru agbalawa agbala. Meji tọfuakwaru phẹ atọfu. Ẹjo iphe-ẹhuka gudeshiwaa phẹ gẹ nwanyị, ime eme.

Jieremaya 6:24

A kọakwaru anyi akọ phẹ. Ẹka nwụkotachaepho anyi lwaalwaa. Meji tọfuwaru anyi. Mbụ iphe-ẹhuka, byaru anyi dụepho gẹ kẹ nwanyị, ime eme.

Ọ́gú 30:13

Iphe, bụkpoo ukwe-iphe, nwanyị ono kweru; mẹ iphemiphe, o riburu nte lẹ ya te emedu bụ ji iya bẹ ọ dụ l'ẹka. Ji iya -sụ g'o keru; l'o keru; ọ -sụ g'o to vushiru ire; o too vuduru ire.

Jiọnu 16:21

Ọobujeru upfu watawaa eme nwanyị, dụ ime ẹhuka; ẹhu arwụhue ya phọ arwụhu; kẹle ọ mawaru l'o rwuwaru teke ya e-je iphe, a-tsụ iya l'ẹhu. O -zedachaẹpho; l'ọ zọhaa iphe-ẹhuka ono. Ẹhu awata iya atsọ ụtso; kẹle ọ nwụtaru nwa, l'a-nọdu lẹ mgboko.

1 Kọrentu 11:3

Ọle iphe, mu eme g'unu makwaruphọ bụ l'ọo Kéreshi bụ ishi iphe, bụkpoo onye nwoke; nwoke bụkwanuru ishi kẹ nwanyị, ọolu alụlu. Ọ bụkwanuru Chileke bụ ishi kẹ Kéreshi.

1 Kọrentu 14:34

Ụnwanyi unu dobejekwa ọnu doo lẹ Chịochi. Ụnwanyi bẹ e te kwekwa g'ẹphe pfuje opfu mẹ ndu Chịochi dzukọbe. Ọ chia g'ẹphe wozeje onwophẹ alị; l'o noo iphe, ekemu pfuru bụ onoya.

1 Kọrentu 7:4

Lẹ nwanyị, aalụ alụlu te enwekwa ẹhu iya. Ọ kwa nwoke nwe ẹhu nyee ya. Nokwaphọ g'ẹhu kẹ nwoke 'abụkwa iya phọ nwe iya. Ọ kwaphọ nwanyị nwe ẹhu ji iya.

Kọlosi 3:18

Unubẹ ụnwanyi; unu wozejekwaru ji unu onwunu alị; kẹle ọo ya bụ iphe, gbaru onye etso Nnajịuphu l'ememe.

1 Tesalonayika 5:3

Kẹle ọo teke ndiphe sụru: “Ha! Mgboko dụkwaa jii nta; ọo akwa g'onyenọnu jeje ẹka dụ iya ree.” Noo teke bụ; a -bya amaru ọla-l'iswi atụ phẹ l'ụzorehu g'ezeda atụje nwanyị, dụ ime-a; woru phẹ yifu; ọ tọ dụdu mẹ onye lanụ anahụ nụ.

1 Timoti 2:13

L'ọ kwa Ádamu bẹ Chileke vuru ụzo mee tẹme o meje Ivu.

1 Timoti 2:15

Ọle iphe, Chileke l'e-gude dzọo nwanyị bụ anwụshi ụnwu; mẹ ọ bụkpowaru l'ọ nọ-shiru ike l'ekwekwe, o kweru kẹ Kéreshi; bya eyee ndu ọzo obu; bụru onye kẹ Chileke ọkpobe abụbu; bya edobe onwiya ọ̀rù.

Tayitọsu 2:5

Ẹphe enweru egomunggo; dobe onwophẹ ọ̀rù; kwakọbeje ụlo phẹ; bụru ndu obu ọma; bụru ndu anụru ji phẹ opfu; g'e te egude iswi ẹhu phẹ pfubyishiahaa opfu kẹ Chileke epfubyishi.