Mbụlembu 28:16 - BAYỊBURU Izii

¹⁶ Jiékọpu shiẹpho lẹ mgbẹnya tehu; bya asụ: “Aha! ?Bụ iya bụ lẹ Chipfu nọ l'ẹka-a; ọphu mu eshidu maru?”

Mbụlembu 28:16 ပူးပေါင်းရင်းမြစ်များ

1 Ndu eze 3:15

Teke ono; Sólomọnu tehu lẹ mgbẹnya ono; bya amaru l'ọo nrwọ bẹ ya shi arwọ. Tọbudu iya bụ; ọ lwatashịa Jierúsalẹmu; o je apfụru l'iphu okpoko ọgbandzu Chipfu gwee ngwẹja-akpọ-ọku; waa ngwẹja-ẹhu-guu; bya abọoru ndu-ozi iya g'ẹphe ha ọbo-iphe.

Jiobu 33:14

Kẹle Chileke epfuje opfu; o -pfua ya l'ụzo iya ọwa-a; l'o pfua ya l'ụzo iya ọzo. O too dokwaphọ nemadzụ ẹnya.

Jiobu 9:11

Ọobujeru; a -nọnyaa l'ọ bya aghata mu; mu ta ahụmadu iya; teke ooje l'iphu l'iphu mu ta amadụ.

Ebvu-ọma 139:7

?Bụ awe bẹ mu a-nọdu, bụ ẹka Unme nkengu anọdu? ?Bụ awe bẹ mu a-gbaru laa, bụ ẹka ị tị hụmaduru mu?

Ebvu-ọma 68:35

Gụbe Chileke; ị dụ ebvu l'ụlo ngu, dụ nsọ. Ọo gụbe Chileke ndu Ízurẹlu emeje g'ike dụ ndibe ngu; ọkpehu adụ phẹ. G'ajaja bụru kẹ Chileke!

Awụfu 15:11

?Dẹnu agwa, atụru gụbe Chipfu? ?Bụ onye dụ gẹ ngu? G'ị dụ-be nsọ bẹ dụ biribiri. G'ị dụ-be akpabiri dụkwapho ebvu. Iimeje iphe, dụgbaa biribiri.

Awụfu 3:4

Chipfu hụmaepho l'ọ kpịritawaru ntse g'o lerweta ẹnya; Chileke shi l'irwu ono kua ya oku sụ: “Mósisu! Mósisu!” Mósisu za ẹnu; sụ: “Wakwa mu nọ l'ẹka-a.”

Awụfu 3:5

Chileke sụ iya: “Ta kpịritabaekwaru ntse ọzobaa! Yefụ akpọkpa ngu; noo kẹle ẹka ono, ị pfụru ono bụ alị, dụ nsọ.”

Azáya 8:13

Ọo Chipfu, bụ Ọkalibe-Kakọta-Ike bụ onye unu e-kweje l'ọ dụ nsọ. Ọ bụru iya bụ onye unu a-tsụje ebvu; bụru iya bụ onye unu a-nọduje aphụ kparịkpari l'iphu iya.

Jieremaya 31:26

Mu jeberu nno bya etehu; bya awata achịka ẹnya. Mgbẹnya mu ọbu nọdu atsọ mu ntụmatu.

Ọ́gú 12:6

Chipfu sụ phẹ: “Unu ngabẹ nchị nụma iphe, mu epfuru unu: Ọobujeru; onye mpfuchiru Chipfu -nọdu l'echilabọ unu; mụbe Chipfu egoshi iya onwomu l'ọphulenya; bya epfuru yeru iya lẹ nrwọ.

Jioshuwa 5:13

Jioshuwa nọduepho lẹ mgboru mkpụkpu Jieriko l'ẹka ono; ọ palia ẹnya hụma nwoke, mịtawaru ogu-echi iya parụ l'ẹka pfụru iya l'atatiphu. Jioshuwa bya ejepfu iya sụ: “?Ị bụ anyi? Tọo ?Ị bụ kẹ ndu ọhogu anyi?”

Jioshuwa 5:15

Onye-ishi ndu ojọgu Chipfu ono sụ Jioshuwa: “Yefụ akpọkpa ngu; kẹle ẹka ono, ị pfụru ono bụkwa ẹka dụ nsọ!” Jioshuwa kwe doo bya emee g'o pfuru.