Mbụlembu 27:41 - BAYỊBURU Izii

⁴¹ Ịso bya akpọo Jiékọpu ashị; kẹle ọo ọnu-ọma, nna iya gege agọru nụ iya bẹ ọ gọru nụ Jiékọpu. Ọ rịa l'ime onwiya sụ: “?Ọ kwa l'oorwuwa teke aa-kwa nnana? E -mechaa bẹ mu e-woru Jiékọpu, bụ nwune mu-a gbua.”

Mbụlembu 27:41 ပူးပေါင်းရင်းမြစ်များ

Mbụlembu 27:42

E pfuẹrupho Ribeka iphe, nwa iya k'ọgerenya, bụ Ịso pfuru; o zia g'e je ekua nwa iya kẹ nwata, bụ Jiékọpu. Ọ bya; ọ sụ iya: “Lekwa lẹ nwune ngu, bụ Ịso bụkwa iphe, o gude adụ onwiya obu bụ lẹ ya e-mecha gbua ngu.

Mbụlembu 32:11

Mu epfu anụ ngu g'ị dzọo mu l'ẹka nwune mu, bụ Ịso. Kẹle ndzụ agụ mu l'oo-tso mu ọgu; tsoo ụnwanyi ibe mu yẹe ụnwegirima phẹ ọgu kwaphọ.

Mbụlembu 32:3

Jiékọpu zia ndu-ozi g'ẹphe vuru iya ụzo jepfu nwune iya, bụ Ịso l'alị Siye, bụkwapho alị ndu Edọmu.

Mbụlembu 32:6

Ndu ozi ono jechaa bya alwaphuta azụ lwapfuta Jiékọpu sụ iya: “Ẹphe jepfukwaru nwune ngu ọbu, bụ Ịso. Nta-a bẹ o gudekwa ụnu ụmadzu gude abya ngu ndzuta.”

Mbụlembu 35:29

Ọo ya bụ; ọ tụa unme ikpazụ iya; ọ bụru iya anwụhu. Ọ lapfu ndiche phẹ lẹ g'ọ kahụcharu; bya anọo apha, dụ igwerigwe. Ụnwu iya, bụ Jiékọpu yẹe Ịso woru iya lia.

Mbụlembu 37:18

Ẹphe levukpọo ya rọ teke ọ nọkwadu ụzenya; bya awata achị idzu g'ẹphe e-shi gbua ya.

Mbụlembu 37:4

Ụnwunna iya maẹrupho lẹ nna phẹ ka iya eye obu eme lẹ g'o yeru ẹphebedua; ẹphe kpọo ya ashị; ọphu ẹphe epfujehẹduru opfu ọma eyeru iya.

Mbụlembu 37:8

Ụnwunna iya sụ iya: “?Ịiri l'ii-mechaa bụru eze anyi tọo? Mbụ-a; ?bụwaa ngu e-mecha bụru onye-ishi anyi?” Nrwọ ono, ọ rwọru ono; yẹe opfu ono, o pfuru ono mee; ọ kabakpọo phẹ rọ adụ ashị.

Mbụlembu 50:15

Ụnwunna Jiósẹfu hụmaepho lẹ nna phẹ nwụhuwaru; ẹphe sụ: “Ọ -bụru lẹ Jiósẹfu bẹ iphe, anyi meru iya-a eghukwadu eghu bẹ ọo-pfụkwa anyi ụgwo iya.”

Mbụlembu 50:2

Noo ya; Jiósẹfu bya ezia ndu dọkinta, ejeru iya ozi g'ẹphe dozia odzu nna iya, bụ Ízurẹlu g'o to rehu. Ndu dọkinta ono bya edozia odzu ono ẹgube ono.

2 Iphe, ndu eze meru 35:24

Ọo ya bụ; ndu-ozi iya ono pata iya pafụ l'ụgbo-ịnya iya; parụ iya ye l'ụgbo-ịnya iya ọphu kwe ẹbo palata Jierúsalẹmu. Ọ bụru l'ẹka ono bẹ ọ nwụhuru; e lia ya l'ẹka e liru nna iya phẹ. Ndu Jiuda l'ophu; mẹ ndu Jierúsalẹmu raa ẹkwa iya.

Ebvu-ọma 142:3

Teke ike abvụkpowa mu abvụbvu bụ gụbedua abọru mu ụzo. L'ụzo, mu eshikpọo eshishi bẹ ndiphe gbakaẹrupho ọ́nyà gẹ mu nmalahụ.

Ebvu-ọma 35:14

Mu nọdu aghaphe egbu onwomu egbugbu l'ẹkwa g'ọ bụ ọ̀nyà mu; ọzoo nwune mu bẹ iphe-ememe zụpyaberu. Mu nọdukpoo dẹe ẹka l'agba g'onye akwa ẹkwa ne iya, nwụhuru nụ.

Ebvu-ọma 37:16

Nwiphe, abadu ishi, ndu pfụberekoto nweru bẹ kakwa ree eme l'ẹku, ndu ẹjo-iphe dụ igwerigwe kpaa kụbe.

Ẹkwo Ẹtu 1:16

Kẹle ọkpa phẹ anọduje ekwo gburumu ala l'eme iphe-ẹji. Tẹme ọphu egbu nemadzụ adụdu iphe, ọobujeru phẹ.

Ẹkwo Ẹtu 18:19

Arwọ-buta nwune ngu, i mesweru kakwa ẹhuka eme l'alwụ ọgu lwụta mkpụkpu, kpọru akpaa. Tẹme opfu, gụ lẹ nwune ngu ese dụkwa g'e gude ígwè kpaa ọguzo yechia ọnu-ụlo, a kpụshiru ike.

Ẹkwo Ẹtu 6:14

Onye egudeje ẹregede, dụ iya l'obu chịa ìdzù eme ẹjo-iphe; tẹme ọ nọdu anọduje akpa opfu.

Oziphe 7:9

Ta abụkwaru onye obu-ọku; kẹle ọo onye-eswe edoje opfu l'ọkpoma.

Ezekẹlu 35:5

Eshi ọphu ndu Ízurẹlu shi l'edenwede dụta ngu ashị; i gude ogu-echi gbushia phẹ lẹ teke ẹphe eje oke iphe-ẹhuka; mbụ teke a nụru phẹ chịipfuu;

Ditoronomi 34:8

Ndu Ízurẹlu nọdu lẹ nsụda Mówabu ono kwaa ẹkwa Mósisu ụkporo abalị l'abalị iri. Ẹphe nọchaa nno; eswe mbọku, eegude akwa Mósisu bvụ.

Tayitọsu 3:3

L'anyịbedua l'onwanyi dụkwaru teke anyi shi bụru ndu eswe; bụru ndu ta adụdu onye ẹphe anụru opfu; ndu e dusweru ụzo kẹ Kéreshi; ndu shi bụru ohu ẹgu ẹjo-iphe, anọduje agụgbaa nemadzụ mẹ ohu ẹkpiri iphe, dụgbaa iche iche. Iphe, anyi shi eshibeje ite iya mbọku-mbọku bụerupho ẹjo ọriri waa ẹnya-pfụrupfuru; anyịbe ndu shi dụ ndu ọzo ashị; tẹme nemadzụ ibe anyi dụkwapho anyi ashị.