Mbụlembu 27:29 - BAYỊBURU Izii

²⁹ G'ọha, dụ igwerigwe jeru ngu ozi! Gẹ ndiphe phozejeru ngu! L'ịiburu onye a-bụru onye-ishi unwune ngu! G'ụnwu, ne ngu nwụtaru phozejeru ngu! Gẹ ndu tụru ngu ọnu bụkwaru ndu a tụru ọnu! Ndu gọru ọnu-ọma nụ ngu abụkwanuru ndu a gọru ọnu-ọma nụ!”

Mbụlembu 27:29 ပူးပေါင်းရင်းမြစ်များ

Mbụlembu 12:3

Mu a-gọru ọnu-ọma nụ ndu gọru ọnu-ọma nụ ngu; ndu tụru ngu ọnu bẹ mu a-tụ ọnu. Tẹme ndu mgboko l'ophu bẹ ee-gude iswi ẹhu ngu kebe l'ọma.”

Mbụlembu 25:33

Jiékọpu sụ iya g'o riadanaru iya angụ. Ọ bya eria angụ lẹ ya hawaru gẹ Jiékọpu bụru iya ọgerenya.

Mbụlembu 27:30

Áyizaku gọ-ghechaẹrupho Jiékọpu ọnu-ọma ono; o shiẹpho l'atatiphu nna iya tụgbua jeribẹru nwanshịi; nwune iya, bụ Ịso shi nta-a bata.

Mbụlembu 27:37

Áyizaku sụ Ịso: “Mu meakwaru Jiékọpu g'ọ bụru nnajịuphu ngu; mu bya emekọtaakwaa ndu ẹphe l'iya bụ g'ẹphe bụru ndu-ozi iya; bya agọakwarupho ọnu-ọma nụ iya lẹ nri; waa lẹ mẹe. Nta-a bẹ o to nweẹkwa iphe, mu a-dụ ike meeru ngu nwa mu.”

Mbụlembu 27:40

Ọo egbu mma bẹ ii-gude buru; tẹme nwune ngu bẹ ịi-nọdu ejeru ozi. Ọle a -nọnyakwanaa ọ dụ ngu ẹnyiru; L'iikwefuru iya ike; unu l'iya edokaha.”

Mbụlembu 37:10

O zeẹru iya phọ nna iya g'o zeru iya ụnwunna iya; nna iya baarụ iya mba sụ iya: “?Iphe ọwa-a, ịirwo ọwa-a bụ gụnu? ?Bụ lẹ ne ngu; waa mbẹdua, bụ nna ngu; waa ụnwunna ngu bẹ e-mecha bya ephozeru ngu tọo?”

Mbụlembu 37:7

Anyi esweshi upfu ereshi esweshi l'ẹgu. A nọnyaa; upfu ereshi nkemu gbalihu pfụru nhamụnha; upfu iya k'unu bya anophee nkemu mgburugburu phozegbaaru iya.”

Mbụlembu 9:27

Gẹ Chileke mee gẹ Jiafẹti jaa àjàjà! Gẹ Jiafẹti buru l'ụlo-ẹkwa Shemu! Gẹ Kénanu bụfukwarupho ohu iya!”

1 Ndu eze 22:47

Teke ono bẹ ndu Edọmu te enwedu onye eze; ọ bụru onye nọ-tsotaru eze bẹ bụ onye-ishi.

1 Ndu eze 4:21

Sólomọnu bụru eze ndu alị ono l'ophu; e -shi l'ẹnyimu Yufurétisu jasụ l'alị ndu Filisitayinu; je akpaa l'oke ẹphe lẹ ndu Ijiputu. Iphe, bụ alị-eze, nọkota l'uswe iya ono g'ẹphe ha nọdu atụkota akịriko anụ Sólomọnu; tẹme ẹphe nọdukota iya l'ẹka jasụ g'ọ nọ-beru.

1 Iphe, ndu eze meru 5:2

E -gudekpọoro l'ọo Jiuda kachakpọo ike l'ụnwunna iya; tẹme ọ bụru l'eri iya bẹ onye-ishi shi fụta; obenu l'ọnodu ọkpara bụele-a Jiósẹfu bẹ ọ larụ.)

Ebvu-ọma 72:8

Ọo-bụru eze ndu shi l'eze-ẹnyimu ọwa-a bua jasụ l'eze-ẹnyimu ọphuu; mbụ ndu shi l'ẹnyimu Yufurétisu bua jasụ l'ẹka igwe beru alị beru.

Azáya 45:14

Wakwa iphe, Chipfu epfu: “Iphe, e metaru l'alị Ijiputu; mẹkpoo ngwaswa, shi l'alị Kushi; mẹkpoo gwagoro-gwagoro ndu ono, shigba alị Seba ono; g'ọ ha a-lwakọtaru ngu; tụkoru bụkotaru nkengu. Ẹphe a-tụko etso ngu; awụ l'odze awụ-pfuta ngu. Ẹphe abya ephozeta l'iphu ngu rwọahaa ngu arwọrwo epfu sụ: ‘Tororo opfu bụ lẹ Chileke nọkwa swiru ngu eswiru. Ọ tọ dụekwa onye ọzo, dụ nụ; mbụ l'ọ tọ dụekwa onye ọzo, dụ nụ gbahaa yẹbedua.’

Azáya 49:23

Ndu eze a-bụru nna, ehe ngu nụ. Ndu eze-nwanyị abụru ne, ehe ngu nụ. Ẹphe a-nọdu ephozeru ngu; bubechaa iphu l'alị. Ẹphe erichachaa urwuku, dụ ngu l'ọkpa. Noo teke ịi-maru l'ọo mu bụ Chipfu; lẹ ndu ẹnya dụ l'ẹka mu nọ bẹ iphere te emedu.”

Azáya 49:7

Wakwaphọ iphe, Chipfu epfu; mbụ onye ono, bụ onye agbafụtaje anyi; bya abụru Onye Nsọ kẹ ndu Ízurẹlu. Oopfu iya anụ onye ono, ọhamoha jịkaru ajịka; akpọ-yiru iya ukuvu ono; mbụ onye ono, bụ onye-ozi kẹ ndu-ishi. Waa iphe oopfu baa: “Ndu eze e-mechakwaa hụma ngu wụ-lihu. Ndu-ishi a-hụma ngu phozeru ngu.” Ọ bụru onye e-me iya nụ bụ Chipfu; onye ono, apfụshije ike l'iphe, o pfuru; mbụ Onye nsọ kẹ ndu Ízurẹlu, bụ onye họtaru ngu nụ.

Azáya 60:12

kẹle iphe, bụ ọha; ọzoo alị-eze, a-jịka l'ẹphe te ejeduru ngu ozi a-bụru mkpurupyata; ndu ono bẹ ee-mebyishikọta l'ophu.

Azáya 60:14

Ụnwu ndu ono, eme ngu ewere ono e-mechaa bya l'iphu ngu bya ephozeru ngu. Iphe, bụkpoo ndu ono, agụbeduru ngu iphe ono e-mechaa bya lẹ mgboru ọkpa ngu bya ephozeru ngu. Ẹphe e-mechaa tụko kuahaa ngu Mkpụkpu kẹ Chipfu; Úbvú Zayọnu kẹ Onye Nsọ kẹ ndu Ízurẹlu.

Azáya 9:7

Abụbu, ọo-bụru onye-ishi; yẹe nchị-odoo, e-shi iya l'ẹka a-nọdu aka shii eje ala l'iphu; tẹme ọphu ọ byadu abvụ abvụbvu. Ọo-nọdu l'aba-eze ochochoroche iya, bụ Dévidi bụru eze. Oo-gude ekpe ikpe, pfụru ọto; waa apfụbekoto mee ya g'o keru jịngujingu; mbụ mee ya g'ọ ngụru angụru e -shi lẹ teke ono jasụ l'ojejoje. Ọ bụru g'ọ phụ-tabe Chipfu, bụ Ọkalibe-Kakọta-Ike l'ẹhu l'e-me g'o mee ya.

Ọ́gú 23:8

?Dẹnu gẹ mu e-shi bya eworu ọnu tụa ndu Chileke atụduru ọnu? ?Dẹnu gẹ mu e-shi pfubyia ndu Chipfu te epfubyiduru?

Ọ́gú 24:18

Ndu Edọmu bẹ aa-lwụta l'ọgu. Nokwaphọ g'aa-lwụta ndu Siye, bụ ndu ọhogu Ízurẹlu. Obenu lẹ ndu Ízurẹlu bẹ a-nọdu aka ike eje.

Ọ́gú 24:9

Ízurẹlu bẹ nmakpuru anmakpuru; bya azẹe l'alị g'oduma. Ẹphe dụ gẹ ne oduma; ?bụ onye a-dụ ike kpatsu phẹ? G'iphe, bụ ndu gọru ụnwu Ízurẹlu ọnu-ọma bụkwaru ndu a gọru ọnu-ọma nụ. G'iphe, bụ ndu tụru unu ọnu bụkwaru ndu a tụru ọnu.”

Matiyu 25:40

Noo teke eze e-yeru phẹ ọnu sụ phẹ: ‘Gẹ mu gbukwaaru iya unu tororo; eshinu unu mekpọwaru iya m'obeta ọ bụru onye lanụ, ẹnya kachaa alwalwa l'ụnwunna mu-a bẹ bụakwaa mbẹdua bẹ unu meru iya.’

Matiyu 25:45

Noo teke ọo-sụ phẹ: ‘Gẹ mu gbukwaaru iya unu tororo; eshinu unu te emeduru iya g'ọ ka mma l'ọo onye lanụ, ẹnya kachaa alwalwa l'ime ndu-a bẹ unu te emekwaru mu iya.’

Romu 9:12

Ọ bụru iya meru g'o gude a sụ Ribeka: “Ọo onye k'ọgerenya e-mechaa ejeru onye kẹ nwata ozi.”

Ọphulenya 19:16

E dee ẹpha iya l'uwe, o yeru bya edee ya ya l'ụtapfu, bụ iya bụ: “Eze ndu eze; waa Nnajịuphu ndu bụ nnajịuphu.”