Mbụlembu 27:28 - BAYỊBURU Izii

²⁸ Gẹ Chipfu shi l'imigwe kwaaru ngu iji; l'ọonu ngu ẹka mgboko kakọta ree; l'oomee g'i nweru nri yẹle mẹe nweru k'etsutsu iya.

Mbụlembu 27:28 ပူးပေါင်းရင်းမြစ်များ

Mbụlembu 27:37

Áyizaku sụ Ịso: “Mu meakwaru Jiékọpu g'ọ bụru nnajịuphu ngu; mu bya emekọtaakwaa ndu ẹphe l'iya bụ g'ẹphe bụru ndu-ozi iya; bya agọakwarupho ọnu-ọma nụ iya lẹ nri; waa lẹ mẹe. Nta-a bẹ o to nweẹkwa iphe, mu a-dụ ike meeru ngu nwa mu.”

Mbụlembu 27:39

Nna iya, bụ Áyizaku bya eyeeru iya ọnu sụ iya: “I tii budu l'ẹka mgboko kakọta ree; ọphu i budu l'ẹka Chipfu shi l'imigwe akwa iji.

Mbụlembu 45:18

je eduta nna phẹ; waa ndibe phẹ l'ophu gude lwapfuta iya. Mu a-nụ phẹ alị Ijiputu ẹka kachaa ree. Mbụ l'ọo ẹguru iphe, shi l'alị ono bẹ ẹphe a-nọdu eri.

Mbụlembu 49:20

Asha bẹ a-nọdu akọ ọkpobe nri. Nri, ọo-nọdu akọ bụ nri, atsọ ụtso, gbaru ndu eze l'eriri.

Mbụlembu 49:25

Onye ike ono shi l'ẹka bụ Chileke kẹ nna gụbe Jiósẹfu, bụ onye eyejeru ngu ẹka; mbụ onye ono, bụ Ọkwoolemkpa, bụ onye emejeru ngu iphe-ọma. Oomejeru ngu iphe-ọma ọphu shi l'imigwe; bya emejekwaru ngu phọ iphe-ọma ọphu shi lẹ mini ime-alị. Tẹme ọ bụru iya bụ onye egudeje nwa; waa eche nwa ẹra meeru ngu iphe-ọma.

2 Sámẹlu 1:21

Unubẹ úbvú úbvú Gilubowa; g'iji ta akwabaẹkwa kpua unu; ọphu mini edzebaẹkwaru unu; ọphu unu enweẹkwaru alị, emehuje iphe. Noo kẹle ọo l'eli unu bẹ a nọ merwua iphe, ndu ọkpehu dụ egudeje egbobuta onwophẹ l'ọgu. Mbụ l'iphe, Sọlu egudeje egbobuta onwiya l'ọgu bẹ a taa nyịbaedu manụ.

1 Ndu eze 17:1

Noo ya; Elayịjia, bụ onye mkpụkpu Tishibe, dụ l'alị Giladu bya asụ Éhabu: “Eshinu Chipfu, bụ Chileke kẹ Ízurẹlu nọ ndzụ g'ọ nọ iya-a; mbụ onye ono, mu ejeru ozi; bẹ iji ta abyadụ l'a-da; ọphu mini ta abyadụ e-dze l'ime apha olemole; gbahaẹpho lẹ mu sụru g'o dzee.”

1 Ndu eze 5:11

Sólomọnu nọdu anụje Hiramu ụnu ẹkpa witi mgbo ụkporo labọ l'ụnu iri g'ọ bụru nri, ndibe iya; bya eye iya ụnu ite-mkpa manụ olivu, a tsụru l'ikwe ụnu ụkporo labọ l'iri. Ọ bụru gẹ Sólomọnu anụje iya Hiramu bụ ono l'aphagapha.

2 Iphe, ndu eze meru 2:10

Ndu nkengu ono, egbu oshi ono bẹ mu a-nụ ukpokutu witi, jiru ụkporo ụnu ẹkpa ugbo labọ l'ụnu ẹkpa iri. Mu anụ phẹ balị, jiru ụkporo ụnu ẹkpa ugbo labọ l'ụnu ẹkpa iri; bya anụ phẹ ite mẹe, dụ ụkporo ụnu labọ l'ụnu iri; bya anụ phẹ ite manụ, dụ ụkporo ụnu labọ l'ụnu iri.”

Ebvu-ọma 104:15

gude kụta mẹe, aangụje g'obu tsọo ụtso; bya emeta manụ, aanyịje g'iphu maa mma; waa nri, eerije gẹ ndzụ dụ.

Ebvu-ọma 133:3

Ọ dụkwapho g'ẹka iji, shi l'úbvú Hamọnu akwa l'eli úbvú Zayọnu. Ọo l'echilabọ ndu dụ nno bẹ Chipfu agọjeru ọnu-ọma nkiya nụ; mbụ ọnu-ọma ọphu bụ ndzụ ojejoje.

Ebvu-ọma 36:8

Ẹphe anọduje l'ụlo ngu eri gwọogwoo lẹ nri, kụru iya nụ; tẹme ị nọdu emeje g'ẹphe ngụa mini l'ẹnyimu ẹhu-ụtso nkengu.

Ẹkwo Ẹtu 19:12

Eze -wata aba mba bẹ ọodujekwa g'ẹka oduma asụ ekiri. Obenu lẹ nemadzụ -dụ iya l'obu bẹ ọoduje g'ẹka iji dashịru l'eli ẹswa.

Ẹkwo Ẹtu 3:20

Ọ bụru amaru iphe iya bẹ o gude mee gẹ mini ime alị nwụshije; bya emee g'iji shije l'urwukpu kwaa.

Azáya 45:8

Gụbe imigwe, nọgbaa l'ephekerephe; dzenaa apfụbekoto gẹ mini! G'urwukpu dzenaa ya yọyoyo! G'eliphe l'ophu saa ọnu gabala! K'ọphu ndzọta a-tụko ẹkameka sweta; apfụbekoto atụko ẹkameka dzuru. Ọ kwa mbẹdua, bụ Chipfu meru iya dobe.

Jieremaya 14:22

?O nweru nshi nshi ono, nọgbaa l'ọhamoha ono, adụdu iphe, ọ bụgbaa ono; ?o nweru ọphu adụje ike dzee mini? Mbụ-a ?bụkponu igwe alwajẹ g'ọ ka mma l'ọo yẹgeyege mini? Waawakwa. Ọo gụbedua; mbụ gụbe Chipfu, bụ Chileke anyi. Ọo ngu bụ ẹka ẹnya dụ anyi; kẹle ọo ngu emekọta iphemiphe ono.

Jiowẹlu 2:19

Chipfu eyeeru ndu nkiya ono ọnu sụ phẹ-a: “Unu lekwa-a; mu anụakwa unu ereshi; yẹe mẹe ọ̀phúú; yẹe manụ olivu; nụkpoo ya unu shii; k'ọphu oo-ji unu ẹpho rengurengu. Mu tee mebaẹdu unu g'unu bụru iphe, ọhamoha e-gude achị ọchi.

Mayịka 5:7

“Oshilọkpa Jiékọpu ndu ọphu warụ nụ l'a-nọdu l'echilabọ ọhamoha dụ g'iji, shi l'ẹka Chipfu akwa. Ẹphe a-dụ gẹ mini, lwarụ yẹgeyege dụgbaa dzedzedze l'eli ẹswa, bụ ọphu abụdu nemadzụ bẹ ọ nọ ele ẹnya iya; ọphu ọ dụdu onye ọ nọ ngabẹru.

Zekaraya 8:12

“Mebyi-iphe, a kụru l'alị a-nọdu eme ree; vayịnu amị mebyi iya ree; alị amịa mebyi iphe, e meberu iya; igwe akwa iji iya. Iphemiphe ono bẹ mu a-nụ g'ọ bụru okiphe, nwa ndu ono phọduru nụ ono e-keta.

Zekaraya 9:17

Lewarọ! Ọ dụnukaru ree tẹme ọ manụka mma. Ereshi l'a-nọdu eme g'ụnwokorobya phẹ bụru ndu nweru iphe shii; mẹe-ọphuu emekwaphọ g'ụnwada phẹ nwụjaa ọnu-ọchi.

Ọ́gú 13:20

Unu amaru g'alị phẹ dụ. Unu maru ?bụ alị emehuje iphe, e meberu iya; tọo ẹjo alị? Unu amaru ?oshi dụ iya; tọo ?oshi ta adụdu iya? G'obu shihukwa unu ike. Unu egude akpụru oshi, shi l'alị ono lwa.” Teke ono bẹ bụ teke akpụru vayịnu mbụ anọduje achashịgbaa.

Ọ́gú 18:12

Iphe, ndu Ízurẹlu nụru Chipfu l'ọo iphe-mbụ, shi l'iphe, ẹphe metaru l'alị bẹ bụ ngu nwe iya; mbụ iphe, bụ manụ olivu, kakọta ree; mẹ iphe, bụ mẹe ọ̀phúú, kakọta ree; waa iphe, bụ ereshi, kakọta ree.

Romu 11:17

Sụ-a; ndu Jiu dụ g'oshi olivu unuphu, a harụ ẹkali iya kwashịa. Unubẹdua, abụdu ndu Jiu bụru ẹkali-oshi olivu ẹgu, e wotaru bya edepfube l'ẹka a kwafụru ẹkali k'unuphu phọ. E depfube iya; ọ dzụru ndzụ. Nta-a bẹ unu shiwa l'ọgbarabvu olivu unuphu phọ amịtaje mini gude nọdu ndzụ.

Ditoronomi 32:2

G'iphe, mu ezi dzekwaa gẹ mini. G'opfu, shi mu l'ọnu kwakwaa g'iji. G'o dzekwaa gẹ mini, alwa yẹgeyege l'irwu ẹswa; mbụ g'o dzekwaa g'oke mini, alwa wọowoowoo l'eli irwu oshi.

Ditoronomi 33:13

Ọkpa-ipfu Jiósẹfu bẹ o pfuru nkiya; sụ: “G'alị iya bụkwaru alị, Chipfu gọru ọnu-ọma nụ. G'ọ kwajẹru phẹ ẹguru iji, shi l'imigwe; l'ọ nwụru phẹ mini ime alị shọkoshoko.

Ditoronomi 33:28

Ọo ya bụ lẹ ndu Ízurẹlu e-buru; tụsaru ẹhu; ọ tọ dụdu iphe, byaru eme phẹ nụ. Mbụ l'eri Jiékọpu e-buru mbvulẹhu phẹ l'alị, ereshi yẹe mẹe dụ. Tẹme igwe akwaaru phẹ iya iji.

Ditoronomi 7:13

Oo-ye unu obu; kebe unu l'ọma; l'o mee unu; unu adụ igwerigwe. L'ọ gọkwarupho ọnu-ọma nụ ụnwu unu; waa iphe, unu meberu l'alị; mbụ ereshi unu; mẹ mẹe unu; mẹ manụ unu; mee g'eswi unu; yẹe atụru unu; waa eghu unu nọdu azụ azụzu l'alị ono, o riburu nna unu oche phẹ angụ lẹ ya a-nụ unu ono.

Hiburu 11:20

Ọ bụru ekweta Áyizaku meru g'o gude ọ gọru ọnu-ọma nụ Jiékọpu yẹe Ịso; gọoru phẹ iphe, e-me l'iphu.

Jioshuwa 5:6

Kẹle ụnwu Ízurẹlu nọru ụkporo apha labọ l'echiẹgu. Ụnwu Ízurẹlu, bụ ndu sụru eje ọgu; mbụ ndu ono, shi lẹ Ijiputu fụta ono nọdu l'ẹka ono nwụshihu-gbua; kẹle ẹphe te ekwedu mee iphe, Chipfu sụru g'ẹphe mee. Ọo ya bụ; Chipfu ria nte sụ l'ẹphe ta abyadụ ahụma alị ono, ya kweru nna phẹ oche ukwe lẹ ya a-nụ phẹ; mbụ alị, manụ-ẹnwu yẹle ẹra-eswi asọ gborogboro.