Mbụlembu 27:27 - BAYỊBURU Izii

²⁷ Ọo ya bụ; o jekube iya ntse je etsutsua ya ọnu; Áyizaku nụmaepho mkpọ, uwe iya eshi; ọ gọru ọnu-ọma nụ iya sụ iya: “Mkpọ, nwa mu eshi dụ gẹ mkpọ ẹgu, Chipfu keberu l'ọma.

Mbụlembu 27:27 ပူးပေါင်းရင်းမြစ်များ

Mbụlembu 26:12

Áyizaku bya akọbe iphe l'alị ono; bya akpata iphe, ha g'iphe, ọ kọberu l'alị apha ono mgbo ụkporo ise; noo kẹle Chipfu keberu iya l'ọma.

Mbụlembu 27:15

Ribeka bya ewota uwe Ịso, bụ nwune Jiékọpu k'ọgerenya; mbụ uwe iya ọphu kakọta ama mma l'uwe, Ịso koberu l'ụlo iya; bya eworu yee nwa iya ke nwata, bụ Jiékọpu.

Mbụlembu 27:26

Nna iya, bụ Áyizaku sụ iya: “Bya ẹka-a nwa mu; bya etsutsua mu ọnu!”

Mbụlembu 27:39

Nna iya, bụ Áyizaku bya eyeeru iya ọnu sụ iya: “I tii budu l'ẹka mgboko kakọta ree; ọphu i budu l'ẹka Chipfu shi l'imigwe akwa iji.

Mbụlembu 48:10

Teke ono bẹ Ízurẹlu aphụwaa ragaraga; kẹle ọ kahụwaru. Ọ tọo phụ-rweẹdu aphụ-rwe. Jiósẹfu duritaru iya ụnwu iya ono ntse; nna iya bya etsutsua phẹ ọnu; bya anmata phẹ akpa.

Mbụlembu 48:15

Ọ bya agọru Jiósẹfu ọnu-ọma sụ: “Gẹ Chileke ono, nna mu oche phẹ, bụ Ébirihamu; waa Áyizaku tsoru ụzo iya ono kebe ụnwegirima-a l'ọma. Mbụ Chileke ono, bụ Onye-nche mu e -shi teke a nwụru mu byasụ nta-a.

Ebvu-ọma 65:10

Mini bẹ i dzeru; ọ dọru adọru l'ẹnyoru. Ị bya alwaa yẹgeyege mini gude mee igbo; ọ dụ nwuhanwuha; shi nno gọru ọnu-ọma nụ iya mee iphe, a kọberu iya wata efushi.

Ebvu Sólomọnu 2:13

Oshi figu watakwaru amị mebyi. Mkpọ ige, vayịnu tụshiru emee ẹkameka; ọ tụko eshikọta kwẹekweekwee. Gbalihu; gụbe onye mu yeru obu! Bya! Ọ-ma-mma mu; gbẹshi g'anyi je!”

Ditoronomi 33:13

Ọkpa-ipfu Jiósẹfu bẹ o pfuru nkiya; sụ: “G'alị iya bụkwaru alị, Chipfu gọru ọnu-ọma nụ. G'ọ kwajẹru phẹ ẹguru iji, shi l'imigwe; l'ọ nwụru phẹ mini ime alị shọkoshoko.

Hiburu 11:20

Ọ bụru ekweta Áyizaku meru g'o gude ọ gọru ọnu-ọma nụ Jiékọpu yẹe Ịso; gọoru phẹ iphe, e-me l'iphu.

Hiburu 6:7

Sụ-a; l'alị, echeje mini, igwe edzejeru iya tekenteke; bya egudeje iya eme g'iphe, a kụru iya baarụ ndu kụru iya nụ l'urwu bẹ Chileke a-gọkwaru ọnu-ọma nụ.