Mbụlembu 26:8 - BAYỊBURU Izii

⁸ Áyizaku buẹpho ẹka ono nọo ọdu; Abimẹleku, eze ndu Filisitayinu bya epyofu ẹnya lẹ windo hụma Áyizaku ẹka yẹle nyee ya, bụ Ribeka ebvu oke ebvu.

Mbụlembu 26:8 ပူးပေါင်းရင်းမြစ်များ

Mbụlembu 26:7

Unwoke ndu ẹka ono bya akpaahaa ya ishi nyee ya. Ọ sụ phẹ l'ẹphe l'iya bụkwa nwune. Iphe, o gude pfua nno bụ lẹ ndzụ agụ iya asụ l'ọo nyee ya. Ọ rịru lẹ ndu ẹka ono e-gbu iya nata iya Ribeka; kẹle Ribeka manụkaru mma.

Mbụlembu 26:9

Abimẹleku bya ekua Áyizaku sụ iya: “?Ọ kwa lẹ nwanyị ono bẹ ịilu ọkpobe alụlu? ?Bụ gụnu meru g'o gude ị sụ l'ọ bụ nwune ngu?” Áyizaku sụ iya: “?Tị madụ lẹ mu arị lẹ ndzụ mu e-tuphahụ l'opfu ẹhu iya?”

Ẹkwo Ẹtu 7:6

A sụ ngu lẹ-a; mu gbẹ lẹ windo ụlo mu lee ẹnya; mbụ-a; mu gbẹkwa lẹ windo ụlo mu pyofu ẹnya l'etezi;

Oziphe 9:9

G'ẹhu tsọje ngu ụtso gụ lẹ nyee ngu ono, i yeru obu ono; jeye g'unu a-nọ-bekporu ndzụ lẹ mkpọkoro ndzụ-a, Chileke nụru ngu lẹ mkpula ẹnyanwu-a. Mbụ lẹ mkpọkoro mbọku-mbọku ono, Chileke nụru ngu ono; waa akanya, iisegbu onwongu lẹ mkpula ẹnyanwu-a bẹ bụkwa ẹhu-ụtso ono, bụ okiphe, i ketarụ iya.

Ebvu Sólomọnu 2:9

Onye mu yeru obu dụkwa g'anịgo; ọzoo gẹ nwele. Lenu; ọ nọakwa l'azụ igbulọ anyi; pyofu ẹnya lẹ windo enyo swịrii.

Azáya 62:5

Mbụ l'ọo ẹgube ono, nwokorọbya alụje nwamgbọko ono bụ g'ụnwu ngu a-lụru gụbe Zayọnu. Ọ bụru g'onye eme ekele nwanyị egudeje nyee ya ete ẹswa-a; nokwaphọ gẹ Chileke ngu e-gude ngu ete ẹswa.

Ikpe 5:28

Lẹ windo bẹ ne Sizera gbẹ pyofu ẹnya. Ọ nọdu l'ọnu-ụzo ụlo-eli ara ẹkwa sụ: ‘?Bụ gụnu kparụ iphe, ụgbo-ịnya anọ ọdu alwalwa? ?Bụ gụnu meru iphe, a ta nụada ụkporo ọkpa ụgbo-ịnya iya?’