Mbụlembu 24:16 - BAYỊBURU Izii

¹⁶ Nwamgbọko ono nọdu ama ntụmatu; tẹme o dobe onwiya ọ̀rù; kẹle o to nwedu nwoke, yẹe ya kwajẹwaru. Ọ bya eje lẹ wẹlu ono je esejia ite iya mini nmakoru lụfuta.

Mbụlembu 24:16 ပူးပေါင်းရင်းမြစ်များ

Mbụlembu 12:11

Ẹphe bya l'abahụ l'alị Ijiputu; Ebiramu sụ nyee ya, bụ Serayi: “Mu maru l'ị bụ nwanyị, manụkaru mma.

Mbụlembu 26:7

Unwoke ndu ẹka ono bya akpaahaa ya ishi nyee ya. Ọ sụ phẹ l'ẹphe l'iya bụkwa nwune. Iphe, o gude pfua nno bụ lẹ ndzụ agụ iya asụ l'ọo nyee ya. Ọ rịru lẹ ndu ẹka ono e-gbu iya nata iya Ribeka; kẹle Ribeka manụkaru mma.

Mbụlembu 29:17

Lii bẹ ẹnya dụ rogoro rogoro; Rechiẹlu nọdu ama mma bya adụ ùbvù l'ẹnya.

Mbụlembu 39:6

Ọo ya bụ; ọ hakọtaru Jiósẹfu ẹku iya l'ophu g'o leta ẹnya. Ọphu ọ dụedu iphe, o nweru, ọokpajekwadu ishi iya. Iphe, ọ maẹrupho kpoloko bụ g'o ria nri. Jiósẹfu gbaru mkparawa bya amashị mma ike.

Mbụlembu 4:1

Ádamu bya ejepfu nyee ya, bụ Ivu; ọ tsụta ime; bya anwụa Kénu. Ivu sụ: “Chipfu yewaru mu ẹka; mu nwụa nwa nwoke.”

Ebvu Sólomọnu 5:2

Mu eku mgbẹnya; obenu l'obu mu nwụ ẹnya. Ngabẹkpodapho! Ọ kwa onye mu yeru obu akụ ẹka lẹ mgbo sụ: “Gụharu mu ụzo; gụbe onye dụ mu l'obu; bya abụru nwune mu; gụbe onye bụ nwando-nwẹnu mu; bya abụru onye nkemu, ntụcha adụdu l'ẹhu! Kẹle iji dawarụ kpua mu; ishi dụwaa mu minimini. Ẹgbushi mu bẹ iji ẹnyashi meakwaru; ọ bụkotaru mini.”