Mbụlembu 24:11 - BAYỊBURU Izii

¹¹ O mee g'ịnya-kamẹlu ono g'ẹphe ha gbushichaa ikpere lẹ mgboru wẹlu, nọ l'azụ mkpụkpu ono k'ọphu ọ-nyizeta. Teke ono bụwaa ụzenyashi; bya abụru teke ụnwanyi awụfuje lẹ mkpụkpu je eseta mini.

Mbụlembu 24:11 ပူးပေါင်းရင်းမြစ်များ

Mbụlembu 24:42

“Ọ bụru iya bụ; mu byarwuta lẹ wẹlu-a ntanụ-a; mu sụ: ‘Jiko gụbe Chipfu, bụ Chileke kẹ nnajịuphu mu, bụ Ébirihamu; ọ -bụru l'ọ dụ ngu ree; jiko menaa g'ije-a, mu byaru-a nweru ishi.

Mbụlembu 29:2

O -rwua l'ẹka ono; ọ hụma wẹlu, nọ l'ọma ẹgu; waa ikpo atụru ẹto, dọru lẹ mgboru iya; noo kẹle atụru ono angụje mini lẹ wẹlu ono. Mkpuma, e gude swichia ọnu wẹlu ono ha shii.

Awụfu 2:15

Fero nụmaepho iphe ono bya emeahaa g'o gbua Mósisu. Mósisu gbafụ l'ibe Fero gbaru lashịa alị ndu Midiyanu je eburu. O jerwua bya anọdu anọo l'agụga wẹlu.

Awụfu 2:16

Noo ya; onye uke ndu Midiyanu nweru ụnwumgboko ẹsaa. Ẹphe bya lẹ wẹlu ono bya ekuta mini ye l'iphe, eeyejeru anụ mini g'atụru ibe nna phẹ ngụa.

Ẹkwo Ẹtu 12:10

Onye pfụberekoto agụbeje iphe lẹ mkpa, dụru anụ, o nweru l'ibe iya. Obenu l'obu-imemini, onye ẹjo-iphe aphụjeeru phẹ bụ adụru phẹ ẹhuka.

Jiọnu 4:7

O nweru nwanyị, byaru eseta mini lẹ wẹlu ono. Nwanyị ono bụ onye Samériya. Jizọsu sụ iya: “Nwanyị; kenaa mu mini gẹ mu ngụa.”

Ikpe 5:11

unu geẹdukwa olu-ebvu ndu ono, agụ ebvu l'ẹka eekutajẹ mini ono. Ọo l'ẹka ono bẹ ẹphe a-nọdu gụa ebvu k'iphe, pfụru ọto, Chipfu mekọtaru; mbụ iphe, pfụru ọto, o mekọtaru ndibe iya lẹ Ízurẹlu. Tọbudu iya bụ; ndibe Chipfu wụfu jeshia l'ọnu-abata mkpụkpu.

1 Sámẹlu 9:11

Ẹphe nọdu enyikpọepho òbvù abahụ lẹ mkpụkpu ono, ẹphe l'ụnwumgboko, eje ekuta mini dzuda. Ẹphe jịa phẹ sụ: “?Bụ ẹka-a bẹ onye aphụje ọphulenya-a bụ?”