Mbụlembu 20:5 - BAYỊBURU Izii

⁵ ?To pfunuru mu-a l'onwiya sụ l'ọo nwune iya nwanyị? Tọo nwanyị l'onwiya; ?ta asụnuru mu-a l'ọ kwa nwune iya kẹ nwoke? Obu gụkwaru mu ìphóró l'iphe, mu meru; tẹme iswi dụkwa mu phọ mma.”

Mbụlembu 20:5 ပူးပေါင်းရင်းမြစ်များ

Mbụlembu 12:13

Sụjekwa lẹ mu lẹ ngu bụ nwune; ọo ya bụ g'eemekwanaru mu ree l'iswi ẹhu ngu; tẹme l'iishikwaphọ nno mee g'ishi mu kpọ-pfuru.”

Mbụlembu 20:13

Chileke meẹpho gẹ mu shi l'ọkpoku nna mu bya awata aghaphe aghaphe-a; mu sụ nyee mu ono: ‘Waa g'ii-gude goshi l'i yeru mu obu baa: Iphe, bụkpoo ẹkameka anyi jeru; sụjekwa lẹ mu bụ nwune ngu.’ ”

Mbụlembu 20:16

Sera bẹ ọ sụru: “Mu nụakwaru nwune ngu ẹkpa mkpọla-ọchaa iri; noo iphe, mu gude mezia emeswe, e mesweru ngu l'atatiphu ndu unu l'ẹphe swị. Iswi dụkotakpo ngu mma.”

1 Ndu eze 9:4

“A bya lẹ gụbedua; ọ -bụru l'ii-gude obu, gụru ìphóró etso mu ẹgube ono Dévidi, bụ nna ngu meru; bya eme iphemiphe, mu tụru ngu l'ekemu;

2 Ndu eze 20:3

Gụbe Chipfu; nyatanụ gẹ mu bụ-be onye gude ire-lanụ; mẹ obu mu g'ọ ha tsoo ụzo nkengu; mẹ gẹ mu gude meberu iphe, dụ ree l'ẹnya ngu. Hezekáya raa ẹkwa kpọo pfụla pfụla.

1 Iphe, ndu eze meru 29:17

Chileke mu; mu maru l'ịidaleje obu; ọ bụru obu, gụru ìphóró adụje ngu ree. Ọ bụru obu, gụru ìphóró bẹ mu gude nụkota ngu iphe-a g'ọ ha ẹgube oovu mu evuvu. Nta-a bẹ mu hụmawaru ndibe mu, bụ ndu ọphu nọ l'ẹka-a g'o vu phẹ evuvu; ẹphe gude ẹhu-ụtso anụ ngu iphe.

Jiobu 33:9

“L'ị dụebe ree; ọphu iphe-ẹji adụdu ngu l'ẹhu. L'ị dụ iche; ọphu ọ dụdu ụta, dụ ngu l'ẹhu;

Ebvu-ọma 24:4

Ọo onye ọbochi-ẹka iya labọ adụdu iphe-ẹji, dụ iya nụ; tẹme obu iya gụa ìphóró; onye te ewoduru obu iya ziberu iphe, bụ ụgho; tẹme ọphu ọokpapyabejedu iphe, o meru gụa ẹnwa.

Ebvu-ọma 25:21

G'iphe, a-nọdu adzọ mu nụ bụru kẹle mu bụ onye ụta adụdu l'ẹhu; bya abụru onye obu gụru ìphóró; eshinu ọ bụ l'ẹka ị nọ bẹ ẹnya mu dụ.

Ebvu-ọma 26:6

Mu akwọje ẹka gude goshi l'iswi dụ mu mma. Mu abya ejephe ọru-ngwẹja gụbe Chipfu mgburugburu;

Ebvu-ọma 7:8

Ọo gụbe Chipfu bụ onye e-kpe ndu ono ikpe. Jiko Chipfu hanarụ mu enge; kẹle mu bụ onye pfụberekoto; ọphu ọ dụdu ẹka ụta dụ mu l'ẹhu.

Ebvu-ọma 7:9

Gụbe Chileke, bụ onye pfụberekoto; gụbe onye enyochajẹ ime obu waa egomunggo; jiko menaa g'ẹjo-ememe, ndu ẹjo-iphe anọduje eme bụru bugemu! Mee gẹ ndu pfụberekoto ngụru angụru!

Ebvu-ọma 73:13

Sụ-a; mbẹdua, sụru lẹ mu e-me obu mu g'ọ gụa ìphóró bụkwa onye-eswe bẹ mu bụ. Mbụ l'ẹka mu kwọru l'iswi-ọdumma tụkochaa bụru iphe-mmanụ.

Ebvu-ọma 78:72

Dévidi gudekpọepho obu, gụru ìphóró leta phẹ ẹnya; bya egude ọkpobe mmamiphe chịkota phẹ lẹ chiriri werere.

Ẹkwo Ẹtu 11:3

Ụta ta adụ lẹ ndzụ onye pfụberekoto bụkwa iya anọduje edu iya. Obenu lẹ ndu e gudedu ire phẹ ẹka bụ iphe, emebyije phẹ nụ bụ ntuphu-ire phẹ.

Ẹkwo Ẹtu 20:7

Onye pfụberekoto bẹ ụta ta adụjedu l'iphemiphe, oome. Ọ -nọchaa laa; ụnwu iya abụru ndu a gọru ẹhu-ụtso nụ.

Danẹlu 6:22

Chileke mu yekwarụ ojozi iya; ọ bya apyichishia oduma ẹka l'ọnu; ọphu ọ dụdu ọphu kpakpọoru mu nụ mẹ nvọ; kẹle ọ tọ dụdu iphe, ọo-sụ lẹ mu mejeru iya; ọphu ọ dụdu iphe, mu mejeru gụbe eze.”

2 Kọrentu 1:12

Obu anyi meru g'o doo anyi ẹnya rengurengu lẹ ndiphe ta aghachadu umere anyi aghacha; ọphu ntuphu-ire adụdu iya; kelekele mẹ a -bya l'ẹhu anyi l'unu. Umere anyi pfụru nhamụnha l'iphu Chileke. Ọ bụru iphe ono bẹ anyi aba aba iya. Ọ tọ bụkwa lẹ mmamiphe kẹ ndiphe bẹ o shi; ọ kwa eze-iphe-ọma, Chileke l'eme.

1 Tesalonayika 2:10

Unu a-nọdu agbakpọadaru anyi ọdzori. Nokwaphọ gẹ Chileke a-nọdukwapho agbaru iya anyi. Umere, anyi shi emejeru unubẹ ndu kwetarụ ozi-ọma ono gekwaru egeru bya abụru umere, pfụru nhamụnha. Ọ tọ dụkpodaa ẹka anyi metaru iphe, aata anyi ụta.

1 Timoti 1:13

A makwarụ-a lẹ mu shi anọduje epfutọshi Jizọsu Kéreshi lẹ mbụlembu; shi anọduje achị nta iya; shikwaphọ anọduje eme iya iphe-iphere. Ọle Chileke bẹ phụlekwaru mu-a obu-imemini; kẹle iphemiphe ono, mu shi eme ono bẹ mu shi eme l'amagama. Mu te eshidu kwetawaa teke ono l'ọo Jizọsu bụ Nnajịuphu.

Jioshuwa 22:22

“Chipfu, bụ Chileke; bya abụru Ọkalibe-Kakọta-Ike makwarụ! Mbụ lẹ Chipfu, bụ Chileke; bya abụru Ọkalibe-Kakọta-Ike tụkokwaru iphemiphe maẹberu. G'unubẹ ndu Ízurẹlu makwarụ iya phọ! L'ọ tọ bụdu iphe, anyi gude kpụa ya bụ l'anyi eme g'anyi kwefuru iya ike. Ọo ya bụ lẹ teke unubẹ ndu Ízurẹlu mecharu bya amaru l'iphe, anyi gude kpụa ya bụ g'anyi kwefuru Chileke ike; unu tụkoepho anyi gbushigbua ntanụ-a.