Mbụlembu 2:7 - BAYỊBURU Izii

⁷ Ọo ya bụ; Chipfu, bụ Chileke bya egude ẹja, shi l'alị kpụa nemadzụ; bya ekuru unme ndzụ ye iya l'imi; onye ono bya abụru onye dzụ ndzụ.

Mbụlembu 2:7 ပူးပေါင်းရင်းမြစ်များ

Mbụlembu 1:27

Ọo ya bụ; Chileke woru nemadzụ mee; o yee ya; ọ bụru gẹ Chileke dụ bụ g'o meru iya; ọ dụ. Ọ bụru nwoke lẹ nwanyị bẹ o meru.

Mbụlembu 2:6

Ọ bụru iji bẹ o shi anọduje akwa gude agba alị l'ophu mini.

Mbụlembu 3:19

Ịi-kụta ẹphuru phee tẹme l'i ria nri; gbiriri jasụ ị laphu azụ l'alị; eshi ọphu ọ bụ ẹja shi l'alị bẹ i shi. Ọo ẹja shi l'alị bẹ ị bụ; ọ bụkwarupho l'ẹja shi l'alị ono bẹ ịi-laphu azụ.”

Mbụlembu 3:23

Ọo ya bụ; Chipfu bụ Chileke chịfu iya lẹ mgbabu Édẹnu; g'o je ejeahaa ozi l'alị, bụ ẹka e shi wota ẹja kpụa ya.

Mbụlembu 7:22

Iphemiphe, nọ l'eli mgboko, dzụ ndzụ, atụ unme l'imi nwụshikota.

Jiobu 27:3

Eshinu ọphu ndzụ nọkwadu mu l'ime ililekpọo. Unme, Chileke kuru nụ mu nọdu eshijekwadu mu l'imi akpụshi;

Jiobu 33:4

Ọ kwa Unme Chileke meru mu dobe. Ọ bụru Unme Ọkalibe-kangokọtaru-nụ bẹ mu gude nọdu ndzụ.

Jiobu 33:6

Ọo g'ị dụ bụ gẹ mu dụ l'iphu Chileke. Ọo g'e gude ẹja mee ngu bụ g'e gude ẹja mee mbẹdua.

Jiobu 4:19

?bụchia nemadzụ bẹ ọo-ha; mbụ nemadzụ ono, bu l'ụlo ẹpuchi, a tụru ọkpa iya l'alị; ndu azọ-gbu phẹ ka nphe eme l'azọ-gbu mbeberibe!

Ebvu-ọma 100:3

Unu makwarụ lẹ Chipfu bụ Chileke. Ọo ya meru anyi; tẹme anyi bụru nkiya. Anyi bụ ndibe iya; bya abụru atụru, ooche echeche.

Ebvu-ọma 103:14

Kẹle ọo ya maru g'e gude mee anyi. Ọonyataje l'ọo urwuku mmanụ bẹ anyi bụ.

Ẹkwo Ẹtu 20:27

Obu nemadzụ bụkwa iya bụ ọku orọku Chipfu. Oogudeje iya avọfutagbaa iphemiphe, dụ nemadzụ l'ime.

Oziphe 12:7

Noo teke ogwẹhu, bụ ẹja alị a-laphu azụ l'ẹja alị ẹka o shi; unme ndzụ alapfu Chileke onye nụru iya nụ.

Oziphe 3:7

Teke aalajashị iphe alajashị dụ; teke aagbakwa iphe agbakwa dụkwapho. Teke aanọdu nggujingguji dụ; teke eeye ọnu l'opfu dụkwapho.

Azáya 2:22

Hanaa akpọru obu yeru nemadzụ; kẹle mkpakọ iphe, o nweru bụ unme, ọotu l'imi. ?Bụ gụnu ọzo bẹ oo-mefụba ọ́nyá?

Azáya 64:8

Obenu lẹ-a; gụbe Chipfu; ọ kwa ngu bụ nna anyi. Anyịbedua bụkwa ụrwa; gụbedua bụru onye akpụ ite. Anyi tụkoru bụru iphe, i gude ẹka ngu mee.

Ebvu Aphụ 4:20

Onye ono, Chipfu wụru manụ l'ishi; mbụ onye ono, bụ iya bụ unme, anyi atụ ono bẹ nwulahụru lẹ nsụ, ẹphe tụru; mbụ onye ono, anyi rịru sụ l'anyi a-nọdu lẹ mkpula iya dzụru ndzụ l'echilabọ ọhamoha ono.

Ezekẹlu 37:5

Wakwa iphe, Nnajịuphu, bụ Chipfu epfuru unubẹ ọkpu-a baa: Mu e-me g'unme bahụ unu l'ẹhu; k'ọphu unu a-bya adzụru ndzụ.

Ezekẹlu 37:6

Mu e-ye unu akwara l'ẹhu; mu abya emee g'unu nweru anụ-ẹhu; mu abya ekwee unu akpọ l'ẹhu; woru unme ye unu l'ẹhu; unu abya anọdu ndzụ. Ọo ya bụ g'unu a-makwanụru l'ọo mu bụ Chipfu.”

Zekaraya 12:1

Wakwa ozi, Chipfu ziru zidoru ndu Ízurẹlu; mbụ Chipfu, onye bụ iya tọsaru akpaminigwe; tẹme ọ bụru iya tọru ọkpa mgboko l'ophu; bya abụru iya kuru unme ye nemadzụ l'ẹhu.

Ọ́gú 16:22

Mósisu yẹle Erọnu daa; kpube iphu l'alị chishia sụ: “Oowaa! Gụbe Chileke; mbụ Chileke bụ ishi ndzụ iphe, bụ nemadzụ l'ophu; ?ii-gude k'iphe-ẹji, onye lanụ metaru tụ-koshi ọha l'ophu oke ẹhu-eghu ngu tọo?”

Ọ́gú 27:16

“Gẹ Chipfu; mbụ Chileke ọphu gude ndzụ onyemonye họta nụ onye a-nọdu edu ndu Ízurẹlu.

Jiọnu 20:22

O pfuchaẹpho nno bya ekushi phẹ Unme sụ phẹ: “Unu nata Unme-dụ-Nsọ.

Ndu-ishi-ozi 17:25

Ọphu mkpa iphe, nemadzụ ejeta anụ iya adụduru iya; eshinu ọ bụ iya anụ ndzụ bya anụ unme bya anụ nemadzụ iphemiphe.

Romu 9:20

Ọle gụbe nwa nemadzụ ọphu a-sụ l'iphe, Chileke meru ta adụdu ree; ?Ị bụ gụnu? ?Iphe, a kpụru l'ụrwa, ọojije onye kpụru iya nụ sụ: “?Ọ nwụru ịnwagha bẹ o gude ị kpụa mu g'ị kpụru mu-a?”

1 Kọrentu 15:45

L'e dekwaru l'ẹkwo-opfu Chileke sụ: “Onye ivuzọ, bụ Ádamu bẹ e meru ọ bụru nemadzụ, dzụ ndzụ.” Ọ bya emee Ádamu k'ikpazụ, ọ bụru unme, emeje g'anọdu ndzụ.

1 Kọrentu 15:47

Nwoke mbụ bẹ e gude ẹja, shi l'alị mee; nwoke k'ẹbo shikwanụ l'imigwe.

2 Kọrentu 4:7

Sụ-a; anyi dụekwapho g'ite, e gude ụrwa kpụa, Chileke woru iphe ono, ereshi ire ike ono, bụ iya bụ ìphóró iya ono woru dẹe. Iphe, o gude dẹe ya nno bụ g'a hụma l'ike iya ono, nyịberu anyịbe ono te eshidu anyi l'ẹka; l'ọo yẹbedua bẹ o shi l'ẹka.

2 Kọrentu 5:1

Anyi maru lẹ teke a phọkataru nwa mkpu ọwa-a, anyi bu l'eliphe-a; bẹ anyi nweru-a unuphu ọzo, Chileke kwarụ anyi. Ụlo k'ono ta abụdu ẹka bẹ e gude kpụa ya. Ọ bụ ụlo ọphu anyi a-nọ ojejoje l'imigwe.

1 Timoti 2:13

L'ọ kwa Ádamu bẹ Chileke vuru ụzo mee tẹme o meje Ivu.

Hiburu 12:9

Ọobujeru; nna anyi l'eliphe-a -nọdu echi anyi iphe; anyi eyelẹru phẹ-a nsọ. ?Bụchia Nna anyi ọphu nọ l'imigwe bẹ anyi ta akabadaa eworu onwanyi nụ g'anyi eshi ẹgube ono nweru ndzụ.