Mbụlembu 2:4 - BAYỊBURU Izii

⁴ Waa g'e gude mee igwe; yẹe eliphe; teke e meru iya baa. Teke Chipfu, bụ Chileke meru eliphe; yẹe igwe bẹ

Mbụlembu 2:4 ပူးပေါင်းရင်းမြစ်များ

Mbụlembu 1:1

Lẹ mbụlembu bẹ Chileke meru igwe bya emee eliphe.

Mbụlembu 1:28

Chileke bya agọru ọnu-ọma nụ phẹ; sụ phẹ: “Unu zụ̀a azụ̀zù kabaa shii; unu zụ̀-jia mgboko kapyabẹ iya ẹnya. Unu abụru ishi: ẹma, bu lẹ mini; yẹe ẹnu, ephe l'eli; yẹe iphemiphe, bụ iphe, dzụ ndzụ, akpụ wuruwuru l'alị anọdu unu l'ẹka.”

Mbụlembu 1:3

Ọo ya bụ; Chileke sụ: “Gìphóró dụ.” Ìphóró bya adụ.

Mbụlembu 1:31

Chileke bya elee ẹnya hụma iphemiphe, o meru. Ẹphe dụebekota rengurengu shii. Nchi jihu bya abọhu. Ono bụru mbọku k'ishii.

Mbụlembu 1:4

Chileke bya elee ẹnya hụma l'ìphóró ono dụ ree. Ọ bya edokaha ìphóró ono yẹe ọchii.

Mbụlembu 10:1

Waa oshilọkpa ụnwu Nuwa, bụ Shemu; waa Hamu; waa Jiafẹti baa. Mbụ l'a nwụshiru phẹ ụnwegirima lẹ g'utso ono lachaaru.

Mbụlembu 11:10

Waa oshilọkpa Shemu. A nọepho mgbarapha labọ g'utso byachaaru ono; Shemu nwụta Afakusadu. Teke ono bẹ Shemu nọwaru ụkporo apha ise tẹme ọ nwụta Afakusadu ono.

Mbụlembu 2:3

Chileke gọru ọnu-ọma nụ mbọku k'ẹsaa ono; bya emee ya; ọ dụ nsọ; kẹle ọo mbọku ono bẹ ọ tụtaru unme eme iphemiphe, o meshiru ono.

Mbụlembu 25:12

Waa oshilọkpa Ishimẹlu nwa Ébirihamu; onye nwanyị, shi Ijiputu, bụ ohu Sera, ẹpha iya bụ Hega nwụtaru Ébirihamu baa:

Mbụlembu 25:19

Waa oshilọkpa Áyizaku, nwa Ébirihamu. Ébirihamu bụ nna Áyizaku;

Mbụlembu 36:1

Waa oshilọkpa Ịso, bụ iya bụ Edọmu baa:

Mbụlembu 36:9

Wa oshilọkpa Ịso, bụ nna ndu Edọmu l'ọha úbvú Siye baa:

Mbụlembu 5:1

Ọwa-a bụ g'e gude deshia ẹpha ndu bụ oshilọkpa Ádamu; waa iphe, ẹphe meshiru. Teke Chileke meru nemadzụ bẹ o meru iya ọ dụ gẹ Chileke dụ.

1 Ndu eze 18:39

Ndu ono l'ophu hụma iphe ono; bya adashịhu kpurumu; rashịa sụ: “Ọo Chipfu bẹ bụ Chileke! Ọo Chipfu bẹ bụ Chileke!”

2 Iphe, ndu eze meru 20:6

bya asụ: “Gụbe Chipfu, bụ Chileke kẹ nna anyi phẹ; ?tọ bụdu ngu bụ Chileke l'imigwe? ?Tọbudu ngu bụ ishi alị-eze, nọ l'ọhamoha tọo? Ike mẹ ọkpehu bẹ bụ l'ẹka ngu bẹ ọ dụkota; k'ọphu bụ l'ọ tọ dụdu onye sụru ngu akpafụ l'iphu.

Jiobu 38:28

Mini ono, igwe edzeje ono; ?o nweru nna tọo? Mbụ-a ?bụ onye nwụru iji, akwa akwakwa?

Jiobu 38:4

Sụ-a; ?bụ awe bẹ ị nọ teke mu tụru ọkpa mgboko-a l'ophu? Karụ mu iya; m'ọ bụru l'o doru ngu ẹnya!

Ebvu-ọma 18:31

?Bụ onye bụba Ọkalibe, dụ nụ, abụdu Chipfu kpoloko? ?Bụ onye bụba agbara-mkpuma, abụdu Chileke anyi?

Ebvu-ọma 86:10

Noo kẹle ị parụ ẹka; tẹme ị nọdu emeje iphe, dụ biribiri. Ọo ngu kpoloko kpẹekpu bẹ bụ Chileke.

Awụfu 15:3

Chipfu bụ ojọgu. Ọo Chipfu bụ ẹpha iya.

Awụfu 6:16

Ẹpha ụnwu Lívayi lẹ g'e deru phẹ l'ẹkwo bụ: Geshọnu; waa Kohatu; tẹme waa Merari. Lívayi nọru ụkporo apha ishii l'apha iri l'ẹsaa.

Azáya 44:6

Wakwa iphe, Chipfu epfu baa; mbụ onye ono, bụ eze ndu Ízurẹlu bya abụru onye gbafụtaru phẹ nụ; mbụ Chipfu, bụ Ọkalibe-Kakọta-Ike: Ọ kwa mbẹdua bụ onye ivuzọ; bya abụru onye ikpazụ. Ọ tọ dụekwa Chileke ọzo, dụ nụ; gbahaa mbẹdua.

Ọphulenya 1:4

Ọo mbẹdua, bụ Jiọnu bẹ ekele unubẹ Chịochi ẹsaa ono, dụkota l'alị Eshiya ono ekele. Mu sụ g'eze-iphe-ọma yẹe ẹhu ọdu guu, shi Chileke l'ẹka tso unu. Chileke ono bụ onye nọ ndzụ; bya abụru onye shihawaa nọduta tẹmanu mgboko dụ; bya abụru iya bụ onye ono, abya nụ ono. G'eze-iphe-ọma, shi iya l'ẹka; mẹkwapho ọphu shi l'ẹka Unme ẹsaa Chileke bụru k'unu jeyewarurọya. Unme ẹsaa, mu epfuru bụ Unme ẹsaa ono, l'anọduje l'atatiphu Chileke l'ẹka ọ nọ l'aba-eze iya ono.

Ọphulenya 1:8

“Ọ mbẹdua bụ Alụfa bya abụru Omega. Mu bụ onye mbụ bya abụru onye ikpazụ.” Nokwa iphe, Nnajịuphu, bụ Chipfu eepfu; mbụ onye ono, bụ iya bụ Ọkalibe-Kakọta-Ike; bya abụru onye shihawaa nọduta tẹmanu mgboko dụ; bya abụru iya bụ onye ono, l'abya nụ ono.

Ọphulenya 11:17

sụ: “Anyi ekele ngu ekele Nnajịuphu, bụ Chileke, bụ Ọkalibe-Kakọta-Ike. Onye bụ Chileke, nọ ndzụ bya abụru onye shihawaa nọduta tẹmanu mgboko dụ. Anyi ekele ngu l'i goshihawaru ọha l'eze ike ngu ono parụ ẹka apa. I goshiakwaruphọ nta-a l'ọo gụbedua bụ onye-eze, iphemiphe dụ l'ẹka.

Ọphulenya 16:5

Mu nụma ẹka ojozi-imigwe, bụ iya eche iphe, bụ mini nche sụru: “Gụbe Nnajịuphu pfụbekwaru ẹka ọto; mbụ gụbe onye ono, nọ ndzụ; bya abụru onye ono, shihawaa nọduta ono. Ikpe-a, ị nmarụ ndiphe-a bẹ goshiru l'ị bụ onye ekpeje ikpe nhamụnha.