Mbụlembu 19:25 - BAYỊBURU Izii

²⁵ Ọ bya atụko mkpụkpu ono; mẹ nsụda ono l'ophu mebyishikọta; bya emebyishikwaphọ iphe, bụ ndu bukọta lẹ mkpụkpu ono; mẹ iphe, futaru efuta, dzụ ndzụ l'alị ono.

Mbụlembu 19:25 ပူးပေါင်းရင်းမြစ်များ

Mbụlembu 13:10

Lọtu palia ẹnya imeli bya ahụma lẹ nsụda ẹnyimu Jiọ́danu, nọru kpaa lẹ mkpụkpu Zowa bẹ nggele dụ shii; ọ dụepho gẹ mgbabu Chipfu ono; ọzoo gẹ alị Ijiputu. Teke ono bẹ Chipfu teke emebyidu Sọdomu yẹe Gọmóra.

Mbụlembu 13:12

Ebiramu buru l'alị Kénanu; Lọtu je ebukube mkpụkpu, nọgbaa lẹ nsụda ono. O woru ụlo-ẹkwa iya je akpọbe lẹ mgboru Sọdomu gẹdegede.

Mbụlembu 14:3

Ndu k'ikpazụ-a bya edzukọbe chịta ndibe phẹ jepfushia phẹ ọgu lẹ nsụda Sidimu, mechaarụ bụru Eze-ẹnyimu Únú.

Ebvu-ọma 107:34

O meru alị, bụ ọsu; ọ bụru jakpọro jakpọro alị únú; kẹle ndu shi buru l'ẹka ono menụkaru ẹjo-iphe.

Azáya 13:19

Tẹmanu-a; alị ndu Bábilọnu ono, bụ ẹka e gude akwabẹ alị-eze ọzo ùbvù ono; mbụ ẹguru alị ono, bụ iya meru ndu Bábilọnu; ẹphe nọdu eku onwophẹ ono; alị ono bẹ Chileke e-mechaa mebyia g'e mebyiru Sọdomu yẹe Gọmóra.

Jieremaya 20:16

Gẹ nwoke ono dụkwa gẹ mkpụkpu, Chipfu mebyishiru; ọphu ọ phụduru iya obu-imemini. G'ọ bụkwaru iphe, ọo-nọdu anụ l'ụtsu bụ ụzu-ẹkwa. O -be l'eswe; l'ọonuaha mkpu ọgu.

Jieremaya 23:14

Tẹmanukwapho; l'echilabọ ndu mpfuchiru kẹ Jierúsalẹmu bẹ mu hụmakwarupho iphe, anyị ishi ẹdzu. Ẹphe anọduje eri ogori; tẹme ndzụ phẹ bụru adzụ ụka. Ndu eme ẹjo-ememe bẹ ẹphe anọduje eme g'ẹka ka phẹ eshihu ike l'iphe, ẹphe eme; k'ọphu bụ l'ọ tọ dụdu onye ọphu aghajẹru ẹjo-iphe, oome azụ. L'ẹhu nkemu bẹ ẹphe dụkotaepho gẹ ndu Sọdomu; ndu Jierúsalẹmu dụkotae mu phọ gẹ ndu Gọmóra.”

Jieremaya 49:18

Ọo ẹgube ono, e mebyishiru mkpụkpu Sọdomu yẹe Gọmóra ono; bya emebyishia mkpụkpu lẹ mkpụkpu, nọgbaa phẹ lẹ mgboru ono; nokwa g'ọ tọ dụdu onye e-bu l'alị ndu Ẹdomu; ọphu ọ dụdu onye e-me iya unuphu. Nokwa iphe, Chipfu eepfu bụ ono.

Jieremaya 50:40

Wakwa iphe, Chipfu epfu baa: Ọ kwa ẹgube ono, Chileke mebyishiru Sọdomu yẹe Gọmóra; yẹe mkpụkpu, nọ-pheru iya mgburugburu ono bụ g'ọ tọ dụdu onye byaru eburu l'ime iya; ọphu ọ dụdu nwoke, byaru akwa iya unuphu buru.

Ebvu Aphụ 4:6

Aphụ, a nụru ndibe mu k'ẹjo-iphe, ẹphe meru bẹ ka shii eme lẹ kẹ ndu mkpụkpu Sọdomu; mbụ Sọdomu ono, e gude ntabu ẹnya lanụ mebyishia; ọphu ọ tọ dụdu onye gbaru phẹ mkpu ono.

Ezekẹlu 16:50

Ẹphe shi bụru ndu ekunuka onwophẹ; bya eme ẹbyi l'iphu mu. Ọo ya bụ; mu hụmae ya phọ; mu bya edekufu phẹ.

Émọsu 4:11

“Mu harụ mkpụkpu unu mebyishia ẹgube ono, mu mebyishiru Sọdomu waa Gọmóra ono. Mbụ l'unu dụepho gẹ nkụ-ọku, a lọfutaru l'ẹka ọku eke iya; ọphu unu alwakwarụpho azụ lwapfuta mu.” Nokwa iphe, Chipfu eepfu.

Zefanaya 2:9

Ọo ya bụ lẹ-a; wakwa iphe, mu epfu; mbụ Chipfu, bụ Ọkalibe-Kakọta-Ike bya abụru Chileke kẹ ndu Ízurẹlu: Eshinu mu nọ ndzụ gẹ mu nọ iya-a; bẹ ndu Mówabu e-mechaa dụepho gẹ ndu Sọdomu; ndu Amọnu adụ gẹ ndu Gọmóra; mbụ l'ẹphe a-bụru ẹgbudu yẹe nsụkutu únú; mbụ l'ọo-bụru ochobu jasụ l'ojejoje. Nwandibe mu ọphu phọduru nụ l'a-kwa iphe phẹ l'ọkwata; mbụ l'ọo ndu ọha mu nwa ndu ọphu wafụru nụ bẹ alị phẹ a-bụru okiphe phẹ.”

Ditoronomi 29:23

Alị ono g'ọ ha bẹ iphe, e-jiru iya nụ bụ ọku nshị-egbe; waa únú; yẹe onwu-phuruphuru; k'ọphu bụ l'a taa kọdu iphe l'alị ono; ọphu ọ dụdu iphe, emehu iya nụ; ọphu ẹswa efukpọdaa ya nụ. Mbụ l'ee-me iya iphe, e meru Sọdomu; yẹe Gọmóra; mee ya iphe, e meru Adama; yẹe Zebowimu; bụ ndu Chipfu gude oke ẹhu-eghu iya mebyishia ono.

2 Pyịta 2:6

ọ -bụru l'ọ nmarụ Sọdomu yẹe Gọmóra ikpe gude ọku tsufukọta phẹ ẹphe bụru ntụ; ẹphe chịhu lẹ mgboko l'ophu; shi nno mee gẹ ndu ta akwabẹdu Chileke ùbvù maru ẹgube iphe, ya e-me phẹ;