Mbụlembu 19:2 - BAYỊBURU Izii

² Ọ sụ phẹ: “Nnajịuphu mu; mu arwọ unu g'unu batarọ l'ụlo mụbe onye-ozi unu; bya akwọo ọkpa unu; unu akwaa ibe mu; o -rwua l'ụtsu; unu atụgbuwaro jeshia iphe, unu eje.” Ẹphe sụ waawaa; l'ẹphe a-kwa l'ụzo l'ẹnyashi ono.

Mbụlembu 19:2 ပူးပေါင်းရင်းမြစ်များ

Mbụlembu 18:4

G'e kutanụ nwa mini g'unu kwọo ọkpa tụta unme lẹ mkpula oshi-a.

Mbụlembu 19:1

Ojozi labọ ono jerwua Sọdomu l'ụzenyashi. Ẹphe jeshia; Lọtu nọdu anọo l'ọnu-abata mkpụkpu ono. Ọ hụmae phẹ phọ bya agba phẹ ndzuta; bya ephozetaru phẹ woru iphu kpube l'alị.

Mbụlembu 19:3

Ọ rwọo phẹ rwọshia phẹ ike gbiriri jasụ ẹphe tsoru iya bahụ ibe iya. Ọ bya akwaaru phẹ eze ẹbyaa; mbụ gheeru phẹ buredi, e yedụru iphe, ekoje buredi; ẹphe taa.

Mbụlembu 24:31

Tọbudu iya bụ; Lebanụ sụ iya: “Bata abata-o! Gụbe onye Chipfu gọru ọnu-ọma nụ! ?Ọ nwụru ịnwu-agha bẹ i jeru apfụru l'ẹka ono? Mu doziakwaru ngu ụlo; bya edoziwaa ẹka ịnya-kamẹlu ngu a-dọru.”

Mbụlembu 43:24

Onye-ozi Jiósẹfu duta ndu ono je edobe l'ụlo Jiósẹfu ono; bya ekee phẹ mini; ẹphe kwọo ọkpa; bya anụ nkapfụ-ịgara phẹ nri.

2 Sámẹlu 11:8

Ọo ya bụ; Dévidi bya asụ Uráya: “Lashịwaro ibe ngu je atụta unme.” Ọo ya bụ; Uráya bya agbẹshi l'ibe eze tụgbushia. Eze gwerụ iphe nụ g'e wolaaru iya unuphu.

Jiobu 31:32

Mbụ l'o toko duswee onye shi eshishi, kwajẹru lẹ gbororo; kẹle mu shi eghebejeẹpho ibe mu ọnu; gẹ ndu eje iphe bata bya akwaa.

Ẹkwo Ẹtu 25:17

Jeta ibe nemadzụ ibe ngu l'ahụma. I -jenụka iya l'ị dụ iya ashị.

Ebvu Sólomọnu 5:3

Mu yefuakwaru uwe mu. ?Bụ gẹ mu gbẹ nta-a yephu iya azụ ọzo tọo? Ọkpa bẹ mu kwọwaru akwọkwo. ?Bụ gẹ mu gbẹ nta-a zọbe iya l'alị ọzo tọo?

Luku 7:44

Ọ bya aghaa ẹnya l'ẹka nwanyị ono nọ bya asụ Sayịmonu: “?Ị hụmaru nwanyị-a? Mu bataru ụlo ngu; ọphu i keduru mu mini gẹ mu saa ọkpa; ọle nwanyị-a gude ẹnya-mini saa mu ọkpa; bya egude ẹgbushi iya huchaa ya.

Jiọnu 13:5

Ọ bya ekuru mini ye lẹ gbamugbamu wata akwọ ndu etsoje iya nụ ọkpa; bya egude anamụ phọ, ọ nma l'upfu phọ ehucha phẹ iya.

Ndu-ishi-ozi 16:15

E mee yẹe ndibe phẹ baputizimu. Ọ sụ anyi: “Unu byanụ anọta l'ibe mu mẹ unu -kwewaa lẹ mu bụwaa onye kweru kẹ Nnajịuphu.” Ọ rwọnyanaa anyi; anyi jeshia.

Hiburu 13:2

Unu ta azọhakwa akwajẹru ndu byaru abyabya ẹbyaa; l'ọ dụkwaru ndu gudechawaa l'ẹphe akwaa ẹbyaa; ẹphe kwaaru iya ụnwu-ojozi-imigwe; ọphu ẹphe amadụ.