Mbụlembu 18:25 - BAYỊBURU Izii

²⁵ A maru-a l'ị tịi tụdu ama eme iphe, dụ nno; mbụ g'i gbua ndu pfụberu-ẹka-ọto yẹe ndu ẹjo-iphe; ọzoo mee ndu pfụberu-ẹka-ọto g'i meru ndu ẹjo-iphe. A makwarụ-a l'i tịi tụdu ama eme iphe, dụ nno; mbụ gẹ gụbedua, bụ Onye-ikpe kẹ mgboko-a l'ophu te eme iphe, pfụru nhamụnha.”

Mbụlembu 18:25 ပူးပေါင်းရင်းမြစ်များ

Mbụlembu 18:24

?Ọ -bụru lẹ ndu pfụberu-ẹka-ọto rwuru ụkporo ụmadzu labọ l'ụmadzu iri lẹ mkpụkpu ono? ?Ii-mebyishikwa iya phọ? ?Tii gudedu iswi ẹhu ụkporo ụmadzu labọ l'ụmadzu iri, pfụberu-ẹka-ọto, nọ iya nụ phọ haa ya?

1 Iphe, ndu eze meru 16:33

Noo teke iphe, bụ oshi, dụ l'ọswa a-gụ ebvu ẹhu-ụtso l'iphu Chipfu. Noo kẹle ọobyawaa gẹ ya kpee ụnwu-eliphe ikpe.

2 Iphe, ndu eze meru 19:7

Nta-a bụkwa g'unu tsụa Chipfu ebvu; unu akwabẹ ẹnya l'iphe, unu eme; kẹle Chipfu, bụ Chileke anyi bẹ ẹka iya ta adụkwa l'ikpe, apfụduru-ọto; ọphu o ledu nemadzụ ẹnya l'iphu; tẹme ọphu o ridu ụphalazu.”

Nehemaya 9:33

Iphemiphe ono, dapfutakọtaru anyi ono bẹ iswi dụkotakwa ngu mma. I meru iphe, pfụru nhamụnha; obenu l'anyịbedua meru ẹjo-iphe.

Jiobu 34:10

Sụ-a; unu ngabẹkwaru mu nchị; unubẹ ndu iphe edoje ẹnya. Tụswekwa! Chileke ta abyakwa eme ẹjo-ememe! Ọkalibe-kangokọtaru-nụ ta abyakwa eme iphe, adụdu ree!

Jiobu 34:12

Mbụ-a; ọkpobe opfu kpọ bụ lẹ Chileke te emejekwa iphe, adụdu ree. Ọkalibe-kangokọtaru-nụ ta anmaswejekwa ikpe anmaswe.

Jiobu 8:20

Mbụ lẹ-a; Chileke ta ajịkajekwa onye adụdu iphe, o meru; ọphu ọ bụjekwanuru agbarike onye ẹjo-iphe.

Jiobu 8:3

?Chileke ekpeje ikpe l'ẹregede tọo? Ọkalibe-kangọkotaru-nụ ?ọogbanweje iphe, pfụru nhamụnha?

Ebvu-ọma 50:6

Imigwe l'ophu anọduje atụ ọnu gẹ Chileke bụ-be onye pfụberekoto; kẹle Chileke l'onwiya bụ Onye-ikpe.

Ebvu-ọma 58:11

Ọo ya bụ; ndiphe epfuahaa sụ: “Ndu pfụberekoto bẹ obunggo dụkwaru eviya; mbụ l'ọ kwa ire-lanụ l'o nweru Chileke, ekpeje eliphe-a ikpe!”

Ebvu-ọma 7:12

O -lenyaa ẹnya l'izimanụ a-lwa onye ẹjo-iphe azụ; ọphu ọ dudu; bẹ oo-wokwaru ogu-echi iya baa ababa. Ụta iya bẹ o setaanarụ-a kẹ kịkiki kwabẹru ndu ọbu.

Ebvu-ọma 75:3

Teke eliphe l'ophu; mẹ iphe, bụ ndu nụ iya nụ anma jiijiijii; bụ yẹbedua bẹ egudeje itso iya gudeshia ya ike.

Ebvu-ọma 94:2

Gbalihunu gụbe onye ekpeje mgboko l'ophu ikpe! Jiko pfụnaa ndu eku onwophẹ ụgwo, gbaru phẹ nụ!

Ebvu-ọma 98:9

G'ẹphe tụko nọdu l'iphu Chipfu gụa ebvu; kẹle ọobyawaa ekpe ụnwu-eliphe ikpe. Ndu mgboko l'ophu bẹ oo-kpe ikpe, pfụru ọto; tẹme l'ọ hakwarụpho ndiphe l'ophu enge, pfụru nhamụnha.

Oziphe 3:17

Mu bya arịa l'ime obu mu sụ: “Chileke e-mechakwaa tụko ndu pfụberekoto mẹ ndu ẹjo-iphe kpee ikpe; kẹle iphemiphe nweru ògè; mbụ l'iphemiphe, eeme ememe nweru ògè teke eemeje iya.”

Oziphe 7:15

Lẹ mkpọkoro ndzụ-a, mu dzụ-a bẹ mu hụmaakwaru iphe-a ẹphenebo. Mbụ lẹ mu hụmaru onye pfụberekoto ẹka ọola l'iphe, pfụru ọto; bya ahụma onye ẹjo-iphe ẹka ọoka nka eje emekwaphọ ẹjo-iphe, oome.

Jieremaya 11:20

Obenu lẹ-a; gụbe Chipfu, bụ Ọkalibe-Kakọta-Ike; gụbe onye ono, ekpeje ikpe, pfụru ọto ono; tẹme ị nọdu ahụje ọkpoma yẹe ọriri ama; gẹ mu hụmanu ẹka ịigwata ụgwo iphe, ẹphe meru mu l'ishi phẹ; kẹle ọo gụbedua bẹ mu e-doru g'ọ dụru mu.

Jieremaya 12:1

Gụbe Chipfu; ọ tọ dụdu teke ị bụedupho onye pfụberekoto; jasụkpoo lẹ gẹ mu echi ngu opfu-a. Ọle ọ bụ; mu e-pfukwaru ngu phọ k'ikpe, pfụru ọto, iikpeje. Sụa; ?bụ gụnu kparụ iphe, ụpete agbaru ndu ẹjo-iphe l'ụzo phẹ? Mbụ-a; ?bụ gụnu kparụ iphe, ẹhu adụje ndu e gudedu ire phẹ ẹka guu?

Ezekẹlu 18:25

“Unu asụje l'iphe, mụbe Nnajịuphu eme ta pfụduru nhamụnha. Unu ngabẹkpodapho nchị unubẹ ndu Ízurẹlu! ?Unu sụru l'iphe, mu eme ta pfụduru nhamụnha? ?Tọ bụchida unubẹdua bẹ te emedu iphe, pfụru ọto?

Malakayi 3:18

Noo teke unu a-hụma iphe, dụ iche l'ẹka ndu pfụberekoto yẹe ndu ẹjo-iphe nọ bụ ono. Unu ahụmakwapho iphe, dụ iche l'ẹka ndu ejeru Chileke ozi; yẹe ndu te ejeduru iya ozi nọ.”

Ọ́gú 16:22

Mósisu yẹle Erọnu daa; kpube iphu l'alị chishia sụ: “Oowaa! Gụbe Chileke; mbụ Chileke bụ ishi ndzụ iphe, bụ nemadzụ l'ophu; ?ii-gude k'iphe-ẹji, onye lanụ metaru tụ-koshi ọha l'ophu oke ẹhu-eghu ngu tọo?”

2 Kọrentu 5:10

Lẹ g'anyi hakọtakpoo; byafụtajekwa bya apfụru l'iphu Kéreshi mẹ ọ -byaẹpho ekpe ikpe. Ọo ya bụ; g'onyenọnu a-nata iphe, rwuberu iya nụ; m'ọ bụ k'ọma-o; m'ọ bụ ẹjo iya-o; onyenọnu anata ụgwo iphe, o meru teke ọ nọ ndzụ lẹ mgboko-a.

Ditoronomi 1:16

“Mu tụaru ndu-ikpe unu ekemu teke ono; sụ phẹ: ‘Unu ngabẹjekwaru unwune unu, opfu adaru nchị; g'ẹphe dooru unu iphe, adaru phẹ nụ. Ẹphe -dochaa ya; unu edoshiaru phẹ opfu ọbu l'ụzo pfụru ọto; m'ọ bụ ndu Ízurẹlu lẹ ndu Ízurẹlu bẹ ọodaru; m'ọ bụ onye Ízurẹlu yẹle onye lwarụ alwalwa.

Ditoronomi 1:17

Unu te elejekwa nemadzụ ẹnya l'iphu ekpe ikpe. Unu ngabẹjekwaru ụmadzu labọ, opfu adaru nchị; g'ẹphe doo iphe, adaru phẹ nụ; m'ẹphe bụ ndu ha nwanshịi; m'ẹphe bụ ndu ha shii. Unu ta atsụjekwa nemadzụ ebvu; kẹle onye-ikpe dụ l'ẹka bụkwa Chileke. Teke ọ bụ opfu, kariru unu ẹka; unu egude iya byapfuta mbẹdua gẹ mu nụma.’

Ditoronomi 32:4

Ọ bụ iya bụ oke mkpuma ono! Iphemiphe, oome nọdu adụebeje ree; tẹme ụzo iya pfụkotaru nhamụnha. Ọ bụ Chileke, apfụshije ike l'iphe, o pfuru; ọphu ọ dụdu iphe, apfụduru-ọto, oomeje. Ọ pfụberekoto; tẹme obu gụa ya ìphóró.

Hiburu 12:23

Ẹka unu byaru bụkwa ẹka ụnwu Chileke, o dobekọtawaru l'ọnodu ọkpara dzukọru; mbụ ndu e deru ẹpha phẹ l'ẹkwo l'imigwe. Unu byapfutawaru Chileke; onye bụ iya e-kpe onyemonye ikpe. Ndu unu byapfutaru bụ ndu nwụhuhawaru nụ, pfụberekoto; ndu Chileke meru g'ẹphe dụebe ree l'iphu iya.

Ikpe 11:27

Mbẹdua te emeswekwaru ngu. Ọo gụbedua, byaru etsoaha mu ọgu bẹ gbẹ achọ mu opfu. Ọle-a; gẹ Chipfu, bụ onye-ikpe, bukafụkwa opfu ono, dụru ndu Ízurẹlu yẹe ndu Amọnu lẹ ntanụ.”