Mbụlembu 18:23 - BAYỊBURU Izii

²³ Ébirihamu bya akpịritaru iya ntse bya asụ iya: “?Ii-mebyishi ndu ẹjo-iphe yẹe ndu pfụberu-ẹka-ọto tọo?

Mbụlembu 18:23 ပူးပေါင်းရင်းမြစ်များ

Mbụlembu 18:24

?Ọ -bụru lẹ ndu pfụberu-ẹka-ọto rwuru ụkporo ụmadzu labọ l'ụmadzu iri lẹ mkpụkpu ono? ?Ii-mebyishikwa iya phọ? ?Tii gudedu iswi ẹhu ụkporo ụmadzu labọ l'ụmadzu iri, pfụberu-ẹka-ọto, nọ iya nụ phọ haa ya?

Mbụlembu 18:25

A maru-a l'ị tịi tụdu ama eme iphe, dụ nno; mbụ g'i gbua ndu pfụberu-ẹka-ọto yẹe ndu ẹjo-iphe; ọzoo mee ndu pfụberu-ẹka-ọto g'i meru ndu ẹjo-iphe. A makwarụ-a l'i tịi tụdu ama eme iphe, dụ nno; mbụ gẹ gụbedua, bụ Onye-ikpe kẹ mgboko-a l'ophu te eme iphe, pfụru nhamụnha.”

Mbụlembu 20:4

Ọle Abimẹleku bẹ ẹphe l'iya teke akwadụ. Ọo ya bụ ọ sụ: “Nnajịuphu; ?ii-mebyishikwaphọ ọha, adụdu iphe, ẹphe meru?

2 Sámẹlu 24:17

Dévidi hụmaepho g'ojozi-imigwe ono gude echitsushi ndu ono; ọ sụ Chipfu: “Oowa-e; ọ kwa mbẹdua meru iphe-ẹji; mbụ l'ọo mbẹdua bẹ meru iphe, adụdu ree. ?Ụnwu atụru-a mehunuru ole? G'ọ bụ-chiaru mbẹdua waa ndibe nna mu bẹ ịi-da ẹjo ẹka l'ẹhu!”

Jiobu 34:17

?Bụ onye ono, ikpe pfụru ọto dụ ashị a-bya abụru onye bụ ishi? ?Ị sụru g'ịi-nma iya ikpe; mbụ onye ono, pfụru ọto bya abụru onye parụ ẹka ono?

Jiobu 8:3

?Chileke ekpeje ikpe l'ẹregede tọo? Ọkalibe-kangọkotaru-nụ ?ọogbanweje iphe, pfụru nhamụnha?

Ebvu-ọma 73:28

Obenu lẹ mbẹdua bẹ ẹhu anọduje atsọ ụtso lẹ mu nọ-kube Chileke; mbụ lẹ mbẹdua wowaru Nnajịuphu, bụ Chipfu; mee ẹka mu a-nọduje ezeru ndzụ. Ọo ya bụ lẹ mu e-gude ọnu mu kọkota iphe, dụ ree, iime l'ẹhu mu.

Awụfu 23:7

G'a ta anmajẹkwa onye e boru ibo ikpe; tẹme ọphu eemegbujekwa onye pfụberekoto, adụdu iphe, o meru. Noo kẹle onye meru ẹjo-iphe, dụ nno bẹ mu ta ahadụ gẹ mu ta anma iya ikpe.

Jieremaya 30:21

Onye eze phẹ a-bụru onye lanụ l'ime ndibe phẹ. Onye a-bụru onye-ishi phẹ abụru l'echilabọ phẹ bẹ oo-shi. Mu a-kpụritaru iya; l'ọobya anọdu mu ntse; kẹle-a: ?bụ onye sụru g'oo-dobe onwiya iche bya bya anọdu mu l'iphu? Ọ kwa Chipfu epfu iya.

Ọ́gú 16:22

Mósisu yẹle Erọnu daa; kpube iphu l'alị chishia sụ: “Oowaa! Gụbe Chileke; mbụ Chileke bụ ishi ndzụ iphe, bụ nemadzụ l'ophu; ?ii-gude k'iphe-ẹji, onye lanụ metaru tụ-koshi ọha l'ophu oke ẹhu-eghu ngu tọo?”

Hiburu 10:22

bụnu iya bụ g'anyi gude obu anyi g'ọ ha; mbụ obu, kwetashikpọoru ike lẹ Chileke a-nata anyi gude kpịritaru iya ntse. Lẹ Jizọsu gudeakwa mee ya phedzuru obu anyi; k'ọphu bụ l'ọ tọ dụedu g'ọ ka mma l'ọo nwantekuru iphe-ẹji, anmakwadu anyi ikpe l'obu. Anyi dụakwapho gẹ ndu e gudewaa mini, doru edodo saa.

Jiemusu 5:16

Noo ya bụ; unu kọshijeru nwibe unu iphe-ẹji unu; tẹme unu epfukwaphọ anụru nwibe unu Chileke g'ee-me g'unu wekọrohu. Opfu, onye pfụberekoto pfuru nụ Chileke bẹ ike dụkwa l'ere ire.

Jiemusu 5:17

Elayịjia bụ nemadzụ mmanụ g'anyi bụ. O pfuru nụ Chileke pfushia ya ike sụ g'igwe buchia mini. Ọ nọo mgbarapha ẹto l'ọnwa ishii; ọphu mini atadaduru l'alị.