Mbụlembu 18:20 - BAYỊBURU Izii

²⁰ Ọo ya bụ; Chipfu sụ: “E chikuwaru iya lẹ mkpu shii l'iphe-ẹji ndu Sọdomu yẹe Gọmóra bẹ panụkaru ẹka.

Mbụlembu 18:20 ပူးပေါင်းရင်းမြစ်များ

Mbụlembu 13:13

Noo ya; ndu Sọdomu nọdu eme ẹjo-iphe; bya abụru ndu menụkaru Chipfu iphe-ẹji.

Mbụlembu 19:13

Noo kẹle anyi abyakwa emebyi ẹka-a. E chikuwaru Chipfu lẹ mkpu shii l'ẹjo-iphe ndu ẹka-a pawaru ẹka; o zia anyi g'anyi bya emebyishia ya.”

Mbụlembu 19:4

Ẹphe bya ala l'ụlo; unwoke, shigba l'ẹkameka lẹ mkpụkpu Sọdomu; ẹgirima mẹ ọgerenya; bya asọ-phee ụlo ono mgburugburu.

Mbụlembu 4:10

Chipfu sụ iya: “?Bụ gụnu bẹ o gude i mee ẹgube ẹjo-iphe ọwa-a? Gebekwa! Mee nwune ngu ono gbẹkwa l'alị echiku mu lẹ mkpu.

Mbụlembu 6:12

Chileke hụma gẹ mgboko mebyihubewaru; noo kẹle ndu bu lẹ mgboko mebyishibẹbewaru onwophẹ.

Azáya 3:9

G'iphu gbaru phẹ bụkpoada iphe, agba phẹ ekebe. Ẹphe nọdu anọduje asa iphe-ẹji phẹ asasa gẹ ndu Sọdomu. Ọphu ẹphe edomidu iya edomi. Nshịo phẹ! Noo kẹle ẹphe gudewaa ẹka phẹ setarụ onwophẹ eze iphe-ẹhuka.

Azáya 5:7

Ọ kwa ọnu-ụlo Ízurẹlu bụ opfu-vayịnu ono, Chipfu, bụ Ọkalibe-Kakọta-Ike gbaru ono. Ọ bụru ndu Jiuda bụ iphe ono, ọ kụru iya ono, tụbaru iya l'ẹnya ono. O shi ele ẹnya mgbazi; ọ bụchiaru iphe, ọ hụmaru bụ mgbaghashị. O lee ẹnya apfụbekoto; ọ bụru iphe-aphụ bẹ ọ hụmaru.

Jieremaya 14:7

“A makwarụ-a l'iphe-ẹji, anyi meru agba anyi ekebe; ọle gụbe Chipfu; menaa iphe; g'ẹpha ngu apfụru; kẹle anyi lawarụ azụ lamihu; tẹme anyi mewaa ngu iphe-ẹji.

Jieremaya 23:14

Tẹmanukwapho; l'echilabọ ndu mpfuchiru kẹ Jierúsalẹmu bẹ mu hụmakwarupho iphe, anyị ishi ẹdzu. Ẹphe anọduje eri ogori; tẹme ndzụ phẹ bụru adzụ ụka. Ndu eme ẹjo-ememe bẹ ẹphe anọduje eme g'ẹka ka phẹ eshihu ike l'iphe, ẹphe eme; k'ọphu bụ l'ọ tọ dụdu onye ọphu aghajẹru ẹjo-iphe, oome azụ. L'ẹhu nkemu bẹ ẹphe dụkotaepho gẹ ndu Sọdomu; ndu Jierúsalẹmu dụkotae mu phọ gẹ ndu Gọmóra.”

Ezekẹlu 16:46

“ ‘Nwune ngu nwanyị k'ọgerenya, bụ Samériya yẹe ụnwegirima iya bẹ tụkoru buru l'ụzo isheli ẹka iya ọphu i bu. Nwune ngu nwanyị kẹ nwata, bụ Sọdomu yẹe ụnwegirima iya tụko buru lẹ ndọhali ẹka iya ọphu i bukwaphọ.

Jiowẹlu 3:13

Unu watanụ egbu mma unu swịiswiiswii; kẹle iphe, a kụru l'opfu chawaru. Unu bya azọshia akpụru vayịnu ọbu; kẹle ẹka aakụje mẹe jiwaru. Nsụkutu iya jiwaru ejiji; kẹle ẹjo-ememe, phẹ parụ ẹka.”

Jiona 1:2

“Tụgbua jeshia eze mkpụkpu ono, bụ mkpụkpu Ninive je epfuru opfu nụ ndu bu iya nụ; kẹle ẹjo-ememe, ẹphe eme rwuwaru ẹka mu nọ.”

Jiemusu 5:4

Ndu jeru unu ozi ẹgu bẹ unu ta apfụduru ụgwo; aphụ, ẹphe agụ bẹ erwuakwa l'igwe. Tẹme mkpu kẹ ndu kpatarụ unu iphe, unu kọru l'opfu rwuakwaphọ nchị Chipfu, bụ Ọkalibe-Kakọta-ike ono.