Mbụlembu 17:21 - BAYỊBURU Izii

²¹ Ọle ọgbandzu mu bụkwanu mu lẹ Áyizaku bẹ a-gba iya nụ; mbụ onye ọphu Sera a-nwụtaru ngu ẹgube nta-a apha ọzo.”

Mbụlembu 17:21 ပူးပေါင်းရင်းမြစ်များ

Mbụlembu 17:19

Chileke sụ: “Mu maru-a. Ọle nyee ngu, bụ Sera bẹ a-nwụtaru ngu nwa nwoke. Iphe ịi-gụ iya bụ Áyizaku. Mu l'iya; waa oshilọkpa iya, etso iya l'azụ bẹ mu l'ẹphe a-gba ndzụ, a-nọ ojejoje.

Mbụlembu 18:10

Chipfu sụ iya: “Ẹgube nta-a apha ọzo bẹ mu lwafụtajekwa azụ; ọzo bụ lẹ nyee ngu, bụ Sera bẹ a-nwụ nwa nwoke.” Sera nọ l'ọnu ụlo-ẹkwa, Chipfu gharu okotazụ ngabẹ nchị.

Mbụlembu 18:14

?O nweru iphe, kpọru Chipfu ẹka ememe? Mu a-byakwa teke ono, mu tụru ọnu l'apha ọzo ono; ọzo bụ lẹ Sera e-nweru nwa nwoke.”

Mbụlembu 21:1

Chipfu bya emeeru Sera eze-iphe-ọma, bụ g'o pfuru. Mbụ l'o meru Sera iphe, o kweru iya ukwe iya.

Mbụlembu 46:1

Noo ya; Ízurẹlu bya egweta iphe, bụ nkiya tụgbua. Ọ rwuẹpho mkpụkpu Biye-Sheba bya egweeru Chileke nna iya, bụ Áyizaku ngwẹja.

Mbụlembu 48:15

Ọ bya agọru Jiósẹfu ọnu-ọma sụ: “Gẹ Chileke ono, nna mu oche phẹ, bụ Ébirihamu; waa Áyizaku tsoru ụzo iya ono kebe ụnwegirima-a l'ọma. Mbụ Chileke ono, bụ Onye-nche mu e -shi teke a nwụru mu byasụ nta-a.

Jiobu 14:13

Ọ dụ mu g'a sụ l'ii-wotakpọe mu phọ je edomia l'alị-maa; mbụ kpuchia mu iphe l'ẹka ono jasụ ẹhu eghubuhu ngu eghu. Ọ dụ mu g'a sụ l'i gege atụkpoepho sụ l'ọwa-a g'ọo-nọ-beru baa; tẹme l'ị nyatabaa mu.

Awụfu 2:24

Chileke nụma ude ono, ẹphe atsụ ono; bya anyata ọgbandzu ẹphe lẹ Ébirihamu; waa Áyizaku; waa Jiékọpu.

Awụfu 3:6

Sụ iya: “Ọ kwa mbẹdua bụ Chileke kẹ nna ngu; bụru Chileke kẹ Ébirihamu; bụru Chileke kẹ Áyizaku; bya abụru Chileke kẹ Jiékọpu.” Mósisu nụmae ya phọ; o wohaa iphu; kẹle ndzụ ele Chileke ẹnya watarụ iya agụgu.

Luku 1:55

Ono bụru iphe, o pfuru nna anyi oche phẹ, bụ iya bụ iphe, o pfuru Ébirihamu yẹe oshilọkpa iya g'ẹphe ha.”

Luku 1:72

g'ọo-phụa obu-imemini ono, ọ sụru ndiche anyi phẹ lẹ ya a-phụ ono; wafụa g'ọo-nyata ukwe-iphe, dụ nsọ, o kweru ndu nkiya.

Ndu-ishi-ozi 1:7

Jizọsu sụ phẹ: “Ọ tọ gbakwarụ unu l'amarụ mbọchi, ọ bụ; ọzoo ẹgube teke ọ bụ, bụ teke Nna mu gudewaa ẹka iya tụa l'onwiya.

Romu 9:9

Lẹ gẹ Chileke gude kwe Ébirihamu ukwe-iphe ono bụ l'ọ sụru iya: “Ẹgube nta apha ọzo bẹ mu a-bya agbaphee ngu; Sera anwụta nwa nwoke.”

Galeshiya 3:29

Sụ: unu -bụwaru ndu kẹ Kéreshi bẹ unu bụwaa oshilọkpa Ébirihamu, bụ iya bụ ndu iphe ono, Chileke kweru Ébirihamu ukwe iya ono rwuberu.

Hiburu 11:9

Ọo ekweta ono meru g'o gude o je eburu l'alị ono, Chileke kweru iya ukwe iya ono. O buru iya g'onye lwarụ alwalwa. Ụlo, yẹe Áyizaku waa Jiékọpu shi ebujeru bụerupho ụlo, e gude ẹkwa mee. Ẹphebedua bẹ Chileke kwekwarụpho ukwe-iphe lanụ ono, o kweru Ébirihamu onoya.