Mbụlembu 15:2 - BAYỊBURU Izii

² Ebiramu sụ: “Gụbe Nnajịuphu, bụ Chipfu; ?bụ gụnu ọzo bẹ ịi-nụ mu gẹ mu ta nwụtaduru nwa-a; tẹme onye e-mecha nwekọtaru ẹku mu bụru Eliyéza-a, bụ onye Damasụkosu-a?”

Mbụlembu 15:2 ပူးပေါင်းရင်းမြစ်များ

Mbụlembu 14:15

O -rwua l'ẹnyashi; Ebiramu bya ekekashịa unwoke iya gude tsoo phẹ ọgu; lwụ-kpee phẹ; chịa phẹ gbiriri jasụ ẹphe gbarwua Hoba, bụ isheli Damasụkosu.

Mbụlembu 15:1

E mechaa; Ebiramu nụma Opfu Chipfu l'ọphulenya. Ọ sụ iya: “Gẹ ndzụ ba agụshi ngu Ebiramu. Ọo mbẹdua bụ onye egbobutaje ngu nụ; bya abụru obunggo ngu, parụ ẹka.”

Mbụlembu 15:3

Ebiramu bya asụkwapho: “Nta-a, g'ị tị nụduru mu nwa-a bụnu ohu, a nwụru l'ibe mu e-mecha ria iphe mu.”

Mbụlembu 24:10

Onye-ozi iya ono bya achịta anụ-ije, bụ ịnya-kamẹlu nnajịuphu iya iri gude tụgbua. Nnajịuphu iya ono hakwarụpho nụ iya iphe, dụgbaa ree; o gude; ọ bụru iya eje alị Mesopotémiya. O jerwua bya abahụ mkpụkpu ẹka Nahọ bu.

Mbụlembu 24:2

Ọ bya ekua onye ọphu bụ onye-ishi lẹ ndu-ozi iya; mbụ onye ọphu eletakọta iphemiphe, o nweru ẹnya; bya asụ iya: “Dẹe mu ẹka l'ehe.

Mbụlembu 25:21

A nọnyaa; Áyizaku bya epfuru nụ Chipfu l'iswi ẹhu nyee ya; noo kẹle ọ tọo tsụdu ime. Chipfu nụma epfupfu, o pfuru nụ iya; bya emee nyee ya, bụ Ribeka tsụta ime.

Mbụlembu 39:9

Ọphu ọ tọ dụdu onye kabaa mu shii l'ụlo-a. Ọphu ọ dụkwapho iphe, oowoharu mu ewoha gbahaa gụbedua; kẹle ị bụ nyee ya. ?Dẹnu gẹ mu e-shi mee ẹjo-iphe, dụ ẹgube ono; mbụ mee Chileke iphe-ẹji onoya?”

Mbụlembu 43:19

Noo ya; ẹphe jepfu onye-ozi Jiósẹfu l'ọnu mgbo ụlo ono bya asụ iya:

Mbụlembu 44:1

Noo ya; Jiósẹfu sụ onye-ozi ụlo iya: “Je akwajishichaaru ndu ono nri l'ẹda phẹ; ọo ẹpho g'ẹphe a-dụ ike vuru bẹ ii-yeru phẹ; tẹme l'iiyephuchaaru onyemonye okpoga iya azụ l'ọnu ẹda iya.

Ebvu-ọma 127:3

Ụnwegirima bụ okiphe, shi l'ẹka Chipfu. Atsụ ime bụru obunggo, shi l'ẹka Chipfu.

Ẹkwo Ẹtu 13:12

Iphe, e leru ẹnya iya nọo ọdu anọduje agbawashị ọkpoma agbawashị. Obenu l'ememe, e meru nemadzụ iphe, oole ẹnya iya adụje g'ọ wọtaru oshi, eerije nọdu ndzụ.

Ẹkwo Ẹtu 17:2

Onye-ozi, maru iphe bẹ l'e-mechaa bụru ishi nwa nnajịuphu iya; mbụ nwa ọphu anọduje eme iphe-iphere ekpu ndu nwụru iya nụ. Ooje l'emecha keta iphe nnajịuphu g'ụnwu iya ketarụ.

Azáya 17:1

Ọwaa bụ ozi, Chileke ziru lẹ k'ẹhu ndu mkpụkpu Damasụkosu: “Lewarọ; Damasụkosu e-mechakwaa bụ-buhuru mkpụkpu. Iphe, oo-mecha bụru bụ ikpọzu.

Azáya 56:5

“Ọ kwa phẹ bẹ mu a-nụ iphe nkọmepha l'ime eze-ụlo mu. Mu agụkwaa phẹ phọ ẹpha, l'a-ka l'a nwụtaru ụnwegirima. Mu a-gụ phẹ ẹpha, a-nọ jasụ l'ojejoje; ọphu oochihudu echihu.”

Jieremaya 49:23

A -bya l'opfu ẹhu ndu Damasụkosu; “Ndu Hamatu yẹe ndu Apadu bẹ e kpuakwarụ iphu lẹ ntụ; noo kẹle ẹphe nụmawaru ẹjo nzi. Meji tọfuwaru phẹ. Ọkpoma aphụwaa phẹ gbudugbudu g'eze-ẹnyimu, a swọngaru aswọnga.

Ndu-ishi-ozi 7:5

Ọphu ọ dụdu alị ono ọphu Chileke nụru iya g'o nworu teke ono; mbụkpoo mẹ ntọkpa lanụ. Obenu lẹ Chileke pfuru iya sụ lẹ ya a-nụ iya ya g'ọ bụru nkiya mẹ k'ụnwu nwanwanwaranwa iya. Teke Chileke pfuru Ébirihamu iphe ono bẹ Ébirihamu teke anwụtakwa nwa.

Rutu 2:6

Onye-ishi ndu akpata iphe l'ẹgu ono sụ iya: “Ọ kwa nwamgbọko, shi Mówabu, tso Nawomi lwa.

1 Sámẹlu 1:11

O ribua nte sụ: “Gụbe Chipfu, bụ Ọkalibe-katọta-ike; ọ -bụru l'ii-le ẹnya l'aphụ, byaru mụbe nwozi ngu; mbụ nyata mu; ọphu ị tị zọhaduru mụbe nwozi ngu; i -mewaa mu nwụta nwa nwoke bẹ mu e-woẹkwaru iya phọ nụ gụbe Chipfu g'ọ bụru nkengu jasụ g'ọo-nọ-bekpọru ndzụ. Ọphu rịzo abyadụ erwu iya l'ishi.”