Mbụlembu 15:14 - BAYỊBURU Izii

¹⁴ E -mechaa ẹphe evuru ẹku, ha shii lwa. Ọle ọha ono, ẹphe shi ejeru ozi ono bẹ mu a-nụkwanu aphụ.

Mbụlembu 15:14 ပူးပေါင်းရင်းမြစ်များ

Mbụlembu 48:21

Ízurẹlu sụ Jiósẹfu: “Mu abyaakwaa anwụhu; ọle Chileke bẹ a-nọ-kubekwa unu duphu unu azụ l'alị nna unu.

Mbụlembu 50:24

Noo ya; Jiósẹfu sụ ụnwunna iya: “Mu abyaakwaa anwụhu. Ọle mu maru lẹ Chileke e-mecha bya eyeru unu ẹka dufuta unu l'alị-a; duta unu laphu azụ l'alị, Chileke kweru Ébirihamu; waa Áyizaku; waa Jiékọpu ukwe iya ono; bya eria nte yeru phẹ iya ono.”

Ebvu-ọma 105:42

noo kẹle ọ nyatarụ ukwe-iphe, dụ nsọ, o kweru nụ onye-ozi iya, bụ Ébirihamu.

Ebvu-ọma 135:14

kẹle Chipfu a-harụ ndibe iya enge; shi nno dụa ndu ejeru iya ozi obu.

Ebvu-ọma 135:9

Iphe-ọhumalenya iya; waa iphe, dụ biribiri bẹ o mekọtaru unubẹ ndu Ijiputu. Ono bụru iphe, o gude hụa Fero yẹe ndu-ozi iya ahụ̀hù.

Ebvu-ọma 51:4

Ọo gụbedua gẹdegede bẹ mu mesweru; mbụ l'ọo gụbedua bẹ mu meru iphe-ẹji. Iswi dụ ngu mma l'ikpe, i kperu mu; ọphu ụta adụdu ngu iya l'ikpe, ị nmarụ mu.

Awụfu 12:29

O -rwua l'echi-abalị; Chipfu bya egbushia ọkpara ndu Ijiputu l'ophu; a -gbẹ l'ọkpara Fero, bụ onye nọ l'aba-eze; jasụ l'ọkpara onye mkpọro, a tụ-chiru l'ọka-mkpọro; wakwaphọ nwa ivuzọ iphe-edobe.

Awụfu 3:10

Ọo ya bụ; lẹ nta-a bẹ mu ezi ngu g'i jepfu Fero je edufuta ndibe mu, bụ ndu Ízurẹlu l'alị Ijiputu!”

Ndu-ishi-ozi 7:7

Obenu lẹ ndu ono, ẹphe a-bụru ohu phẹ ono bẹ mu a-nmakwanu ikpe; e -mechaa ẹphe afụta l'alị ono bya abaaharụ mu ẹja l'ẹka-a.

Ditoronomi 4:20

Obenu l'unubẹdua bẹ Chipfu lọfutaru l'ọ-ta-pfụpfupfu ọku, ekeje mkpụrukpu-ígwè; mbụ l'o dufutaru unu l'alị Ijiputu g'unu bụru iya ndu o ketarụ l'oke; g'unu bụnu iya-a ntanụ-a.

Ditoronomi 6:22

Tẹme unu gude ẹnya unu hụma iphe-ọhumalenya; waa oke iphe, daru kpaakpaa, Chipfu meru kpua alị Ijiputu; yẹe Fero; waa ndu alị iya l'ophu.

Jioshuwa 24:17

Ọo Chipfu, bụ Chileke l'onwiya bẹ dufutaru anyi; waa nna anyi oche phẹ l'alị ndu Ijiputu; ẹka anyi shi bụru ohu. Ọ bya emeshigbaa iphe, dụ biribiri anyi hụma. Ọ bụru yẹbedua bụ onye gbochiteru anyi l'ẹka ọhamoha, anyi ghakọtaru teke anyi nọ l'ije ono.

1 Sámẹlu 12:8

Teke Jiékọpu lachaaru l'alị Ijiputu; nna unu phẹ bya araku Chipfu g'ọ gbaaru phẹ mkpu; bẹ Chipfu yeru Mósisu yẹe Erọnu, bụ ndu dufutaru nna unu phẹ l'alị Ijiputu; bya emee ẹphe buru l'ẹka-a.