Mbụlembu 15:1 - BAYỊBURU Izii

¹ E mechaa; Ebiramu nụma Opfu Chipfu l'ọphulenya. Ọ sụ iya: “Gẹ ndzụ ba agụshi ngu Ebiramu. Ọo mbẹdua bụ onye egbobutaje ngu nụ; bya abụru obunggo ngu, parụ ẹka.”

Mbụlembu 15:1 ပူးပေါင်းရင်းမြစ်များ

Mbụlembu 15:2

Ebiramu sụ: “Gụbe Nnajịuphu, bụ Chipfu; ?bụ gụnu ọzo bẹ ịi-nụ mu gẹ mu ta nwụtaduru nwa-a; tẹme onye e-mecha nwekọtaru ẹku mu bụru Eliyéza-a, bụ onye Damasụkosu-a?”

Mbụlembu 15:4

Tọbudu iya bụ; Chipfu sụ iya: “Onye ono ta abụkwa iya e-ri iphe ngu. Ọ kwa nwa nwoke ọphu shi ngu l'ẹhu e-ri iphe ngu ọbu.”

Mbụlembu 21:17

Chileke nụma olu nwata ono l'ẹka ọora ẹkwa. Ojozi Chileke shi l'imigwe kua Hega; bya asụ iya: “?Bụ gụnu Hega? Gẹ ndzụ ba agụshi ngu; noo lẹ Chileke nụmaru olu nwata ono lẹ g'ọ zẹ l'ẹka ono ara ẹkwa.

Mbụlembu 22:1

E mechaa Chileke bya ahụa Ébirihamu ama. O kua ya sụ: “Ébirihamu!” Ọ za iya ẹnu.

Mbụlembu 22:20

E mechaa; a bya epfuaru Ébirihamu sụ iya: “Milika nwụshikwaru nwune ngu, bụ Nahọ ụnwegirima unwoke.

Mbụlembu 26:24

O -rwua l'ẹnyashi ono; Chipfu byapfuta iya bya asụ iya: “Ọ kwa mbẹdua bụ Chileke kẹ nna ngu, bụ Ébirihamu. Gẹ ndzụ ta agụshi ngu; kẹle mu nọ-kube ngu. Mu e-gude iswi ẹhu onye-ozi mu, bụ Ébirihamu kebe ngu l'ọma; mee g'awa ngu ka l'ọtu.”

Mbụlembu 31:7

Obenu lẹ nna unu riru mu urwu; gbanwee aswa ozi mu ugbo iri. Ọle Chileke te ekwekwanụ g'o meka mu iphe.

2 Sámẹlu 22:3

Ọo Chileke mu bụ agbara-mkpuma, mu agbabajẹ je edomia onwomu. Ọo ya egbobutaje mu g'ọ tọ dụ iphe, e-me mu nụ. Ọ bụru iya bụ onye eegudeje ọkpehu iya dzọo mu. Ọo l'ime iya bẹ mu agbabajẹ je anọdu zeeru ndzụ. Tẹme ọ bụru iya bụ onye ndzọta mu; ọo yẹbedua adzọje mu l'ẹka ndu eme mu mkpawere.

2 Ndu eze 1:15

Tọbudu iya bụ; ojozi Chipfu sụ Elayịjia: “Tsoru iya nyize. Ba atsụshi iya ebvu!” Ọo ya bụ; Elayịjia gbalihu tsoru iya nyizeta; ẹphe jepfu eze.

1 Iphe, ndu eze meru 28:20

Dévidi bya epfukwarụpho nwa iya Sólomọnu sụ: “Shihukpọepho ike; gude ẹka l'obu jee ozi ono. Ta atsụkwa ebvu; ọphu meji atọfukwa ngu; noo kẹle Chipfu, bụ Chileke; mbụ Chileke kẹ mbẹdua bẹ swiru ngu eswiru. Ọ tọ byadu agbakụta ngu azụ; ọphu ọ byadu aha ngu jasụ teke ozi, dụkota l'ụlo Chipfu ono a-bvụkota.

Ebvu-ọma 115:10

Unubẹ ndibe Erọnu; unu dakobe Chipfu; kẹle ọo ya eyejeru unu ẹka bya abụru iya egbobutaje unu.

Ebvu-ọma 119:114

Ọo ngu bụ ẹka mu edomije onwomu; bya abụru onye mu nọ l'ẹka iya ezeru ndzụ. Ẹka mu chịru ụpfu yee bụ l'opfu ngu.

Ebvu-ọma 142:5

Ọ bụru gụbe Chipfu bẹ mu chikuru lẹ mkpu. Mu sụru-a: “Ọo l'ime ngu bẹ mu anọduje ezeru ndzụ; tẹme ọ bụru ngu bụ okiphe nkemu l'alị ndu nọ ndzụ.”

Ebvu-ọma 18:2

Ọo Chipfu bụ agbara-mkpuma nkemu; bya abụru ụlo-ezeru-ndzụ mu; bụru onye agbafụtaje mu nụ. Ọo Chileke mu bụ agbara-mkpuma, mu agbabajẹ je edomia onwomu. Ọo ya egbobutaje mu g'ọ tọ dụ iphe, e-me mu nụ. Ọ bụru iya bụ onye egudeje ọkpehu iya dzọo mu. Ọo l'ime iya bẹ mu agbabajẹ je anọdu zeeru ndzụ.

Ebvu-ọma 27:1

Ọo Chipfu bụ ìphóró, dụru mu nụ bya abụru onye adzọje mu nụ. ?Bụ onye bẹ mu atsụkwanu ebvu ọzo? Ọo Chipfu bụ ụlo-ezeru-ndzụ mu. ?Bụ onye bẹ ndzụ iya a-nọdu agụbaa mu ọzo?

Ebvu-ọma 3:3

Ọlobu Chipfu; ọ kwa ngu bụ onye egbobutajẹ mu nụ. Ọo ngu bụ onye emeje; l'aakwabẹ mu ùbvù; bya abụru ngu anọduje ekutse mu.

Ebvu-ọma 3:4

Mu woliru olu mu raku Chipfu. Ọ gbẹ l'úbvú ono, o doberu nsọ ono zaa mu ẹnu.

Ebvu-ọma 5:12

Noo kẹle ọo gụbe Chipfu agọjeru ọnu-ọma nụ ndu pfụberekoto. Iigudeje l'ọo l'ẹphe dụ ngu l'obu gbobuta phẹ.

Ebvu-ọma 58:11

Ọo ya bụ; ndiphe epfuahaa sụ: “Ndu pfụberekoto bẹ obunggo dụkwaru eviya; mbụ l'ọ kwa ire-lanụ l'o nweru Chileke, ekpeje eliphe-a ikpe!”

Ebvu-ọma 84:11

Kẹle Chipfu, bụ Chileke dụ g'ẹnyanwu; bya abụru onye egbobutaje anyi. Chipfu emejeru ndiphe eze-iphe-ọma; bya emeje g'a kwabẹ nemadzụ ùbvù. Ọ tọ dụdu iphe, dụ ree, o kejeru ẹka mbvu l'ọ tọo nụdu iya ndu ụta adụdu lẹ ndzụ phẹ.

Ebvu-ọma 84:9

Lenaa ẹnya hụma onye ono, egbobutaje anyi ono gụbe Chileke! Lenaa onye ono ẹnya; mbụ onye ono, ị wụru manụ l'ishi; gude mee ya; ọ bụru eze ono! Meeru iya eze-iphe-ọma!

Ebvu-ọma 91:4

Ọo ǹkù iya bẹ oo-gude kpuchia ngu. Ọ bụru lẹ mkpula ǹkù iya bẹ ịi-gbaba je edomia onwongu. Ọ bụru ike, ọopfushije l'iphe, o pfuru a-bụru iphe, e-gbobutajẹ ngu nụ; bya abụru iphe, i gude ezeru onwongu.

Awụfu 14:13

Mósisu sụ phẹ: “Gẹ ndzụ ba agụshi unu! Unu pfụru pfụshia ike; g'unu ahụma iphe, Chipfu e-me gude dzọta unu ntanụ-a. Ndu Ijiputu ono, unu ele ẹnya ntanụ-a bẹ unu ta ahụmabaekwa ọzo.

Ẹkwo Ẹtu 11:18

Iphe, ndu ẹjo-iphe setarụ l'akanya a-bụru phẹ iphe-mmanụ. Obenu l'onye akụ apfụbekoto gẹ mebyi-iphe, aakụ l'alị bẹ l'a-wọta ọkpobe iphe, ọ kụru.

Ẹkwo Ẹtu 30:5

Opfu Chileke l'ophu l'ophu dokwaru rịsaa. Tẹme ọ bụru onye egbobutaje iphe, bụkpoo ndu gbabarụ l'ime iya je anọdu eze ndzụ.

Azáya 35:4

Unu pfuaru ndu nweru obu ndzụ-agụgu sụ phẹ-a: “Unu shihu obu ike; gẹ ndzụ ba agụshi unu. Lẹ Chileke unu a-bya; bya emelata nemadzụ iphe, o meru onye ọzo. Ọo-bya; bya adzọo unubẹdua ndzụ.”

Azáya 40:10

Lekwa! Nnajịuphu, bụ Chipfu gudekwa ike-ọkpu abya. Ọ bụru ọkpehu iya bẹ oo-gude bụru eze. Lekwa! O gudekwa obunggo eje abya; bya egudekwaphọ ụgwo ọo-pfụ.

Azáya 41:10

Ọo ya bụ; ba atsụkwa ebvu; kẹle mu nọkwa swiru ngu. Gẹ meji ba tọfukwa ngu; kẹle ọ kwa mu bụ Chileke ngu. Mu e-me g'ike dụ ngu; mu e-yeru ngu ẹka. Mu e-gude ẹkutara mu ono, bụ ẹka mu egudeje mee iphe, pfụru ọto ono gudeshia ngu.

Azáya 41:14

“Ba atsụkwa ebvu; gụbe nworishi ono, bụ Jiékọpu; mbụ gụbe nwata-une, bụ Ízurẹlu; kẹle ọo mbẹdua l'onwomu e-yeru ngu ẹka.” Noo iphe, Chipfu epfu; mbụ onye ono, gbafụtaru ngu nụ ono; bya abụru Onye nsọ kẹ ndu Ízurẹlu.

Azáya 43:1

O be lẹ nta; wakwa iphe, Chipfu epfu; mbụ onye ono, bụ iya meru gụbe Jiékọpu; onye bụ iya kpụru gụbe Ízurẹlu pfụbe. Ọ sụru-a: B'atsụshi ebvu; kẹle mu gbafụtawaru ngu. Mu kuru ngu oku; kukpọo ngu ẹpha ngu; mbụ l'ị bụ nkemu.

Azáya 43:5

Gẹ ndzụ ba agụkwa ngu; kẹle mu nọkwa swiru ngu eswiru. Mu e-shi l'ụzo ẹnyanwu-awawa chịlataru ngu ụnwu ngu; bya ejekwaphọ l'ụzo ẹnyanwu-arịba je achịlatachaa ndibe ngu.

Azáya 44:2

Wakwa iphe, Chipfu epfu baa; mbụ onye ono, meru ngu nụ ono; onye bụ iya doziru ngu teke ị nọ l'ẹpho. Tẹme ọ bụru iya bụ onye e-yeru ngu ẹka: Ta atsụkwa ebvu; gụbe Jiékọpu, bụ onye-ozi mu; mbụ gụbe Jieshurunu, bụ onye mu gude ẹka mu họta.

Azáya 44:8

G'ẹhu ba nmakwa unu anmanma; mbụ gẹ ndzụ ba agụkwa unu! ?Mu te epfuhaadaru iya unu eshi lẹ mbụ; mbụ pfua ya raa ya arara? Mbụ-a; ọ kwa unu bụ ndu ekebe mu. ?Ọ dụru Chileke ọzo, dụ nụ, abụdu mbẹdua? Waawakwa! Agbara mkpuma ọzo ta adụhekwa. Ọ tọ dụekwa onye ọzo, mu maru.

Azáya 51:12

“Ọ kwa mbẹdua; mbụ mbẹdua gẹdegede bụ onye eyeru unu ọkpukpu-ike. ?Bụ ole bẹ bụ kẹ g'unu nọdu atsụ nemadzụ mmanụ ebvu; mbụ nwa ndiphe, bụ iphe yẹe ya gba nanụ bụ ẹswa;

Jieremaya 39:17

Ọle mu a-nafụta ngu m'o -rwua mbọku ono. Nokwa iphe, Chipfu eepfu. A taa kpụduru ngu anụ ndu ịitsu ebvu.

Ebvu Aphụ 3:24

Iphe, mu epfuje l'obu mu bụ l'ọo Chipfu bụ okiphe, mu ketarụ. Ọo ya meru g'o gude mu je l'anọdu kwabẹru iya.

Ezekẹlu 1:1

Tọbudu iya bụ; o be l'apha k'ụkporo l'iri lẹ g'ọnwa ẹno dụ l'abalị ise; gẹ mu lẹ ndu a kpụru lẹ ndzụ tụkoru nọdu l'agụga ẹnyimu Keba; a gụhaa imigwe ghebe ọnu; mu phụa ọphulenya, shi l'ẹka Chileke.

Ezekẹlu 11:24

Mu nọdu aphụ ọphulenya, Unme Chileke goshiru mu; Unme ono palia mu je edobe l'ẹka ndu ono, a kpụru lẹ ndzụ ono nọ lẹ Bábilọnu. Ọo ya bụ; mu phụ-buhu ọphulenya ono, mu shi aphụ ono.

Ezekẹlu 3:4

Ọ bya asụ mu: “Nwa ndiphe; tụgbua nta-a jepfu ndu Ízurẹlu je epfuaru phẹ iphe, mu pfuru.

Ọ́gú 12:6

Chipfu sụ phẹ: “Unu ngabẹ nchị nụma iphe, mu epfuru unu: Ọobujeru; onye mpfuchiru Chipfu -nọdu l'echilabọ unu; mụbe Chipfu egoshi iya onwomu l'ọphulenya; bya epfuru yeru iya lẹ nrwọ.

Ọ́gú 18:20

Chipfu bya asụ Erọnu: “Gẹ ndu Ízurẹlu te emejekwa alị gbaa unu; ọphu ẹphe ahẹjekwa unu okiphe. Ọ kwa mbẹdua bụ okiphe, unu hatarụ. Ọo mu bụ okiphe, unu ketarụ l'ẹka ndu Ízurẹlu.”

Ọ́gú 24:4

Opfu, onye anụmaje opfu, shi l'ọnu Chileke epfu; mbụ onye ono, ahụmaje iphe, Ọkalibe-kangokọtaru-nụ egoshi; daa kpurumu kpupyabẹ iphu; onye ono, e meru; ẹnya dụ sarịmu ono.

Matiyu 28:5

Ojozi-imigwe ono sụ ụnwanyi ono: “Unubẹdua; unu ta atsụkwa ebvu; kẹle mu maru l'onye unu achọ bụ Jizọsu; onye a kpọpyaberu l'oswebe.

Matiyu 8:26

Ọ sụ phẹ: “?Dẹnu g'o gude ndzụ nọdu agụ unu. Unubẹ ndu ono ekwekwe, unu kweru abadu ishi ono.” Ọ gbẹshi bya abaarụ phẹrephere ono yẹe eze-ẹnyimu ono mba. Ọ bụru nyọnyoronyo.

Luku 1:13

Ojozi ono sụ iya: “Gẹ ndzụ ba agụshi ngu Zakaráya; kẹle opfu, i pfuru nụ Chileke tụbawaru iya lẹ nchị. Nta-a bẹ Elízabetu, bụ nyee ngu l'a-nwụtaru ngu nwa-nwoke. Iphe, ịi-gụ iya bụ Jiọnu.

Luku 1:30

Ojozi-imigwe ono sụ iya: “Gẹ ndzụ ba agụshi ngu Meri; lẹ Chileke mewaru ngu eze-iphe-ọma.

Luku 12:32

“Unu ta atsụshi ebvu; unubẹ ụnwu ndọkobe atụru, adụdu igwe-a; l'ọ dụkwa Nna unu ree ọkpobe adụdu eme g'unu bụkwarupho eze l'ẹka ọ bụ eze.

Ndu-ishi-ozi 10:22

Ẹphe sụ iya: “Ọ kwa Kọnelusu, bụ onye-ishi ndu ojọgu ndu Romu bẹ ziru anyi g'anyi bya. Ọ bụ onye obu ọma; tẹme ọ bụru onye Chileke dụru lẹ nsọ. Ọ bụ onye ndu Jiu eyeru nsọ shingushingu. Ojozi-imigwe sụru iya g'o zia g'ị bya l'ụlo iya g'ọo-nụma iphe, ii-pfu.”

1 Kọrentu 3:22

mẹ Pọlu-o; mẹ Apọlosu-o; mẹkpoo Pyịta-o; mgboko l'ophu; mẹ ndzụ mẹ ọnwu. Iphe nta-a mẹ iphe e-me l'iphu; iphemiphe ono tụkoru bụkotaru iphe unu.

Ditoronomi 18:2

Ẹphe te enwedu okiphe g'ụnwunna phẹ; ọo Chipfu bụ okiphe nkephẹ, bụ iya bụ iphe, o kweru phẹ ukwe iya.

Ditoronomi 31:6

G'ọkpehu dụkwa unu; unu eshihu obu ike. Gẹ ndzụ ba agụkwa unu; ọphu unu atsụkwa phẹ ebvu. Noo kẹle ọo Chipfu, bụ Chileke unu l'onwiya bụ onye du unu eje. Ọ tọ byadu aha unu; ọphu o leswedu unu ẹnya.”

Hiburu 1:1

Lẹ teke k'azụ bẹ Chileke shi l'ọnu ndu mpfuchiru iya pfuru nụ ndiche anyi phẹ ugbo olemole l'ụzo, dụgbaa iche iche.

Ọphulenya 1:17

Mu hụma iya bya adaa ya kpurumu lẹ mgboru ọkpa; dabyiẹrupho g'onye nwụhuru anwụhu. Ọ bya ebyibe mu ẹkutara iya bya asụ mu: “Ndzụ b'agụshi ngu. Ọo mbẹdua bụ Onye Ivuzọ bya abụru Onye Ikpazụ.

Rutu 2:12

Gẹ Chipfu pfụkwaa ngu ụgwo iphe, i meru ono. Gẹ Chipfu, bụ Chileke kẹ ndu Ízurẹlu, bụ iya bụ onye ono, ị gbabataru l'ime iya bya ezeru ndzụ ono; pfụkwaa ngu ụgwo iya mpfụ-ngo lẹ k'ọma.”

1 Sámẹlu 15:10

Tọbudu iya bụ; Chipfu bya epfuaru Sámẹlu sụ iya:

1 Sámẹlu 9:9

Teke mbụ l'alị Ízurẹlu bẹ shi abụjeru -nemadzụ nọdu eje ajịta Chileke iphe; l'ọo-sụ: “Unu bya g'anyi jepfu onye aphụ ọphulenya.” Noo kẹle ndu ono, eekuje ndu mpfuchiru Chileke nta-a ono bẹ e shi ekuje ndu aphụ ọphulenya lẹ teke ono.