Mbụlembu 14:22 - BAYỊBURU Izii

²² Ebiramu sụ eze ndu Sọdomu: “Mu paliakwaru ẹka riaru Chipfu angụ; mbụ Chileke ọphu bụ Ọkalibe-kakọta-shii; onye meru igwe bya emee eliphe;

Mbụlembu 14:22 ပူးပေါင်းရင်းမြစ်များ

Mbụlembu 14:21

Eze Sọdomu sụkwanu Ebiramu g'ọ haarụ yẹbedua ndu ọphu bụ nemadzụ; gwetawarọ ọphu bụ ivu nworu.

Mbụlembu 17:1

Ebiramu nọepho ụkporo apha ẹno l'apha iri lẹ tete; Chipfu byapfuta iya bya asụ: “Ọ kwa mbẹdua bụ Chileke, bụ Ọkwoolemkpa. Nọdunu mu ntse g'ụta ta adụ lẹ ndzụ ngu.

Mbụlembu 21:33

Ébirihamu bya eworu oshi tamarisuku dzaa lẹ Biye-Sheba; bya anọdu l'ẹka ono kpọ-ku Chiojejoje, bụ Chipfu.

Mbụlembu 24:3

Gude ẹpha Chipfu, bụ Chileke ọphu bu l'imigwe; bya eburu l'eliphe; ria nte l'ị tịi lụtaduru nwa mu Áyizaku nwanyị, shi l'ibe ndu Kénanu, anyi l'ẹphe bu l'ẹka-a.

2 Sámẹlu 2:5

Dévidi bya ezia ndu oozije ozi g'ẹphe je ezia unwoke mkpụkpu Jiabẹshi-Giladu sụ phẹ: “Gẹ Chipfu gọru ọnu-ọma nụ unu k'ùbvù ono, unu kwabẹru Sọlu, bụ nnajịuphu unu; woru iya lia ono.

2 Ndu eze 5:16

Elayịsha sụ: “Eshinu Chipfu nọ ndzụ g'ọ nọ iya-a; mbụ onye ono, mu ejeru ozi; bẹ ọ bụ ire-lanụ l'ọ tọ dụdu iphe, mu anata.” Nemanu rwọkota iya nta rwọo imo g'ọ nata iya; ọ jịka.

1 Iphe, ndu eze meru 29:11

Gụbe Chipfu bẹ parụ ẹka apaa; tẹme ike; mẹ ùbvù; mẹ ọdu-biribiri bụkotaru nkengu. Iphemiphe, nọ l'igwe; mẹ ọphu nọ l'eliphe bẹ bụkota nkengu. Ọo ngu bụ eze; gụbe Chipfu; ọ bụru ngu bụ ishi iphemiphe.

Ebvu-ọma 144:11

Jiko dzọnaa mu! Nafụtanu mu l'ẹka ndu ọhozo; mbụ ndu bụ iphe, ejije phẹ ọnu pyịmu bụ adzụ ụka; tẹme ẹkutara phẹ bụru iphe, ẹphe egudeje iya eme bụ ụghoshi.

Ebvu-ọma 144:8

Ndu bụ iphe, jiru phẹ ọnu pyịmu bụ adzụ ụka; tẹme ẹkutara phẹ bụru iphe, ẹphe egudeje iya eme bụ ụghoshi.

Ebvu-ọma 24:1

Mgboko; yẹe iphemiphe, nọ iya nụ bụkota kẹ Chipfu; mbụ eliphe-a l'ophu; mẹkpoo ndu bu iya nụ;

Ebvu-ọma 83:18

G'ẹphe eshi nno maru l'ọo gụbe onye ono, ẹpha ngu bụ Chipfu ono bụ Ọkalibe-kakọta-shii lẹ mgboko mgburugburu.

Awụfu 6:8

Mu e-duta unu je l'alị ono, mu paliru ẹka mu imeli ria nte lẹ mu a-nụ Ébirihamu; waa Áyizaku; waa Jiékọpu ono. Mu a-nụ iya unu g'ọ bụru okiphe unu. Ọo mbẹdua bụ Chipfu.”

Azáya 57:15

Kẹle-a; wakwa iphe, onye ono epfu; mbụ onye ono, ha shii; tẹme e kutsee ya ephekerephe; mbụ onye ono, nọ ndzụ ojejoje; onye ẹpha iya dụ nsọ: “Ẹka mu bu bụkwa ẹka dụ l'eli bya abụru ẹka dụ nsọ. Tẹme mu bukwarụpho l'ẹka o bu; mbụ onye izimanụ iphe-ẹji iya lwarụ azụ; bya ewoze onwiya alị; gẹ mu mee g'obu gụ-zeta onye wozeru onwiya alị; mu emekwaphọ g'obu gụ-zeta onye izimanụ iphe-ẹji iya lwarụ azụ.

Danẹlu 12:7

Nwoke ono, yeru uwe ọchaa ono, nọ-ngokọtaru mini, nọ lẹ nggele ono bya apalia ẹkutara iya; yẹe ẹkicha iya ephekerephe. Mu nụma g'o rifuru angụ, o gude onye ono, a-nọ ojejoje ono ria sụ: “Ọo-bụru ugbo lanụ; yẹe ugbo labọ; waa mkpirikpu iya. Ọ bụru teke ono, e mechaẹrupho; ọphu ọ dụkpoedu ike, dụ ililekpọo; noo teke ee-meghe iphemiphe ono.”

Danẹlu 4:34

“A nọchaepho apha ẹsaa onoya; mụbe Nebukadineza nọdu l'ẹgbudu ẹka ono palia ẹnya imeli; egomunggo lwaahaa mu l'ọ̀rù iya. Mu tuahaa Ọkalibe-kangokọtaru-nụ ẹpha; jaahaa ya ajaja; kwabẹahaa ya ùbvù; mbụ onye ono, nọ ndzụ ojejoje onoya. “Ishi, ọ bụ bẹ ọo-bụru jasụ l'ojejoje. O je abụru eze; e -shi l'ọgbo sweru ọgbo.

Hagayi 2:8

Mkpọla-ọchaa bụ nkemu; mkpọla-ododo bụru nkemu. Ọ kwa Chipfu, bụ Ọkalibe-Kakọta-Ike eepfu.

Ditoronomi 10:14

Unu lewarọ ẹnya; eligwe; yẹe imigwe, nọghataru eligwe bụkwa Chipfu, bụ Chileke unu nwe iya. Eliphe bụkwarupho nkiya; mẹkpoo iphemiphe, nọ iya nụ.

Ditoronomi 32:40

Mu paliru ẹka mu mabẹ l'imigwe ria angụ sụ: Ọo gẹ mu bụ onye a-nọ ndzụ jasụ l'ojejoje-a bụ gẹ mu epfu sụ:

Ikpe 11:35

Jiẹfuta hụmae ya phọ; o woru uwe iya lajashịa; bya arashịa: “Oowa-e! Nwada mu-e! I mewaru aphụ tsọru mu; mbụ mu bya abụru onye gba ẹka nwa; kẹle ukwe-iphe, mu kweru Chipfu bẹ mu ta adụkwa ike gẹ mu te emeru iya ya.”