Mbụlembu 13:10 - BAYỊBURU Izii

¹⁰ Lọtu palia ẹnya imeli bya ahụma lẹ nsụda ẹnyimu Jiọ́danu, nọru kpaa lẹ mkpụkpu Zowa bẹ nggele dụ shii; ọ dụepho gẹ mgbabu Chipfu ono; ọzoo gẹ alị Ijiputu. Teke ono bẹ Chipfu teke emebyidu Sọdomu yẹe Gọmóra.

Mbụlembu 13:10 ပူးပေါင်းရင်းမြစ်များ

Mbụlembu 11:27

Waa oshilọkpa Tera. Tera bụ nna Ebiramu; waa Nahọ; waa Haranu. Haranu bụru nna Lọtu.

Mbụlembu 13:11

Tọbudu iya bụ; Lọtu gude ẹka iya hata nsụda ẹnyimu Jiọ́danu l'ophu; bya egweta lashịa ụzo ẹnyanwu-awawa. Ọ bụru iya bụ l'ụmadzu labọ ono ekekaha;

Mbụlembu 13:9

Ị tụkoerupho alị ọbu l'ophu hụma-gbua. G'anyi ta akwọpfuheru l'ẹka lanụ. Hatakpọepho ẹkiya ọphu ịi-la je eburu. Ị -nọdu ala l'ẹka-ịcha; mbẹdua ala l'ẹka-ụtara; teke ịila l'ẹka-ụtara; mbẹdua ala l'ẹka-ịcha.”

Mbụlembu 14:2

Ọ bụru Bira, bụ eze ndu Sọdomu; mẹ Birisha, bụ eze ndu Gọmóra; mẹ Shayinabu, bụ eze ndu Adama; mẹ Shimiba, bụ eze ndu Zebowimu; waa eze Bela, bụ iya bụ Zowa bẹ ẹphe jeru etso ọgu ọbu.

Mbụlembu 14:8

Tọbudu iya bụ; eze ndu Sọdomu; mẹ eze ndu Gọmóra; mẹ eze ndu Adama; mẹ eze ndu Zebowimu; wafụa eze Bela, bụ iya bụ Zowa; wụfuta bya eje akwakaa k'ọgu lẹ nsụda Sidimu;

Mbụlembu 3:6

Nwanyị ono bya elee ẹnya l'akpụru oshi ono; bya ahụma l'ọ dụ ree k'eriri; bya amakwaphọ mma ele ẹnya; tẹme ọ nọdu agụkwa iya phọ ẹgu g'o ria akpụru oshi ono maru iphe. Ọ wọta iya ria bya anụkwapho ji iya, ẹphe l'iya tụko nọdu l'ẹka ono; o rikwaphọ.

Mbụlembu 47:6

Tẹme alị Ijiputu bụwaru ngu bẹ ọ nọ l'ẹka. Hata ẹka kachaa ree l'alị-a woru nụ nna ngu; yẹe ụnwunna ngu g'ẹphe buru. Mbụ-a; woru alị Goshẹnu nụ phẹ g'ẹphe buru. Ọ -bụru l'ị maru ndu ọphu ejeshi ozi ike l'echilabọ phẹ l'iimee phẹ ndu a-nọduje echeru mu iphe-edobe nkemu.”

Mbụlembu 6:2

Ụnwu Chileke hụma ụnwada nemadzụ l'ẹphe ama mma; bya atụgbua je alụgbaa phẹ.

1 Ndu eze 7:46

Eze bẹ ziru g'a dazee onyirubvu ono gude kpụshia iphe ono lẹ phorokoto alị Jiọ́danu; mbụ alị ụrwa, dụ lẹ mgbaka Sukọtu waa Zaretanu.

Jiobu 40:23

Mini -nọdu atụ kpereree; o too yedu iya ebvu. Ọphu ọ dụdu iphe, eme iya nụ m'obetakpọo ẹnyimu Jiọ́danu gbaa utso sụbe iya l'ọnu.

Ebvu-ọma 107:34

O meru alị, bụ ọsu; ọ bụru jakpọro jakpọro alị únú; kẹle ndu shi buru l'ẹka ono menụkaru ẹjo-iphe.

Azáya 15:5

Ụzu ẹkwa atụ mu l'obu l'iswi ẹhu Mówabu; kẹle ụnwu iya, eje phururugbada agba ọso agbarwuchaa mkpụkpu Zowa; ndu agbarwua mkpụkpu Ẹgulatu-Shelishiya. O nwechaaru ndu ọphu jerwuchaaru mkpụkpu Luhiti. Ẹphe -nọdu eje; ẹphe akwa ntụmatu. Teke ẹphe tsoru ụzo ala mkpụkpu Horonayimu bẹ ẹphe nọ l'ụzo raa ẹkwa ọla-l'iswi phẹ ono.

Azáya 51:3

Chipfu te nwedu iphe, e-me g'ọ tọ dụ Zayọnu obu; bya egude obu-imemini lee ẹnya l'iswi, yiru iya nụ. Alị iya ono, shi bụwaru echiẹgu ono bẹ oo-me g'ọ dụ gẹ Édẹnu. Alị iya ono, dabyiru iphoro ono adụ gẹ mgbabu Chipfu onoya. Noo teke ẹhu a-wata iya atsọtso; l'ọowata ete ẹswa; l'o keleahaa ekele; gụahaa ebvu.

Jieremaya 48:34

Mkpu, ẹphe echi ngakọtaakwaru. E shi lẹ Hẹshibonu chikọta mkpu ọbu; je akpaa lẹ Eleyale; mẹkpoo lẹ Jiahazu. E shi lẹ Zowa chia ya jasụ lẹ Horonayimu; waa Ẹgulatu-Shelishiya; noo kẹle mini tashihụchaaru je akpaa lẹ kẹ Nimurimu.

Ezekẹlu 16:46

“ ‘Nwune ngu nwanyị k'ọgerenya, bụ Samériya yẹe ụnwegirima iya bẹ tụkoru buru l'ụzo isheli ẹka iya ọphu i bu. Nwune ngu nwanyị kẹ nwata, bụ Sọdomu yẹe ụnwegirima iya tụko buru lẹ ndọhali ẹka iya ọphu i bukwaphọ.

Ezekẹlu 16:49

Waa ẹjo-iphe, nwune ngu ono, bụ Sọdomu meru baa: Yẹbedua yẹe ụnwada iya shi bụru ndu etsenụka etsetse; bụru ndu nweru nri k'etsutsu; obenu l'ẹphe te eshidu akpa ndu ọzo ishi; mbụ l'ẹphe te eshidu eyejeru ndu ụkpa mẹ ndu adụdu g'ọ dụ phẹ ẹka.

Ezekẹlu 28:13

I shi buru lẹ Édẹnu; mbụ lẹ mgbabu Chileke. Iphe, bụ mkpuma, vugbaa oke aswa bẹ meru ngu; ị nọdu ama mma. Mkpuma ono bẹ bụ rubi; mẹ tópàzù; mẹ emeralụdu; mẹ kìrísòlàyìtù; mẹ ónìkùsù; mẹ jiásùpà; mẹ sáfàyà; mẹ tọ̀kwásù; mẹ berilu. Iphe, e doru mkpuma ono kẹ jọo; bya egude kpapyabẹ iya o shihu ike bụ iphe, e meru lẹ mkpọla-ododo. Iphe ono bẹ e meru doberu ngu lẹ mbọku e keru ngu; ị fụta mgboko.

Ezekẹlu 31:8

O to nwedu oshi sida, nọgbaa lẹ mgbabu Chileke dụru ọphu atụru iya nụ. Ọphu oshi payịnu atụduru ẹkali iya. Mbụ ọphu oshi mmanụ ta ajakashị-beduru g'ẹkali iya jakashịru. Ọphu ọ tọ dụdu oshi, nọgbaa lẹ mgbabu Chileke dụru ọphu mapfuru iya lẹ mma.

Ezekẹlu 31:9

Ọo mbẹdua meru iya; ọ nọdu ama mma; jakashịa ẹkali igwerigwe ẹgube ono; Mbụ k'ọphu bụ l'iphe, bụ oshi, nọkota lẹ mgbabu Édẹnu, bụ mgbabu Chileke ono ejikọtaru iya ẹnya.

Ezekẹlu 47:18

“L'ụzo ẹnyanwu-awawa bẹ oke alị ono e-shija mgbaka Hawụranu yẹe Damasụkosu; nọ-tsoru ẹnyimu Jiọ́danu ogologo lẹ mgbaka mkpụkpu Giladu; mẹ alị Ízurẹlu je alụfu eze-ẹnyimu ono, nọ l'ụzo ẹnyanwu-awawa ono; je akpaa lẹ Tama. Ọo ẹka ono bẹ a-bụru oke iya l'ụzo ẹnyanwu-awawa.

Jiowẹlu 2:3

Ọku nọ phẹ l'ụzo iphu ekepyashị iphe ekepyashị. Ọku nọdukwa phẹ phọ l'azụ enwu phoophoophoo. L'iphu phẹ bẹ alị dụepho gẹ mgbabu Édẹnu. Ẹka ẹphe ghawarụ ye l'azụ bụru echiẹgu, dabyiru kẹ mmanụ; ọphu ọ dụdu iphe, anahụje phẹ nụ.

Ditoronomi 34:3

goshigbua ya echiẹgu ndọhali; mẹkpoo uswe iya ono l'ophu; eshikpọo lẹ nsụda kẹ mkpụkpu Jieriko, bụ iya bụ ndu Ọha-mpfụ; je akpaa lẹ mkpụkpu Zowa.