Mbụlembu 11:4 - BAYỊBURU Izii

⁴ Ẹphe sụ: “Unu bya g'anyi metaru onwanyi mkpụkpu; g'anyi kpụa ụlo-eli, e-je asupfuru l'igwe. Ọo ya bụ; g'anyi abụru ndu aa-maru ẹpha phẹ; g'anyi te je agbakashịhu dzuru mgboko.”

Mbụlembu 11:4 ပူးပေါင်းရင်းမြစ်များ

Mbụlembu 6:4

Ndu gbarụ oke mkparawa nọ lẹ mgboko lẹ teke ono; bya anọkwaru iya rọ kwasẹru; mbụ lẹ teke ụnwu Chileke jepfuru ụnwada nemadzụ; ẹphe bya anwụshiaru phẹ ụnwegirima. Ẹphe bụ ndu e shi maru ẹpha phẹ teke ndiche l'ọkpehu, shi dụ phẹ nụ.

2 Sámẹlu 8:13

Dévidi bya abụru onye a maru amaru g'o shichaẹpho Nsụda Únú lwa; mbụ ẹka ono, ọ nọ gbua ndu Edọmu ụkporo ụnu nemadzụ ugbo labọ l'ụnu ise.

Ebvu-ọma 107:26

Ụgbo-mini phẹ nọdu awulihuje ephekerephe ephekerephe. L'ọ byakwa atsụbakpoo omilomi omilomi. Oke iphe-ẹhuka, ẹphe eje ono mee; obu phẹ zashịhu azashịhu.

Ebvu-ọma 92:9

Gụbe Chipfu; ndu ọhogu ngu e-mechakwaa bụru mkpurupyata; mbụ-a; ndu ẹjo-iphe g'ẹphe hakọtakpoo bẹ ee-mechakwaa chịka nanụ nanụ.

Ẹkwo Ẹtu 10:7

Anyata, a nyatarụ onye pfụberekoto abụjeru onye nyatarụ iya nụ iphe-ekweru. Obenu l'ẹpha onye ẹjo-iphe a-chịhu.

Jieremaya 51:53

Ọ tọ dụkwa m'obetaru Bábilọnu jerwuchaa akpaminigwe; bya emee ụlo, a kpụshiru ike nkiya, dụ ephekerephe; mee ya; ọphu aabahụdu iya abahụ; bẹ mu e-yelẹ-a ndu e-je emebyishia ya. Nokwa iphe, Chipfu eepfu bụ ono.

Danẹlu 4:11

Oshi ono vua bya ajaa àjàjà shihu ike shingushingu kpọ. Eli eli iya je asụ-pfuru l'igwe; mgboko l'ophu hụma-dzuru iya.

Danẹlu 4:22

Oshi ono bụkwa gụbedua l'onwongu eze. Ọ kwa gụbedua vutaru bya adụ ọkpehu ẹgube ono. Ọ bụru ụ́dù ngu vuru vutarwua imigwe ono; ị bụru eze ọha l'ophu jasụ l'ẹka igwe beru alị beru.

Danẹlu 4:27

Ọo ya bụ lẹ-a; gụbe eze; kwekwa nata idzu-a, mu abya achịru yeru ngu-a! Watakwa eme iphe, pfụru nhamụnha gude haa eme iphe-ẹji; l'ị wata emeru ndu aakpa ẹhu ree gude haa ẹjo-iphe, iimegbabẹ. G'a maru ?ẹhu a-dụ ngu guu dụriberu?’ ”

Danẹlu 4:30

A nọnyaa ọ sụ: “Unu hụmawaru gẹ mkpụkpu Bábilọnu habe shii! Ọ kpọo mbẹdua gude ẹka mu kpụa ya g'ọ bụru ẹka mu e-buru eburu. Ọ bụru ike dụ mu nụ bẹ mu gude kpụa ya; gude goshi g'akpabiri mu habe shii.”

Luku 1:51

O gudewaa ẹka iya egoshije ọkpehu iya. Ndu gude etsetse arị ọriri l'obu phẹ bẹ ọochikashije.

Jiọnu 5:44

Sụ-a; ?dẹnu g'unu e-shi kweta nkemu; l'unubẹ ndu abụjeru; nwibe unu -nọdu aja unu ajaja l'ọotso unu ntụmatu. Ẹbe ọ bụdu l'unu achọ ụzo, unu e-shi gẹ Chileke ọphu bụ iya bụ Chileke kpẹekpu jaa unu ajaja.

Ditoronomi 1:28

Unu sụ: ‘?Bụ ole bẹ anyi e-shi abahụ nta; g'ụnwunna anyi-a mewaru; meji tsukahụ anyi-a? kẹle ẹphe sụru lẹ ndu bu l'alị ono ka anyi l'ọtu; bya akagbaa anyi ogologo; tẹme mkpụkpu phẹ pagbaa ẹka; yẹe phengara phengara igbulọ mkpụkpu ono, aakpụjegbaa l'oorwua akpaminigwe. Ọzo, ka njọ bụ l'anyi hụmacharu ụnwu ndu Anaku l'alị ẹka ono.’

Ditoronomi 4:27

Ọzo bụ lẹ Chipfu a-chịkashi unu g'unu dzuru ọhamoha; l'ọ bụru nwa ndu habe nwahabe l'a-wafụ l'ọhamoha ono, Chipfu a-chịru unu laa ono.

Ditoronomi 9:1

“Unubẹ ndu Ízurẹlu; unu gebekwaphọ. Ọ kwa ntanụ-a bẹ unu abya adaghata ẹnyimu Jiọ́danu; g'unu je enworu ọhamoha, kakọta unu shii; bya akakọta unu ọkpehu; mkpụkpu lẹ mkpụkpu, kagbaa unu shii; tẹme e gudegbaa igbulọ, sụ-pfuru l'imigwe kpụ-phee ya mgburugburu.