Mbụlembu 10:5 - BAYỊBURU Izii

⁵ Ndu ono bụ phẹ bụ eri Jafẹti. Ọ bụru phẹ bẹ iphe, bụkpoo ọha, bukube eze-ẹnyimu gbẹ l'ẹka jakashịa. Ọha ono g'ẹphe hakọta nwegbaarụ oke alị yẹe opfu-alị nkephẹ; waa ipfu ipfu nkephẹ.

Mbụlembu 10:5 ပူးပေါင်းရင်းမြစ်များ

Mbụlembu 10:20

Ọ bụru ọha ono bụkota ụnwu Hamu; g'ẹphe hakọta nwegbaarụ ipfu ipfu nkephẹ; yẹe opfu-alị yẹe oke alị nkephẹ.

Mbụlembu 10:25

Eba nwụta unwoke labọ. Ẹpha onye lanụ bụ Pẹlegu; noo kẹle a nwụru iya teke mgboko kekashịhuru. Ẹpha nwune iya bụru Jiọkutanu.

Mbụlembu 10:32

Ọha ono g'ẹphe ha bụkota oshilọkpa ụnwu Nuwa; g'ẹphe ha nwegbaarụ ipfu ipfu nkephẹ. Ọ bụru phẹ bẹ ọhamoha shi l'ẹka dzuru eliphe l'ophu g'utso gbacharu.

Mbụlembu 10:4

Ụnwu kẹ Jiavanu bụ Elisha; waa Tashishi; waa ndu Kitimu; waa ndu Rodu.

Mbụlembu 10:6

Ụnwu Hamu bụ Kushi; waa Ijiputu; waa Putu; waa Kénanu.

Mbụlembu 9:19

Ọ bụru shita l'ụnwu Nuwa unwoke ẹto-a bẹ nemadzụ shiru dzuru mgboko l'ophu.

Ẹsuta 10:1

Eze Kuzakusẹsu bya atụa ekemu gẹ ndu bukọta l'alị-eze iya g'ọ ha je akpaa lẹ ndu bukube eze-ẹnyimu tụje akịriko nụ iya.

Ebvu-ọma 72:10

Ndu eze ndu Tashishi mẹ ndu bukube eze-ẹnyimu anọdu atụ akịriko anụ iya. Ndu eze ndu Sheba yẹe kẹ ndu Seba a-nọdukwapho egudeje iphe-ọma abya ibe iya.

Azáya 11:11

Mbụ l'o -rwua mbọku ono bẹ Nnajịuphu a-machị ẹka iya ọzo k'ugbo ẹbo nafụtafuchaa nwandibe iya ndu ọphu a-phọdu l'alị ndu Asiriya; mẹ l'alị ndu Ijiputu; mẹ l'alị Paturọsu; mẹ ndu ọphu e-shi l'alị ndu Kushi; mẹ ndu ọphu e-shi l'alị ndu Elamu; mẹ ndu ọphu e-shi l'alị Shịna; mẹ ndu ọphu e-shi lẹ mkpụkpu Hamatu; mẹ ndu ọphu e-shigba l'ọha, bukube eze-ẹnyimu.

Azáya 24:15

Ọo ya bụ gẹ ndu nọ l'ụzo ẹnyanwu-awawa jaa Chipfu ajaja. Gẹ ndu bukube eze-ẹnyimu tukwaapho Chipfu ono, bụ Chileke kẹ ndu Ízurẹlu ẹpha!

Azáya 40:15

Tororo opfu bụ l'ọhamoha dụkwa gẹ mini, daru kpọngu l'ime bọketi. Iphe, a gụberu phẹ bụ-a nwurwuku, dụ l'iphe, egudeje tụ̀a ẹrwa iphe. Mbụ l'ọotùje ndu bukube eze-ẹnyimu g'onye kpokọberu urwuku, dụ rwukuru rwukuru atụ̀ l'iphe.

Azáya 41:5

Ndu bukube eze-ẹnyimu hụma iya; ndzụ gụhu phẹ. Ndu bu l'ẹka eliphe jeberu nọdu anma pyaapyaapyaa eje akpịritaru.

Azáya 42:10

Unu gụa ebvu ọ̀phúú nụ Chipfu! Unu shikpọepho l'ẹka igwe beru alị beru tuta iya ẹpha; unubẹ ndu eje l'ọma-mini; mẹ iphe, bụ iphe, bu lẹ mini! Iphe, bụ alị, nọ-kube eze-ẹnyimu; mẹ iphe, bụ ndu bu iya nụ; unu tua ya ẹpha!

Azáya 42:4

Ọphu ọodadu adada; ọphu ọ dụdu iphe, a-kpọshi iya iphe, oome jasụ teke ikpe, pfụru ọto e-keru l'eliphe. Ọ bụru ekemu iya bẹ ọha, bukube eze-ẹnyimu a-nọdu ele ẹnya iya.”

Azáya 49:1

Unu ngabẹru mu nchị unubẹ ndu bukube eze-ẹnyimu! Unu nụmakpodapho iphe-a unubẹ ọha, bu l'ẹka dụ ẹnya! Chipfu vukwaru ụzo kua mu tẹme a nwụa mu. Ọ bụro teke mu nọkwadu l'ẹpho ne mu bẹ o kuru mu ẹpha.

Azáya 51:5

Mu a-nafụta unu ẹgwegwa. Mbụ lẹ mu abyaakwaa unu adzọta. Ọ bụru ẹka mu bẹ mu e-gude kpee ọhamoha ikpe. Ndu bukube eze-ẹnyimu bụ mu bẹ ẹphe a-nọdu ele ẹnya l'ẹka. Tẹme ẹphe anọdu kwabẹ; ele ẹnya g'ẹphe maru iphe, mu e-me l'ẹka.

Azáya 59:18

Ọ bụru g'iphe, ẹphe meru gbaru bụ g'oo-gude pfụa phẹ ụgwo. Mbụ l'ọo-tụ-koshi ndu ọhogu iya oke ẹhu-eghu iya. L'ọ bya agwata ndu opfu iya ụgwo iphe, ẹphe meru iya. L'ọ bya apfụa ndu bukube eze-ẹnyimu iphe, rwuberu phẹ nụ.

Azáya 60:9

Tororo bụ lẹ ndu bukube eze-ẹnyimu bụ mu bẹ ẹphe achọ abya. Ụgbo, vutagbaaru phẹ ụzo bụru ụgbo-mini ndu Tashishi. Ọ bụru ndu ẹphe achịlata bụ ụnwu ngu, shi ẹka dụ ẹnya; yẹle mkpọla-ọchaa mẹ mkpọla-ododo, ẹphe vugbaa alwa. Ono bụru ùbvù, aakwabẹ Chipfu, bụ Chileke ngu ono; mbụ onye ono, bụ Onye Nsọ kẹ ndu Ízurẹlu; kẹle o meru g'ị dụ akpabiri.

Jieremaya 2:10

Mbụ-a; unu ghabunaa eze-ẹnyimu bahụ l'alị ndu Sayịpurosu je elekpọdapho ẹnya! Unu yenu nemadzụ g'e jerwua alị ndu Keda je egbua ya igo rengurengu! Maẹshikwaru ?O nweru ẹka ẹgube iphe ono mejeru?

Jieremaya 25:22

waa iphe, bụ ndu eze ndu Taya; waa iphe, bụ ndu eze ndu Sayịdonu; waa iphe, bụ eze ndu ndu bu l'azụ eze-ẹnyimu azụ iya ọphuu;

Ezekẹlu 26:15

Wakwa iphe, Nnajịuphu, bụ Chipfu epfuru mkpụkpu Taya baa: ?Ọ dụ ngu g'alị, nọkota l'agụga eze-ẹnyimu taa nmakọtadu jiijiijii lẹ teke ịi-da; mbụ lẹ teke ono, ndu e mekagbaaru iphe a-nọdu atsụ ude ono; mbụ teke ono ee-gbushi nemadzụ l'ime ngu ono?

Ezekẹlu 26:18

Nta-a bẹ ndu bu l'agụga eze-ẹnyimu anmakọta pyaapyaapyaa l'ẹka ị daru. Alị, mini sọ-phegbaaru mgburugburu l'eze-ẹnyimu bẹ ndzụ-agụgu rwutaru; kẹle ị daru.

Danẹlu 11:18

L'ọ gbẹ teke ono bya aghaaru ndu bu l'agụga eze-ẹnyimu iphu. L'ọ lwụa phẹ lwụta ndu ọphu dụ igwerigwe. Ọle ọo onye-ishi ojọgu lanụ e-mechaa buchia iphe-iphere ono; melata iya iphe ono, oome ndu ọzo ono.

Zefanaya 2:11

Chipfu e-me phẹ iphe, dụ ebvu; kẹle ọo-lọpyashi agwa, nọkota l'eliphe mgburugburu. Noo teke onyemonye a-wata abarụ Chipfu ẹja l'ẹka ẹphe nọkpoo; mẹkpoo iphe, bụ ọha, bukube eze-ẹnyimu.

Ditoronomi 32:8

Teke Ọkalibe-kakọta-shii hẹru ọhamoha okiphe phẹ; mbụ teke o kekashịru ụnwu-eliphe; bẹ ọ tụ-bugbaaru ụnwu-eliphe oke ẹka ẹphe e-jeberu l'ẹhu l'ẹhu; g'ụnwu Ízurẹlu habe l'ọtu;