Mbụlembu 10:15 - BAYỊBURU Izii

¹⁵ Kénanu bụ nna Sayịdonu. Ọ bụru Sayịdonu ono bụ ọkpara iya. Kénanu bụkwarupho nna ndu Hetu;

Mbụlembu 10:15 ပူးပေါင်းရင်းမြစ်များ

Mbụlembu 23:3

Ébirihamu bya agbẹshi l'agụga nyee ya ono, nwụhuru nụ ono; bya ejepfu ndu Hetu; je asụ phẹ:

Mbụlembu 24:3

Gude ẹpha Chipfu, bụ Chileke ọphu bu l'imigwe; bya eburu l'eliphe; ria nte l'ị tịi lụtaduru nwa mu Áyizaku nwanyị, shi l'ibe ndu Kénanu, anyi l'ẹphe bu l'ẹka-a.

Mbụlembu 49:13

Zebulọnu bẹ e-buru lẹ mgboru eze-ẹnyimu. Agụga ẹnyimu iya a-bụru ọdu ụgbo-mini. Oke alị iya e-jerwu Sayịdonu.

2 Sámẹlu 11:3

Ọo ya bụ; Dévidi zia nemadzụ g'o je akpaaru iya ishi onye nwanyị ono bụ. Onye o ziru sụ iya: “Ọ kwa Batusheba, bụ nwada Eliyamu. Ọ bụ nyee Uráya, bụ onye Hetu.”

2 Sámẹlu 24:6

Ẹphe bya abahụ l'alị Giladu; mẹ mkpụkpu Tatimu-Hodushi. Ẹphe gbẹ l'ẹka ono bahụ lẹ mkpụkpu Danu-Jianu; bya agbajia lụfu jeshia mkpụkpu Sayịdonu.

1 Iphe, ndu eze meru 1:13

Kénanu bụ nna Sayịdonu. Sayịdonu bụ ọkpara iya. Kénanu bụkwarupho nna Hetu;

Awụfu 3:8

Ọo ya bụ lẹ mu byawaru gẹ mu nafụta phẹ l'ẹka ndu Ijiputu; duru phẹ laa l'alị, dụ ree; bya adụ shii; mbụ alị mini ẹra-eswi; waa manụ-ẹnwu jiru kẹ pyịmu pyịmu; mbụ l'alị ndu Kénanu; waa ndu Hetu; waa kẹ ndu Amọru; waa kẹ ndu Pẹ́rezu; waa kẹ ndu Hevu; tẹme waa kẹ ndu Jiebusu.

Awụfu 34:11

Unu ngabẹ nchị mee ekemu-a, mu atụru unu ntanụ-a. Mu a-chịfuru unu ndu Amọru; waa ndu Kénanu; waa ndu Hetu; waa ndu Pẹ́rezu; waa ndu Hevu; tẹme waa ndu Jiebusu.

Azáya 23:4

G'iphere bụru kẹ gụbe mkpụkpu Sayịdonu; mbụ gụbedua, bụ onye ike dụ, bu l'eze-ẹnyimu; kẹle eze-ẹnyimu yewaru ọnu sụ l'ime teke emeswekwaa ya; ọphu ya nwụjekwaru nwa. Ọphu ya ehejekwaru nwa nwoke; ọphu ya emetsejekwaru nwa nwanyị.

Jieremaya 47:4

Kẹle mbọku rwuakwaru teke ee-mebyishikọta ndu Filisitayinu g'ẹphe hakọta. L'e mee gẹ nwa ndu phọduru nụ, bụ ndu gege eyeru ndu mkpụkpu Taya yẹe ndu mkpụkpu Sayịdonu ẹka chịhu; kẹle Chipfu abyakwa emebyishi ndu Filisitayinu; mbụ nwa ndu phọduru nụ lẹ ndu alị Kafụto.

Ezekẹlu 27:8

Unwoke mkpụkpu Sayịdonu; mẹ unwoke mkpụkpu Avadu bẹ bụ ndu shi akpọkotaru ngu ụgbo; gụbe Taya. Unwoke ngu, bụ ndu iphe doru ẹnya bẹ bụkota ndu angakọtaru ngu ụgbo-mini.

Ezekẹlu 28:21

Nwa ndiphe; ghachiru mkpụkpu Sayịdonu iphu; pfuaru mu phẹ iphe, a-nwụru phẹ nụ;

Jioshuwa 11:8

Chipfu woru phẹ ye ndu Ízurẹlu l'ẹka; ẹphe lwụ-kpee phẹ; chịpyabe phẹ kwasẹru ụzo eze mkpụkpu Sayịdonu; mẹ ụzo mkpụkpu Misurefotu-Mayimu. Ẹphe chịkwaa phẹ phọ shia ụzo ẹnyanwu-awawa; mbụ chịa phẹ gbiriri jasụ lẹ nsụda Mizupa. Ẹphe gbua phẹ gbiriri jasụ teke adụedu mẹ onye lanụ, ghuduru nụ.

1 Sámẹlu 26:6

Dévidi bya ajịa Ahimẹleku, bụ onye Hetu waa Abishayi nwa Zeruya; mbụ nwune Jiowabu sụ phẹ: “?Bụ onye ole bẹ e-tsoru mu g'anyi jepfu Sọlu l'ẹka ẹphe dọru ono?” Abishayi sụ: “Ọo mbẹdua l'e-tsoru ngu je.”