Mbụlembu 10:11 - BAYỊBURU Izii

¹¹ O shi l'ẹka ono wata àjàjà jarwua alị Asiriya, bụ ẹka ọ nọ meta mkpụkpu Ninive. O metakwaphọ mkpụkpu Rehobotu-Iye; waa mkpụkpu Kala;

Mbụlembu 10:11 ပူးပေါင်းရင်းမြစ်များ

Mbụlembu 10:12

waa mkpụkpu Resenu. Resenu ono nọ lẹ mgbaka Ninive waa Kala. Ọ bụru iya bụ oke mkpụkpu ono.

2 Ndu eze 19:36

Noo ya; Senakeribu, bụ eze ndu Asiriya tụgbua; ọ bụru iya alaphu azụ. Ọ laphushia azụ lẹ Ninive je anọdu.

Ẹzura 4:2

ẹphe byapfuta Zerúbabelu; mẹ ndu-ishi l'ọnu-ụlo l'ọnu-ụlo bya asụ phẹ: “G'anyi tsonụru unu yeta ẹka kpụa ụlo ono; kẹle anyịbedua abakwaru-a Chileke unu ẹja g'unubẹdua. Kẹle anyi shihawaa ụzenya gweta ngwẹja anụ iya. Anyi shirọ lẹ teke Esahadọnu bụ eze ndu Asiriya; mbụ onye ono, duru anyi lwa ẹka-a ono gweta ngwẹja ọbu.”

Ebvu-ọma 83:8

Tẹme ndu Asiriya bya ayịkwaru iya phọ. Ẹphe chịkoberu onwophẹ g'ẹphe bụru agbaru-ike ndibe Lọtu.

Azáya 37:37

Noo ya; Senakeribu, bụ eze ndu Asiriya tụgbua; ọ bụru iya alaphu azụ. Ọ laphushia azụ lẹ Ninive je anọdu.

Ezekẹlu 27:23

Ndu Haranu; mẹ ndu Kane; mẹ ndu Édẹnu; yẹe ndu agbagbaa oke-nghọ, shi lẹ Sheba; mẹ ndu agba oke-nghọ, shi lẹ mkpụkpu Ashuru; mẹkpoo mkpụkpu Kilimadu bẹ shi azụkotakwa ngu phọ aswa.

Ezekẹlu 32:22

“Asiriya bẹ nọ l'ẹka ono yẹle ndu ojọgu iya l'ophu. Ilu ndibe iya, e gbushiru egbushi bẹ nọ-pheru iya mgburugburu; mbụ ndu e gude ogu-echi gbushia.

Hosiya 14:3

Ndu Asiriya taa dụekwa ike adzọ anyi. Ọphu ọ bụedu l'eli ịnya-ọgu bẹ anyi a-nmakoru. Anyi ta abyadụ egudebaa ọnu anyi woru iphe, bụ ẹka bẹ anyi gude mee ya kua “Chileke anyi;” kẹle ọo l'ẹka ngu bẹ onye enwedu nna anọduje l'a phụaru iya obu-imemini.’ ”

Jiona 1:2

“Tụgbua jeshia eze mkpụkpu ono, bụ mkpụkpu Ninive je epfuru opfu nụ ndu bu iya nụ; kẹle ẹjo-ememe, ẹphe eme rwuwaru ẹka mu nọ.”

Mayịka 5:6

Ẹphe e-gude ogu-echi lwụa alị ndu Asiriya ono; mbụ l'ẹphe a-mị-lita ogu-echi phẹ gude lwụa alị Nimurọdu. Ọ bụru iya a-nafụta anyi l'ẹka ndu Asiriya; m'ẹphe -byaẹpho bya awụba l'alị anyi wata azọ garamugaramu awụ ala l'oke alị anyi ono.

Nahumu 1:1

Ọwaa bụ ozi ẹhu mkpụkpu Ninive. Ẹkwo, e deru ọphulenya, ọ phụru; mbụ Nahumu onye Ẹlukoshi.

Nahumu 2:8

Mkpụkpu Ninive dụepho g'okpuru, mini nọ iya nụ asọfu asọfu. Ọ nọdu ara: “Unu pfụru-o! Unu pfụru-o!” Ọle ọ tọ dụdu onye ọ dụ k'agha ẹnya l'azụ.

Nahumu 3:7

Iphe, bụkpoo ndu hụmaru ngu nụ a-nọdu agbaru ngu ọso. Ẹphe atụko epfu sụ: ‘Ninive bụakwaa ochobu! ?Bụ onye a-gụ aphụ iya? ?Bụ awe bẹ mu a-hụma onye a-nọdu adụ ngu obu?’ ”

Zefanaya 2:13

Chipfu a-machịkwapho ẹka maaru ndu isheli mee ndu Asiriya g'ẹphe bụru mkpurupyata; mbụ mee gẹ mkpụkpu Ninive bụru ochobu ẹka a-dụepho g'echiẹgu, adụdu mini, dụ iya nụ.

Ọ́gú 24:22

Ọle unubẹ ndu Kénu bẹ aa-lwụkwa alwụlwu. Ndu Asiriya bẹ a-kpụko unu lẹ ndzụ.”

Ọ́gú 24:24

Ụgbo-mini e-shi agụga ẹnyimu l'alị Kitimu bya; bya emekpaa ndu Asiriya yẹle ndu Eba ẹhu; obenu l'ẹphebedua bẹ a-bụkwarupho mkpurupyata.”