Mbụlembu 1:31 - BAYỊBURU Izii

³¹ Chileke bya elee ẹnya hụma iphemiphe, o meru. Ẹphe dụebekota rengurengu shii. Nchi jihu bya abọhu. Ono bụru mbọku k'ishii.

Mbụlembu 1:31 ပူးပေါင်းရင်းမြစ်များ

Mbụlembu 1:13

Nchi jihu bya abọhu. Ono bụru mbọku k'ẹto.

Mbụlembu 1:19

Nchi jihu bya abọhu. Ono bụru mbọku k'ẹno.

Mbụlembu 1:23

Nchi jihu bya abọhu. Ono bụru mbọku k'ise.

Mbụlembu 1:5

Chileke bya agụa ìphóró ono “eswe”; bya agụa ọchii ono “ẹnyashi”. Nchi jihu bya abọhu. Ono bụru mbọku kẹ mbụ.

Mbụlembu 1:8

Chileke woru ìphè ono gụa “akpaminigwe”. Nchi jihu bya abọhu. Ono bụru mbọku k'ẹbo.

Mbụlembu 2:2

Tọbudu iya bụ; o betashia lẹ mbọku k'ẹsaa; Chileke jeẹbekotawaa ozi ono, o shi eje ono. Ọ bụru lẹ mbọku k'ẹsaa ono bẹ ọ tụtaru unme ozi, o jekọtaru.

Mbụlembu 2:3

Chileke gọru ọnu-ọma nụ mbọku k'ẹsaa ono; bya emee ya; ọ dụ nsọ; kẹle ọo mbọku ono bẹ ọ tụtaru unme eme iphemiphe, o meshiru ono.

Jiobu 38:7

mbụ teke ono, e mechaarụ; kpokpode nchi-abọhu tụ ụzu wata agụ ebvu; ụnwu-ojozi-imigwe g'ẹphe hakọta gbọaha kwakokoo.

Ebvu-ọma 104:24

Gụbe Chipfu; ozi, iijekọta bụkwa agụta agụta. Iphemiphe ono bụkotaru mmamiphe nkengu bẹ i gude mekọta iya; mbụ lẹ mgboko l'ophu bẹ iphe, jiru iya nụ bụkota iphe, i gude ẹka mee.

Ebvu-ọma 104:28

Teke ị nụru phẹ iya; ẹphe achịkobe iya l'onwophẹ. Teke ị sarụ ẹka; iphe, dụ ree enwushihu; ẹphe egude iya rijia ẹpho.

Ebvu-ọma 104:31

G'o-gbu-nwịinwii Chipfu dụkwa g'ọ dụ jasụ l'ojejoje. G'ozi, Chipfu gude ẹka iya jee mekwa g'ẹhu tsọo ya ụtso;

Ebvu-ọma 119:68

Ị bụ onye ọma; tẹme ị nọdu emejekwaphọ iphe, dụ ree. Zinaa mu etso iphe, ị tọru ọkpa iya sụ g'e tsoje.

Awụfu 20:11

Noo kẹle ọo ujiku ishii bẹ mụbe Chipfu meru igwe; bya emee eliphe; yẹe eze-ẹnyimu; mẹ iphemiphe, dụkota iya nụ. O be lẹ mbọku k'ẹsaa; mu tụta unme. Ọ bụru iphe ono kparụ iphe, mụbe Chipfu gọru ọnu-ọma nụ eswe-atụta-unme; bya emee ya; ọ dụ nsọ.

Awụfu 31:17

Ọo-bụru iphe-ọhubama, a-nọdu lẹ mgbaka mu lẹ ndu Ízurẹlu jasụ lẹ tuutuutuu lẹ mịimiimii; noo kẹle ọo ujiku ishi bẹ mụbe Chipfu gude mee igwe; yẹe alị. O -rwua lẹ mbọku k'ẹsaa; mu haa ozi; tụta unme.”

Ẹkwo Ẹtu 16:4

Iphemiphe, Chipfu meru bẹ o meru doberu onwiya; mbụ je akpaa lẹ ndu ẹjo-iphe bẹ o meru doberu eswe eze iphe-ẹhuka.

Oziphe 3:11

O deru ẹnya lẹ mini mee iphemiphe; ọ nọdu l'ògè iya. Ọ bya emee amadụ g'ọ rịje k'ojejoje. Ọle amadụ ta adụdu ike maẹberu iphe, Chileke meru e -shi l'ishi jeye l'ẹka ọ bvụru.

Ebvu Aphụ 3:38

?Tọbudu Ọkalibe-kangokọtaru-nụ bẹ asụje g'iphe-ẹhuka waa iphe, dụ ree byapfuta nemadzụ?

Ditoronomi 32:4

Ọ bụ iya bụ oke mkpuma ono! Iphemiphe, oome nọdu adụebeje ree; tẹme ụzo iya pfụkotaru nhamụnha. Ọ bụ Chileke, apfụshije ike l'iphe, o pfuru; ọphu ọ dụdu iphe, apfụduru-ọto, oomeje. Ọ pfụberekoto; tẹme obu gụa ya ìphóró.

1 Timoti 4:4

Iphemiphe, bụkpoo iphe, Chileke meru bẹ dụkotakwa ree. Ọ tọ dụkwa ọphu gbaru kẹ g'a jịkaje iya mẹ e kelewaa Chileke ekele iya.

1 Timoti 4:5

Noo kẹle opfu Chileke yẹe epfupfu, e pfuru nụ Chileke onoya bẹ mewaru iphe onoya ọ dụ nsọ l'iphu Chileke.