Mbụlembu 1:26 - BAYỊBURU Izii

²⁶ Tọbudu iya bụ; Chileke sụ: “G'anyi bya emee nemadzụ g'o yee anyi; mbụ g'ọ dụ g'anyi dụ. G'ọ bụru onye-ishi; g'ẹma, nọ l'eze-ẹnyimu; yẹe ẹnu, ephe l'eli; yẹe anụ, bụ iphe-edobe; yẹe eliphe l'ophu; waa iphe, bụkpoo anụ, akpụ wuruwuru l'alị nọdu iya l'ẹka.”

Mbụlembu 1:26 ပူးပေါင်းရင်းမြစ်များ

Mbụlembu 11:7

Unu g'anyi nyizeta je aghaa phẹ olu-opfu; g'iphe, nwibe phẹ epfu te edojehẹ phẹ ẹnya.”

Mbụlembu 2:19

Ọo ya bụ; Chipfu, bụ Chileke gudechaa ẹja, shi l'alị mee anụ; waa ẹnu, ephe l'eli bya achịtaru iya Ádamu gẹ ya maru iphe ọo-gụshi phẹ. Ọ bụru iphe, Ádamu kuru iphemiphe ono, dzụ ndzụ ono bẹ ẹphe watarụ azaza.

Mbụlembu 3:22

Noo ya; Chipfu, bụ Chileke bya epfua sụ: “Nta-a bẹ nemadzụ dụwaa g'anyịbedua; mbụ ọ mawaru iphe, dụ ree; bya amaru iphe, bụ ẹjo-iphe. G'ọ tọ wọtafuanu akpụru oshi, emeje g'a nọdu ndzụ ria nọdu ndzụ ojejoje.”

Mbụlembu 5:1

Ọwa-a bụ g'e gude deshia ẹpha ndu bụ oshilọkpa Ádamu; waa iphe, ẹphe meshiru. Teke Chileke meru nemadzụ bẹ o meru iya ọ dụ gẹ Chileke dụ.

Mbụlembu 9:6

“Onye gburu nemadzụ bụkwapho nemadzụ bẹ e-gbu yẹbedua. Noo kẹle Chileke meru nemadzụ; ọ dụ g'ọ dụ.

Jiobu 35:10

Ọle ọ tọ dụdu onye asụje: ?Bụ awe bẹ Chileke, bụ onye meru mu nụ nọ; onye ewojeru ebvu-ọma nụ nemadzụ l'ẹnyashi;

Jiobu 39:11

?Ịi-chịru ụpfu kwẹe ya sụ l'o shihuru ike? ?Ịi-parụ-a ozi ngu ẹka o shihuru ike parụ haarụ iya?

Jiobu 5:23

kẹle gụ lẹ mkpuma, nọ l'ẹgu a-gbachaa ndzụ. Unu l'anụ, bu l'ẹgbudu a-dụchaa lẹ ree.

Ebvu-ọma 100:3

Unu makwarụ lẹ Chipfu bụ Chileke. Ọo ya meru anyi; tẹme anyi bụru nkiya. Anyi bụ ndibe iya; bya abụru atụru, ooche echeche.

Ebvu-ọma 149:2

Gẹ ndu Ízurẹlu tee ẹswa l'ẹka onye meru phẹ nụ. G'onye eze ndu Zayọnu mee g'ẹhu tsọo phẹ ụtso.

Oziphe 7:29

Ọ bụru iphe, mu chọ-vuru kpoloko bụ lẹ Chileke meru nemadzụ g'ọ bụru onye obu gụru ìphóró. Obenu lẹ nemadzụ watarụ akpa ẹjo ụzo.”

Ebvu Sólomọnu 1:11

Anyi e-gude mkpọla-ododo, a tụgbaru mkpọla-ọchaa paapaa metaru ngu ịyagba.

Azáya 45:18

Kẹle-a; wakwa iphe, Chipfu epfu; mbụ onye ono, bụ iya meru imigwe dobe. Ọ kwa iya bụ Chileke; onye bụ iya kpụru mgboko; bya abụru iya meru iya. Ọo ya tọru ọkpa iya; ọphu o medụru iya g'ọ nọdu iphoro. O meru iya dobe g'e buru iya eburu. Ọ bụru iya epfu sụ: “Ọ kwa mbẹdua bụ Chipfu; ọphu ọ dụekwa onye ọzo, dụ nụ.

Azáya 6:8

Noo teke mu nụmaru olu-opfu Nnajịuphu l'ẹka oopfu sụ: “?Bụ onye bẹ mu e-zi ozi? ?Bụ onye e-jeru anyi ozi?” Mu sụ: “Wakwa mu! Zia mu iya!”

Azáya 64:8

Obenu lẹ-a; gụbe Chipfu; ọ kwa ngu bụ nna anyi. Anyịbedua bụkwa ụrwa; gụbedua bụru onye akpụ ite. Anyi tụkoru bụru iphe, i gude ẹka ngu mee.

Jieremaya 27:6

Nta-a bụ lẹ-a; alị unu l'ophu bẹ mu yekọtawaru l'ẹka onye-ozi mu, bụ Nebukadineza, bụ eze ndu Bábilọnu. Mu mekwarụpho gẹ anụ, bu l'ẹgbudu nọduchaa mu l'ẹka.

Jiọnu 14:23

Jizọsu sụ iya: “Onye yeru mu obu anọduje eme iphe, mu pfuru. Nna mu eyekwanaa onye ono obu. Mu lẹ Nna mu a-byapfuta onye ọbu; anyi l'iya eburu eburu.

Jiọnu 5:17

Noo ya; Jizọsu sụ phẹ: “Nna mu ejekwa ozi g'ooje iya bya asụ nta-a; mbẹdua nọdu ejekwaphọ.”

Ndu-ishi-ozi 17:20

L'iphe ọwa-a, ipfugba-a bụgbakwaa anyi nchị ọ̀phúú. Menaa g'anyi maru iphe, ọ bụgbaa.”

Ndu-ishi-ozi 17:26

Ọo Chileke lanụ ono meru onye ivuzọ; bya eshi l'onye lanụ ono mee ọhamoha, nọkota lẹ mgboko-a mgburugburu. Ọo ya tubuhawaru teke ndu nọ lẹ mgboko-a a-nọ-beru; tubuhawaa ẹka oke alị phẹ a-kpa.

1 Kọrentu 11:7

Nwoke ta agbadụru g'o kpuru okpulishi eshinu Chileke meru iya o yee ya tẹme ọ bụru iya egoshi gẹ Chileke dụ-be biribiri; obenu lẹ nwanyị egoshi gẹ nwoke dụ-be biribiri.

2 Kọrentu 3:18

Anyịbe ndu ono g'anyi ha bụ ndu adụdu iphe, phuchiru anyi iphu; anyi nọdu ele ogbu-nwịinwii kẹ Chileke ono ẹnya g'onye ele ẹnya l'onyo; ọ gbanwee anyi; anyi dụ g'ọ dụ; mbụ shi l'ogbu nwịinwii kaba egbu nwịinwii. Onye o shi l'ẹka bụru Nnajịuphu ono, bụ Unme-dụ-Nsọ.

2 Kọrentu 4:4

Lẹ Obutuswe, bụ iya bụ ishi kẹ ndu mgboko-a bẹ woakwaru ẹka pyichia ndu bụ ekwegekwe l'egomunggo g'o mee k'ọphu ẹphe taa hụmadu ìphóró, shi l'ozi-ọma ono, echiru phẹ swacha swacha ono. Ìphóró ono egoshi ogbu-nwịinwii kẹ Kéreshi. Ọ bụru lẹ Kéreshi ono bẹ a hụmaru Chileke l'onwiya.

Efesọsu 4:24

Unu yeta umere ọ̀phúú ono g'onye yetarụ uwe, bụ iya bụ umere ọphu Chileke meru o yee ya. Ẹgube umere ono egoshije onwiya l'ọkpobe ndzụ, pfụru ọto bya adụ Chileke ree.

Kọlosi 1:15

Ọo ya bụ ụgbugba Chileke ono, a ta ahụmajedu l'ẹnya ono; bya abụru iya bẹ Chileke doberu l'ọkpara l'iphe, bụkpoo iphe, o meru ememe.

Kọlosi 3:10

Ọo ya bụ g'unu yee umere ọ̀phúú ono g'onye yeru uwe. Ọ kwa Chileke ono, nụru unu umere ọ̀phúú ono anọduje eme unu g'unu kabaa abụru ndu o meru k'ọ̀phúú. Ọo ya bụ g'unu amakọtaru onye Chileke bụ; marwee ya amarwe k'ọphu unu a-nọdu akabaa adụ g'ọ dụ kwasẹru.

Jiemusu 3:7

Ọ tọ dụdu ẹgube anụ-ẹgbudu; ọzoo ẹnu; ọzoo iphe, akpụ akpụkpu; ọzoo iphe, bu lẹ mini, nemadzụ ata agọtajedu agọta; l'ooburu l'unuphu; ọphu ọ dụdu ọphu a gọtaadaru; o buru l'unuphu.

Jiemusu 3:9

Ọ bụ iya bẹ anyi gude aja onye ono, bụ Nna bya bụru Nnajịuphu ono; ọle ọ bụhukwa iya phọ bẹ anyi gude atụ nwibe anyi ọnu; mbụkwa onye e meru; ọ dụ gẹ Chileke.

1 Jiọnu 5:7

Kẹle ẹphe dụ ẹto agba ekebe l'imigwe. Ndu ono bụ Nna; yẹle Opfu-Chileke; yẹle Unme-dụ-Nsọ. Ẹphe n'ẹto ono tụgbaru bụru nanụ.