Mbụlembu 1:24 - BAYỊBURU Izii

²⁴ Chileke bya asụ: “G'eliphe kpofuta iphe, dzụgbaa ndzụ l'ụdu iya l'ụdu iya. G'anụ, bụ iphe-edobe kpofuta; waa anụ ọphu awụ l'ẹpho; waa anụ, bu l'ẹgbudu. G'ọphu nọnu kpofutagbaa l'ụgbugba nkiya.” Ọ dụ g'o pfuru.

Mbụlembu 1:24 ပူးပေါင်းရင်းမြစ်များ

Mbụlembu 1:23

Nchi jihu bya abọhu. Ono bụru mbọku k'ise.

Mbụlembu 2:19

Ọo ya bụ; Chipfu, bụ Chileke gudechaa ẹja, shi l'alị mee anụ; waa ẹnu, ephe l'eli bya achịtaru iya Ádamu gẹ ya maru iphe ọo-gụshi phẹ. Ọ bụru iphe, Ádamu kuru iphemiphe ono, dzụ ndzụ ono bẹ ẹphe watarụ azaza.

Mbụlembu 6:20

Ẹnu, ephe l'eli a-dụ ẹbo ẹbo dụ l'ụdu iya l'ụdu iya byapfuta ngu; ụnwu anụ; yẹe anụ, awụ l'ẹpho adụkwapho ẹbo ẹbo byapfutakọta ngu g'i dobe phẹ ndzụ.

Mbụlembu 7:14

Anụ-ẹgbudu, dụlaje l'ụdu iya l'ụdu iya; mẹ anụ, bụ iphe-edobe, dụlaje l'ụdu iya l'ụdu iya; mẹ iphemiphe, bụ iphe, awụ l'ẹpho, dụlaje l'ụdu iya l'ụdu iya; mẹ ẹnu, dụlaje l'ụdu iya l'ụdu iya; mbụ iphemiphe, furu ǹkù bẹ ẹphe l'ẹphe tụkoru bahụ l'ụgbo ono.

Mbụlembu 8:19

Anụ l'ophu; mẹwaro iphemiphe, awụ ẹpho l'alị; mẹ ẹnu l'ophu; mbụ iphemiphe, eme ụkporo lẹ mgboko shikọta l'ụgbo ono fụtagbaa l'ụdu iya l'ụdu iya.

Jiobu 39:1

?Ịimajeru teke eghu-ọswa, bu l'úbvú nwụru nwa? ?Ịihubeje ama l'ọwa-a teke ne ele anwụ nwa baa?

Jiobu 39:19

Sụ-a; ?bụ ngu nụru ịnya ike, dụ iya nụ? Tọo ?bụ ngu gbarụ nza-ịnya phụshi iya l'olu; ọ dụ kẹ nwa buyabuya ono?

Jiobu 39:5

?Bụ onye harụ nkapfụ-ịgara-ọswa; ọ nọdu akpaphe; ọphu ọ dụdu iphe, eme iya nụ? ?Bụ onye tọshiru phẹ haa; ẹphe nọdu ejeje ẹka dụ phẹ ree?

Jiobu 39:9

?Atsụ e-kwe-a bya anọdu meahaa iphe, ị sụru g'o mee? Mbụ-a; ?ii-dobe iya-a g'ọ nọdu l'ẹka eeyejeru anụ nri; l'ọ nọdu iya l'ẹnyashi?

Jiobu 40:15

Lenaa oke anụ ono, bụ behemotu, bụ anụ, mu tụkoru gụ l'iya mee dobe; tẹme ọ bụru anụ, ata ẹswa l'alị g'eswi.

Ebvu-ọma 104:18

Oke-úbvú oke-úbvú bụ ndu bu iya nụ bụ eghu-ọswa. Ọgba bụru ẹka nchi-ọgba anọduje ezeru ndzụ.

Ebvu-ọma 104:23

Nemadzụ agbẹshi teke onoya jeshia l'ẹgu. Ooje anọdu l'ẹgu jee ozi jasụ l'ụzenyashi.

Ebvu-ọma 148:10

G'anụ-ẹgbudu; mẹ iphe-edobe; waa ụnwehu; mẹkpoo ẹnu, ephe l'eli tụkokwapho jaa ya ajaja.