Mbụlembu 1:16 - BAYỊBURU Izii

¹⁶ Chileke bya emee iphe, echí echíchí labọ, parụ ẹka apaa. Ọphu ka shii bẹ o meru g'o chije l'eswe; ọphu ka alwa alị bẹ o meru g'o chije l'ẹnyashi. Ọ bya emefụkwapho kpokpode.

Mbụlembu 1:16 ပူးပေါင်းရင်းမြစ်များ

Mbụlembu 1:15

Tẹme g'iphe ono, echí echíchí ono, dụ l'akpaminigwe ono chije lẹ mgboko.” Ọ dụ g'o pfuru.

Jiobu 31:26

ọme mu wojeru ẹnya dabẹ l'ẹnyanwu, egbu nwịinwii; ọzoo lẹ mu wojeru ẹnya dabẹ l'ọnwa, echi phuuphuu;

Jiobu 38:7

mbụ teke ono, e mechaarụ; kpokpode nchi-abọhu tụ ụzu wata agụ ebvu; ụnwu-ojozi-imigwe g'ẹphe hakọta gbọaha kwakokoo.

Ebvu-ọma 148:3

Unu jaa ya ajaja; unubẹ ẹnyanwu yẹe ọnwa. Unu jaa ya ajaja; unubẹ kpokpode, egbu nwịinwii.

Ebvu-ọma 148:5

Unu tụko g'unu ha jaa Chipfu ajaja; kẹle ọo ya sụru g'unu dụ; unu dụ.

Ebvu-ọma 19:6

Ọowaje l'akpaminigwe l'ishi lanụ; o shi l'ishi iya ono jee jasụ l'ishi iya ọphuu. Ọphu ọ dụdu iphe, a-sụ lẹ ya nọ l'ẹka okpomọku iya te erwudu iya l'ẹhu.

Ebvu-ọma 74:16

Eswe bụ nkengu; ẹnyashi bụru nkengu. Ọ bụru ngu meru ẹnyanwu yẹe ọnwa dobe; ẹphe keru jịmujimu.

Ebvu-ọma 8:3

Teke mu leru ẹnya l'igwe l'ophu, bụ iphe, i gude mkpụshi-ẹka ngu mee; mbụkpoo ọnwa mẹ kpokpode, bụchaa iphe, i meru ememe dobe;

Azáya 13:10

Mbọku ono bẹ kpokpode, nọ l'igwe g'ọ ha te ekekwa paapaapa. Ẹnyanwu ekeru l'ẹka ọowataje wata agba ọchii. Ọphu ọnwa echidu ilile.

Azáya 24:23

Noo teke iphere a-dụ ọnwa; l'e meru ujikputeru nụ ẹnyanwu. Noo kẹle Chipfu, bụ Ọkalibe-Kakọta-Ike a-bụru eze l'eli úbvú Zayọnu yẹfua lẹ Jierúsalẹmu. O je l'egoshi ndu bụ ọgerenya mkpụkpu ọdu-biribiri iya.

Azáya 40:26

Palinaa ẹnya lee l'akpaminigwe. ?Bụ onye meru iphemiphe ono dobe? Mbụ onye ono, emeje kpokpode, dụ igwerigwe l'ọofushi nanụnanu; tẹme ọ nọdu ekuje phẹ ẹpha l'ẹhu l'ẹhu. Ọ bụru l'ike parụ onye ono ẹka; tẹme ọkpehu dụ iya meru g'o gude ọphu ọ dụdu kpokpode ono mẹ nanụ etuphahụje nụ.

Azáya 45:7

Ọ kwa mbẹdua emeje g'ìphóró dụ; bya emee; ọchii adụ. Ọ kwa mbẹdua emeje g'e nweru ẹku; mu nọdu emejekwaphọ g'ọla-l'iswi bya. Ọ kwa mbẹdua, bụ Chipfu tụkoru iphemiphe ono eme.

Jieremaya 31:35

Wakwa iphe, Chipfu epfu baa: Mbụ onye ono, doberu ẹnyanwu sụ g'o chije l'eswe; bya emee g'ọnwu; yẹe kpokpode chije l'ẹnyashi; onye ono, bụ iya akparwụbeje oke-ẹnyimu; akpara-mini iya ede mba; ẹpha iya bụ Chipfu, bụ Ọkalibe-Kakọta-Ike.

Habakuku 3:11

Ẹnyanwu yẹe ọnwa keru jịngujingu l'akpaminigwe l'ẹka ẹphe hụmaru apfụ ngu g'oozi phaaphaa; bya ahụma arwa ngu g'ọoku phoophoophoo.

Matiyu 24:29

E -mechaa; teke ẹjo iphe-ẹhuka ono bvụerupho bẹ ẹnyanwu e-jikputa; ọnwa echibuhu echichi; kpokpode eshi l'igwe dashịhu; iphemiphe, nọ l'igwe anmawo anmawo lọ-sweshihu.

Matiyu 27:45

Tọbudu iya bụ; ẹnyanwu keẹrupho l'ishi; nchi jihu l'alị ono; nọo gbiriri jasụ l'ẹnyanwu agbuze.

1 Kọrentu 15:41

Ẹnyanwu nweru biribiri nkiya iche; ọnwa nweru nkiya iche; nokwaphọ gẹ kpokpode nweru biribiri nkiya. Kẹ kpokpode bụ l'o nweru ọphu akajẹ ibe iya ekeke.

Ditoronomi 4:19

Mbụ-a; unu kwabẹkwa ẹnya; a -nọnya; unu jeshia apali ẹnya imeli bya ahụma ẹnyanwu; ọzoo ọnwa; ọzoo kpokpode; mbụkpoo iphemiphe, nọkota l'akpaminigwe; ọ gụahaa unu ẹgu k'abarụ ẹja; unu wata phẹ ejeru ozi; mbụ iphemiphe ono, Chipfu, bụ Chileke unu meru; keshigbaaru ndiphe, nọkota lẹ mkpula akpaminigwe-a l'ophu.

Ọphulenya 21:23

Mkpụkpu ono ta adụedu iphe, o gude ẹnyanwu eme; ọphu ọ dụkwapho iphe, o gude ọnwa eme. Noo kẹle ogbu-nwịinwii Chileke bẹ echiwa l'ime iya. Nwatụru Chileke ono bụru ìphóró, e gude aphụ ụzo.