Mbụlembu 1:11 - BAYỊBURU Izii

¹¹ Chileke sụ: “G'alị fushia iphe, dzụ ndzụ: iphe, amị mebyi; yẹe oshi-ọmi g'ọphu nọnu fushigbaa g'ọ dụ l'ụgbugba nkiya.” Ọ dụ g'o pfuru.

Mbụlembu 1:11 ပူးပေါင်းရင်းမြစ်များ

Mbụlembu 1:12

Alị bya efushia iphe, dzụ ndzụ; ẹphe bya amịshia mebyi; ọphu nọnu nọdu amịshigbaa g'ọ dụ l'ụgbugba nkiya. Chileke bya elee ya ẹnya bya ahụma l'ọ dụ ree.

Mbụlembu 1:29

Noo ya; Chileke sụ: “Iphe, bụ iphe, aakọ̀ akọ̀kò lẹ mgboko; waa iphe, bụ oshi, amị amịmi l'ophu bẹ mu nụkotaru unu g'unu rije; g'ọ bụru unu nri.

Mbụlembu 2:16

No iya; Chipfu, bụ Chileke bya atụaru nemadzụ ekemu sụ ya: “Rijekwa akpụru oshi, nọkota lẹ mgbabu-a m'ọ dụ ngu ree;

Mbụlembu 2:5

o to nwedu iphe, aakọ̀ akọ̀kò shiwaa dụ l'alị; ọphu ọ dụdu irwu, erwuje l'ẹgu ọphu kpọ-futawaru nụ; noo kẹle Chipfu, bụ Chileke te eshidu mewaa g'igwe dzeje mini l'eliphe. Tẹme ọphu o toko nweduru onye a-kọje alị.

Mbụlembu 2:9

Chipfu, bụ Chileke mee g'oshi, dụlaje iche iche fushia l'alị ono. Oshi, dụ ree ele ẹnya; bya atsọ ụtso eriri. Ọ bụru l'echi mgbabu ono bẹ oshi, emeje g'a nọdu ndzụ nọ; waa oshi, emeje g'a maru iphe, dụ ree; yẹe ẹjo-iphe.

Jiobu 28:5

Ọ bụru alị ono, bụ iya bẹ eemefutajẹ nri ono bẹ e jerwuru je ekwongaa ya; ọ nọdu enwu phuruphuru g'ọku.

Ebvu-ọma 1:3

Onye ono dụ g'oshi, e yeru l'agụga nggele; ọ nọdu amị mebyi l'orwuberu iya; ọphu ẹkwo iya anwụlwashihujedu anwụlwashihu. Iphe, bụkpoo iphemiphe, oome abụjeeru iya phọ ụpete.

Ebvu-ọma 147:8

Ọo ya gude urwukpu kwechia akpaminigwe l'ophu. Ọ nọdu edzejeru eliphe mini; bya emeje g'ẹswa rwushia l'eli úbvú.

Azáya 61:11

Kẹle ọo g'alị emeje g'iphe fushia-a; tẹme mgbabu nọdu emeje g'iphe, a kụru iya mehu-a; nokwaphọ gẹ Nnajịuphu, bụ Chipfu e-me g'apfụbekoto yẹle ajaja kpọ-futa l'iphu ọhamoha.

Jieremaya 17:8

Onye ono a-dụ g'oshi, e yeru l'agụga mini, chịru ọgbarabvu iya ye lẹ nggele. Ọphu ndzụ agụjedu iya mẹ anwụ nọdu echi; ẹkwo iya anọdujeepho eji hirihiri tekenteke. Ọphu ọoyojedu ọshi mẹ ọkpa-nri dụ; ọphu ọ dụdu teke ọ tọ nọdujedu amị mebyi.

Matiyu 3:10

Mbụ lẹ nta-a bẹ a dabẹakwaru ogbunkụ l'ọgbarabvu iphe, bụkpoo oshi. Oshi ọphu amịduru mebyi, dụ ree; l'ee-gbutsua ya chie l'ọku.

Matiyu 6:30

Teke ọbu lẹ Chileke eletaberu ẹswa, nọ l'ẹgbudu ẹnya ẹgube ono: k'eme iya g'ọ ma mma; l'iphe, bụ ọ -dzụru ndzụ nọdu l'ẹgbudu ntanụ-a; echele l'e woru iya shia ite. ?Tọo kabadaa unu eleta ọkpobe ẹnya? mbụ unubẹ ndu-a, ekwekwe, unu kweru abadu ishi-a!

Maku 4:28

Alị efushije iphe l'onwiya. Oovujeru ụzo bya emee ẹswa iya; l'ọ bya emee ịyanguyangu; tẹme l'ọogbe teke ono yee mebyi.

1 Kọrentu 15:38

Ọle Chileke egudeje ẹka iya meru ụgbugba nụ iya g'ọ dụ yẹbe Chileke ree; ọ nụje akpụru iphemiphe ụgbugba, gbaru iya nụ.

Hiburu 6:7

Sụ-a; l'alị, echeje mini, igwe edzejeru iya tekenteke; bya egudeje iya eme g'iphe, a kụru iya baarụ ndu kụru iya nụ l'urwu bẹ Chileke a-gọkwaru ọnu-ọma nụ.

Jiemusu 3:12

Ụnwunna mu! Oshi figu ta amịjekwa akpụru olivu. Ọphu vayịnu amịjekwa akpụru figu. Nokwaphọ g'e te ekutadu mini, atsọ ụtso l'ụmaswi.