Mbụlembu 1:1 - BAYỊBURU Izii

¹ Lẹ mbụlembu bẹ Chileke meru igwe bya emee eliphe.

Mbụlembu 1:1 ပူးပေါင်းရင်းမြစ်များ

2 Ndu eze 19:15

Hezekáya bya epfuru nụ Chipfu sụ: “Gụbe Chipfu, bụ Chileke kẹ ndu Ízurẹlu; onye sụgaru l'aba-eze iya l'echilabọ chierobu. Ọo ngu kpoloko bụ Chileke, nwekọta alị-eze, dụ lẹ mgboko mgburugburu. Ọo ngu meru igwe bya emee eliphe.

1 Iphe, ndu eze meru 16:26

Kẹle agwa ndiphe l'ophu bụkota iphe, e gude ẹka mee; obenu lẹ Chipfu bụ iya gude ẹka iya mee igwe l'onwiya.

2 Iphe, ndu eze meru 2:11

Tọbudu iya bụ; Hiramu, bụ eze ndu Taya dee ẹkwo-ozi gude yeeru Sólomọnu ọnu sụ: “Ọo kẹle Chipfu yeru ndibe iya obu meru g'o gude o mee g'ị bụru eze phẹ.”

Nehemaya 9:6

Ọo ngu kpoloko kpẹekpu bụ Chipfu. Ọo ngu meru igwe; mee igwe ọphu kakọta igwe l'eli; mẹ iphemiphe, dụkota iya nụ. Ọ bụru ngu meru alị; mẹ iphemiphe, dụkota iya nụ. Ọ bụru ngu meru eze-ẹnyimu; mẹ iphemiphe, nọkota iya nụ. Ọ bụru ngu meru; ẹphe nọdukota ndzụ. Iphe, dụgbaa l'imigwe anọduje abakọtaru ngu ẹja.

Jiobu 26:13

Ọo unme bẹ ọ tụru atụtu; akpaminigwe nọdu ama ntụmatu ono. Tẹme ẹjo-agwọ ono, akpụ wuruwuru ono bụ iya nmafuru iya ẹpho.

Jiobu 38:4

Sụ-a; ?bụ awe bẹ ị nọ teke mu tụru ọkpa mgboko-a l'ophu? Karụ mu iya; m'ọ bụru l'o doru ngu ẹnya!

Jiobu 9:8

Ọ bụru yẹbedua kpoloko sụsaru akpaminigwe g'ọ sụsaru ono; bya abụru iya bụ onye ahajẹ ọkpa l'eli akparamini, atụ l'echi eze-ẹnyimu.

Ebvu-ọma 102:25

Eshikpọo lẹ mbụ bụ ngu tụru ọkpa eliphe l'ophu. Tẹme ọ bụru ngu gude ẹka ngu mee igwe.

Ebvu-ọma 104:24

Gụbe Chipfu; ozi, iijekọta bụkwa agụta agụta. Iphemiphe ono bụkotaru mmamiphe nkengu bẹ i gude mekọta iya; mbụ lẹ mgboko l'ophu bẹ iphe, jiru iya nụ bụkota iphe, i gude ẹka mee.

Ebvu-ọma 104:30

Teke i kuru Unme ngu ye phẹ l'ẹhu; ẹphe abụru iphe, e meru k'ọ̀phúú. Ị nọdu emeje iphu mgboko l'ophu g'ọ dụ ọ̀phúú ọ̀phúú.

Ebvu-ọma 115:15

Gẹ Chipfu gọkwaru ọnu-ọma nụ unu; mbụ onye ono, bụ iya meru igwe bya emee eliphe l'ophu ono.

Ebvu-ọma 121:2

N-yemẹka mu eshije l'ẹka Chipfu; onye meru igwe mee mgboko.

Ebvu-ọma 124:8

N-yemẹka anyi eshije l'ẹka Chipfu; onye meru igwe mee mgboko.

Ebvu-ọma 134:3

Gẹ Chipfu, bụ onye meru igwe mee mgboko gbẹ lẹ Zayọnu gọru ọnu-ọma nụ ngu.

Ebvu-ọma 136:5

Onye bụ mmamiphe iya bẹ o gude mee eligwe. N-yemobu iya anọje jasụ l'ojejoje.

Ebvu-ọma 146:6

mbụ Chileke ono, bụ onye meru igwe mee alị; bya emee eze-ẹnyimu; waa iphemiphe, nọ iya nụ; bya abụru onye apfụshije ike l'ire-lanụ jasụ l'ojejoje.

Ebvu-ọma 33:6

Ọo opfu-ọnu bẹ Chipfu gude mee igwe. Ọ bụru unme, ọ tụru atụtu bẹ o gude mee iphemiphe, nọkota iya nụ.

Ebvu-ọma 33:9

kẹle o pfuru opfu; mgboko l'ophu dụ. Ọ tụru ekemu; iphemiphe dụkota.

Ebvu-ọma 8:3

Teke mu leru ẹnya l'igwe l'ophu, bụ iphe, i gude mkpụshi-ẹka ngu mee; mbụkpoo ọnwa mẹ kpokpode, bụchaa iphe, i meru ememe dobe;

Ebvu-ọma 8:4

bẹ mu asụje: “?Bụ gụnu bẹ nemadzụ bụ; kẹ g'ịiri-vuje iya? ?Bụ gụnu bẹ ụnwu-eliphe, bụ kẹ g'iiletajẹ phẹ ẹnya?”

Ebvu-ọma 90:2

Oke úbvú bya a-bụru iphe, dụ adụdu; mbụ l'ị byaru e-me eliphe l'ophu; yẹe mgboko gbaa mgburugburu; ị nọduhawaa; tẹme i je a-nọdu jasụ l'ojejoje.

Ebvu-ọma 96:5

Kẹle agwa ndiphe l'ophu bụkota iphe, e gude ẹka mee; obenu lẹ Chipfu bụ iya gude ẹka iya mee igwe l'onwiya.

Awụfu 20:11

Noo kẹle ọo ujiku ishii bẹ mụbe Chipfu meru igwe; bya emee eliphe; yẹe eze-ẹnyimu; mẹ iphemiphe, dụkota iya nụ. O be lẹ mbọku k'ẹsaa; mu tụta unme. Ọ bụru iphe ono kparụ iphe, mụbe Chipfu gọru ọnu-ọma nụ eswe-atụta-unme; bya emee ya; ọ dụ nsọ.

Awụfu 31:18

Noo ya; Chipfu pfughechaẹpho opfu nụ Mósisu l'eli úbvú Sayịnayi; bya anụ iya bachịbachi mkpuma labọ, e deru Ekemu. Mkpuma ono bụ Chileke gude mkpụshi-ẹka iya dee ya iphe nwẹkiya.

Ẹkwo Ẹtu 16:4

Iphemiphe, Chipfu meru bẹ o meru doberu onwiya; mbụ je akpaa lẹ ndu ẹjo-iphe bẹ o meru doberu eswe eze iphe-ẹhuka.

Ẹkwo Ẹtu 3:19

Ọo mmamiphe bẹ Chipfu gude tụa ọkpa mgboko-a l'ophu. Ọ bụru nkwamẹnya iya bẹ o gude dobe igwe.

Oziphe 12:1

Sụ-a; nyatakwa onye meru ngu nụ teke ị bụkwadu okorọbya; tẹme ẹjo mbọku ono erwua; mbụ apha g'apha ono, ịi-wata epfu sụ: “Iphemiphe-a ta adụekwa ọphu atsọ mu ụtso.”

Azáya 37:16

“Gụbe Chipfu, bụ Ọkalibe-Kakọta-Ike; gụbe Chileke kẹ ndu Ízurẹlu; onye sụgaru l'aba-eze iya l'echilabọ chierobu. Ọo ngu kpoloko bụ Chileke, nwekọta alị-eze, dụ lẹ mgboko mgburugburu. Ọo ngu meru igwe bya emee eliphe.

Azáya 40:21

?Unu ta amahaada? Tọo ?unu teke anụma-swee? ?Te epfuduru iya unu e -shikpọo lẹ mbụ? ?Toko dodu unu ẹnya g'e gude tọo ọkpa mgboko l'ophu?

Azáya 40:26

Palinaa ẹnya lee l'akpaminigwe. ?Bụ onye meru iphemiphe ono dobe? Mbụ onye ono, emeje kpokpode, dụ igwerigwe l'ọofushi nanụnanu; tẹme ọ nọdu ekuje phẹ ẹpha l'ẹhu l'ẹhu. Ọ bụru l'ike parụ onye ono ẹka; tẹme ọkpehu dụ iya meru g'o gude ọphu ọ dụdu kpokpode ono mẹ nanụ etuphahụje nụ.

Azáya 40:28

?Unu ta mahaada? Tọo ?unu teke anụma-swee lẹ Chipfu bụ Chileke, l'a-nọ jasụ lẹ tuutuutuu lẹ mịimiimii? Ọ bụru iya meru eliphe l'ophu jasụ l'ẹka o jeberu. Ike ta abvụdu iya; ọphu nkwo atsụdu iya mẹe; ọphu ọ dụdu onye amakọtaru nkwamẹnya nkiya.

Azáya 42:5

Sụ-a; wakwa iphe, Chileke, bụ Chipfu epfu baa; mbụ onye ono, bụ iya meru eligwe l'ophu bya eworu iya tọsa; onye bụ iya tọsaru eliphe l'ophu mẹkpoo iphemiphe, shi iya nụ; bya anụ ndu bu iya nụ unme, ẹphe atụ; bya eworu ndzụ nụ ndu eje ije l'eli iya.

Azáya 44:24

Wakwa iphe, Chipfu epfu baa; mbụ onye ono, gbafụtaru ngu nụ ono, bụkwa iya phọ bụ onye kpụru ngu teke ị nọkwadu l'ẹpho ono. Ọ sụru-a: “Ọ kwa mu bụ Chipfu; onye bụ iya meru iphemiphe dobe. Ọ bụru mu tọsaru eligwe nwẹka mu; ọ dabyiru swoo; bya abụkwaru mu phọ tọsaru eliphe l'onwomu.

Azáya 45:18

Kẹle-a; wakwa iphe, Chipfu epfu; mbụ onye ono, bụ iya meru imigwe dobe. Ọ kwa iya bụ Chileke; onye bụ iya kpụru mgboko; bya abụru iya meru iya. Ọo ya tọru ọkpa iya; ọphu o medụru iya g'ọ nọdu iphoro. O meru iya dobe g'e buru iya eburu. Ọ bụru iya epfu sụ: “Ọ kwa mbẹdua bụ Chipfu; ọphu ọ dụekwa onye ọzo, dụ nụ.

Azáya 51:13

kẹ g'unu zọhaa Chipfu, bụ onye meru unu; bya abụru iya bụ onye tọsaru eligwe; ọ dabyiru; bya abụru iya tụru ọkpa mgboko l'ophu; kẹ gẹ ndzụ rwutajẹ unu tekenteke ẹgube ono; opfu l'onye eme unu ewere bẹ ẹhu eghu oke eghu; mbụ onye bụ iphe, o shiberu ite iya bụ g'o mebyia unu? Kẹle-a; ?dẹnu oke ẹhu-eghu onye ọbu, eme unu ewere ọbu?

Azáya 51:16

Mu woakwaru opfu mu ye unu l'ọnu; bya egude ọbochi-ẹka mu kpuchia unu. Mbụ mụbe onye ono, bụ mu dobegbaaru igwe l'ọru iya; bya abụru mu tụru ọkpa mgboko l'ophu; tẹme ọ bụru mu sụru ndu Zayọnu-a: ‘Unu bụakwaa ndibe mu.’ ”

Azáya 65:17

“Lekwa; mu e-metakwa igwe ọ̀phúú; bya emeta eliphe ọ̀phúú. Akahụ iphe bẹ a taa nyatabaẹdu; ọphu ọobatabaedu l'egomunggo.

Jieremaya 10:12

Ọo Chileke bẹ gude ike ẹka iya mee eliphe. Ọ bụru yẹbedua gude mmamiphe iya tụa ọkpa mgboko-a. Ọ bụru yẹbedua gude nkwamẹnya iya phụshi akpaminigwe.

Jieremaya 32:17

“Gụbe Nnajịuphu, bụ Chileke! Ọ kwa ngu meru igwe; bya emee alị; ọ bụru ike ọkpu ngu yẹe ẹka ngu, ị lọchiru alọchi bẹ i gude mee ya. Ọ tọ dụkwa iphe, tsụnukaru ngu l'ẹhu.

Jieremaya 51:15

Ọo ọkpehu iya bẹ o gude mee mgboko. Ọ bụru mmamiphe iya bẹ o gude mee mgboko; ọ ngụru angụru; bya egude nkwamẹnya iya phụshi akpaminigwe.

Zekaraya 12:1

Wakwa ozi, Chipfu ziru zidoru ndu Ízurẹlu; mbụ Chipfu, onye bụ iya tọsaru akpaminigwe; tẹme ọ bụru iya tọru ọkpa mgboko l'ophu; bya abụru iya kuru unme ye nemadzụ l'ẹhu.

Matiyu 11:25

Lẹ teke ono kwaphọ bẹ Jizọsu yeru ọnu sụ: “Mu ekele ngu ekele Nna, bụ Nnajị igwe yẹe alị; l'i domiru iphe-a gẹ ndu kwarụ ẹnya waa ndu mmamiphe ta amaru iya; i woru iya goshichia ndu bụ ụnwegirima.

Maku 13:19

Kẹle teke ono bẹ oke mkpamẹhu, eteke adụswee k'eshinu Chileke meru mgboko l'a-dụ; ọphu ọ byadu adụbaa ọzo.

Ndu-ishi-ozi 14:15

“Ndu mu; ?bụ gụnu bẹ unu eme nno? ?Unu ta amadụ l'anyi bụa nemadzụ g'unu bụ? Iphe, anyi byaru bụ g'anyi zia unu ozi-ọma; g'anyi mee unu g'unu tụko agwa ono, adụdu iphe, ẹphe bụ ono ghaaru azụ; lwapfuta Chileke, dzụ ndzụ; mbụ Chileke, bụ iya meru igwe mee alị bya emee eze-ẹnyimu waa iphemiphe, bu phẹ l'ime.

Ndu-ishi-ozi 17:24

Ọo ya bụ Chileke, bụ iya meru mgboko mee iphemiphe, nọ iya l'ime. Ọo ya bụ Nnajịuphu, nwe igwe nweru alị; tẹme ọphu oobujeduru l'ụlo, nemadzụ gude ẹka kpụa.

Ndu-ishi-ozi 4:24

Ẹphe nụmachae ya phọ; ẹphe gude obu lanụ kwata epfu anụ Chileke sụ: “Nnajịuphu, bụ iya bụ Chileke, doberu igwe dobe alị dobe eze mini dobe iphe, bu l'ime iya.

Romu 11:36

Ọo ya meru iphemiphe. Ọ bụru iya bẹ iphemiphe shi l'ẹka iya dụ; ọ bụkwaru iya phọ bẹ iphemiphe, dụ dụ-doru. G'ajaja bụru kẹ Chileke jasụ lẹ tuutuutuu lẹ mịimiimii. Nokwa g'ọ dụ.

1 Kọrentu 8:6

obekwanu l'iphe, anyịbedua makaharụ bụ lẹ Chileke dụ nanụ kpoloko kpẹekpu, bụ iya bụ Nna, onye iphemiphe shi l'ẹka; tẹme ọ bụru iya bụ onye anyi nọ-doru ndzụ. Ọ bụkwarupho Nnajịuphu lanụ kpoloko dụ, bụ iya bụ Jizọsu Kéreshi; onye bụ iya bẹ Chileke gbẹ l'ẹka iya mee iphemiphe; tẹme ọ bụkwaru iya phọ bẹ anyi shi l'ẹka iya nọdu ọkpobe ndzụ.

Efesọsu 3:9

Ọo mu bẹ o yeru gẹ mu mee gẹ ndiphe l'ophu hụma gẹ Chileke eshije eme iphe, ọ tụberu. Chileke onye bụ iya meru iphemiphe chịhawaru iphe ono; tẹme o mee mgboko; ọle o shikpọepho e -shi teke ono domia ya edomi.

Hiburu 1:10

Ọzo bụru; “E -shikpọo lẹ mbụ bụ gụbe Nnajịuphu meru alị mee iphe, nọ iya nụ; tẹme ọ bụru ngu gude ẹka ngu mee igwe; bya emee iphemiphe, nọ iya nụ.

Hiburu 1:2

O be lẹ nta, bụwaa ikpazụ-a; ọ bụru onye bụ Nwa iya bẹ o gude pfuru nụ anyi. Ọ bụru l'ẹka Nwa iya ono bẹ ọ gbẹ mee mgboko mgburugburu; tẹme ọ họtakwa iya phọ sụ l'ọo ya bẹ iphemiphe kụru ishi l'ẹka.

Hiburu 11:3

Ọo ekweta meru g'o gude o doo anyi ẹnya lẹ mgboko-a bụ opfu ọnu bẹ Chileke gude mee ya; mbụ l'iphemiphe-a, akpụrenya elegbaa bụ iphe, aahụmaduru l'ẹnya bẹ e gude mee ya.

Hiburu 3:4

A makwarụ-a l'ọ tọ dụdu ụlo, abụdu nemadzụ kpụru iya; obenu l'ọo Chileke bụ onye mekwanụru iphemiphe.

2 Pyịta 3:5

Ẹphe elekebekpọepho ẹnya; jịka jịnyia ẹnya l'ẹphe taa rịdu ọriri iphe ono, Chileke meru teke ndiche ono. L'ọo opfu, Chileke pfuru l'ọnu kpoloko bẹ o gude mee igwe mee alị. Alị shi lẹ mini dụ; ọ bụru mini ono meru iphe ndzụ dụ lẹ mgboko.

1 Jiọnu 1:1

Iphe, anyi ede l'ẹkwo-ozi-a anụ unu-a bụkwa k'onye ono, ẹpha iya bụ Opfu Chileke-a, bụ iya bụ kẹ Opfu, bụ ndzụ, shi Chileke l'ẹka-a. Opfu ono, anụje ndzụ ono shikpọ lẹ mbụlembu dụ. Anyi nụmakpooru iya lẹ nchị; bya ahụma iya l'ẹnya; gbua ya ẹnya igo; bya ebyia ya ẹka.

Ọphulenya 10:6

bya egude ẹpha Chileke, dzụ ndzụ ojejoje ono rifu angụ; mbụ onye ono, bụ iya meru igwe; mee iphe, dụ iya nụ; bya abụru iya meru eliphe yẹe iphe, dụ iya nụ; mee eze-ẹnyimu yẹe iphe, dụkota iya nụ. Ọ bụru ẹpha Chileke ono bẹ o gude rifu angụ sụ l'o rwuwaru teke oo-me iphe, ọ tụberu.

Ọphulenya 14:7

Ọ nọdu ara iya arara asụje: “Unu tsụjekwa Chileke ebvu. Unu kwabẹjekwa iya ùbvù; lẹ teke oo-kpe ikpe rwuakwaru. Unu bajẹkwaru Chileke ẹja; l'ọ kwa iya meru igwe bya emee alị; bya abụru iya meru eze-ẹnyimu; mekọta iphe, bụkotakpoo ẹka mini futaru.”

Ọphulenya 21:6

Ọ bya asụ mu: “E meakwaru iya! Ọ kwa mbẹdua bụ Alụfa bya abụru Omega; Onye mbụ mẹ Onye ikpazụ. Iphe, bụkpoo onye mini agụ bẹ mu e-kekwa mini shi l'ọgba mini anụje ndzụ kẹ mmanụ.

Ọphulenya 22:13

Ọ kwa mbẹdua bụ Alụfa bya abụru Omega. Mu bụ onye Ivuzọ bya abụru onye Ikpazụ. Ọ bụru mu bụ mgbube ishi iphemiphe; bya abụru mu bụ ẹka iphemiphe sụberu ishi.”

Ọphulenya 3:14

“Waa iphe, ii-de nụ ojozi-imigwe kẹ Chịochi Layodeshiya baa: “Ọwa-a bụ ozi, oozi; mbụ onye ono, ẹpha iya bụ: Nokwa g'ọ dụ”; mbụ onye ono, ọ gbaru kẹ g'e gude ire iya ẹka l'iphemiphe, oopfu ono; bya abụru iya bụ onye pfuru anyi ọkpobe-opfu Chileke; bya abụkwaru iya phọ bụ onye iphemiphe, Chileke meru dobe lẹ mgboko shi l'ẹka.

Ọphulenya 4:11

“Ọ gbakwarụ ngu gụbe Nnajịuphu bya abụru Chileke anyi; g'aatụko g'a ha jaa ngu ajaja; kwabẹ ngu ùbvù; anụru ngu opfu l'ọo ngu kachaa ike. Noo kẹle ọo ngu meru iphemiphe dobe. Ọo l'ọ dụ ngu l'uche meru g'o gude ẹphe dụ; bụru iphe, e meru dobe.”