Mayịka 7:9 - BAYỊBURU Izii

⁹ Eshinu mu meru Chipfu iphe-ẹji bẹ mu e-vutanụ oke ẹhu-eghu iya vuru; gbiriri jasụ teke ọo-bya elee ẹnya l'opfu ẹhu mu; meeru mu iphe, rwuberu mu nụ. L'ọ bya edufuta mu dobe l'ẹka ìphóró dụ. Mu ahụma g'oo-gude dzọta mu.

Mayịka 7:9 ပူးပေါင်းရင်းမြစ်များ

2 Sámẹlu 24:17

Dévidi hụmaepho g'ojozi-imigwe ono gude echitsushi ndu ono; ọ sụ Chipfu: “Oowa-e; ọ kwa mbẹdua meru iphe-ẹji; mbụ l'ọo mbẹdua bẹ meru iphe, adụdu ree. ?Ụnwu atụru-a mehunuru ole? G'ọ bụ-chiaru mbẹdua waa ndibe nna mu bẹ ịi-da ẹjo ẹka l'ẹhu!”

Jiobu 23:10

Ọle mbẹdua ta adụkpodaa ụzo, mu shiru, ọ madụ. Ọ bụru iya bụ ọ -hụchaa mu ama; mu amaaha mma gẹ mkpọla-ododo.

Jiobu 35:14

?Dẹnu g'ọ bụchia gụbe onye sụru l'ị tị hụmaduru iya ahụma ophu bẹ ọo-nọdu angaru nchị; mbụ gụbe onye sụru l'ikpe ngu dabyiru l'atatiphu iya; i je l'anọdu echeru iya?

Ebvu-ọma 119:154

Hanaaru mu enge; gbafụta mu; Mephunu ndzụ mu azụ g'ọ bụru k'ọ̀phúú, bụ iya bụ iphe, i kweru ukwe iya.

Ebvu-ọma 37:6

Oo-me g'apfụbekoto nkengu nwua kẹ phoo g'ìphóró; mbụ lẹ Chipfu a-harụ ngu enge; mee g'iswi-ọdu-mma nkengu gbua kẹ nwịinwii g'ẹnyanwu.

Ebvu-ọma 43:1

Hanaaru mu enge; Chileke; jiko gbanaaru mu ọdzori; nafụtanu mu l'ẹka ndu ono, te eyeduru ngu obu ono! Gbafụta mu l'ẹka ndu ụgho; waa ndu apfụbeduru-ẹka-ọto.

Ebvu-ọma 7:6

Gụbe Chipfu; kwolihunụ l'ẹhu-eghu! Jiko gbẹshinu; nọchia ndu ono, l'achị mu lẹ njọ ono ụzo; mbụ ndu ono, atụ kpereree abyapfuta mu ono. Kwolihurọ Chipfu; kẹle ọ kwa gụbedua tụru ekemu sụ gẹ ndiphe kpeje ikpe, pfụru ọto.

Ebvu-ọma 94:15

Noo kẹle ndu-ikpe a-wata ekpe ikpe, pfụru ọto. Ọ bụerupho ndu obu phẹ gụru ìphóró bụ ndu a-dụ ike tsokọta ikpe ono.

Azáya 42:16

Mu e-duru ndu atsụ ishi shia ụzo, ẹphe amahaada. Gbororo, ẹphe te eshijehaada bẹ mu a-kpọ-ziru phẹ ụzo iya. Mu e-me g'ọchii bụru ìphóró l'iphu phẹ; bya emee g'ụzo, dụ kpọkoro kpọkoro kpọkoro kwọru phẹ akwọkwo. Iphemiphe ono bụkota iphe, mu e-me; ọphu mu abyadụ aha phẹ.

Azáya 42:7

L'i mee g'ẹnya sahụ ndu atsụ ishi; mee gẹ ndu a kpụru lẹ ndzụ nweru onwophẹ; mekwaphọ g'a haa ndu nọ lẹ mkpọro l'ẹka gbahụru tsụkiribaa.

Azáya 46:13

Apfụbekoto nkemu bẹ mu gudeakwa akpịritaru ntse. Ọ tọ dụhekwa ẹnya. Ọphu ọ dụekwa g'ọo-nọ-beru; ndzọta mu erwua. Mbụ lẹ mu a-dzọta ndu bu l'eli úbvú Zayọnu. Mu eworu akpabiri mu nụ ndu Ízurẹlu.”

Azáya 51:22

Wakwa iphe, Nnajịuphu, bụ Chipfu epfu baa; mbụ Chileke ngu; onye ono, agbajẹru ndibe iya ọdzori ono. Ọ sụru: “Tii ledu; mu nafụakwaru ngu okoro ono l'ẹka bụ ọphu meru; ị nọdu akpọ garịgari. Oke ẹhu-eghu mu ono, dụ l'ipoti ono bẹ ị tịi ngụedu.

Azáya 56:1

Wakwa iphe, Chipfu epfu: “Unu kpeje ikpe, pfụru nhamụnha; unu emeje iphe, pfụru ọto; kẹle teke mu a-dzọ nemadzụ dụkwaa ntse; tẹme apfụbekoto nkemu ta adụkwa g'ọo-nọ-beru l'e kpuhaa ya goshi.

Jieremaya 10:19

“Nshịo mu; kẹle e mekarụ mu iphe! Onwo, aba mu nụ bụru emeta emeta! Ọle iphe, mu epfujelẹru-a onwomu bụ l'ọ bụwaa iphe-ememe, nọ swiru mu nụ; mu je l'ataru iya nshi.

Jieremaya 14:7

“A makwarụ-a l'iphe-ẹji, anyi meru agba anyi ekebe; ọle gụbe Chipfu; menaa iphe; g'ẹpha ngu apfụru; kẹle anyi lawarụ azụ lamihu; tẹme anyi mewaa ngu iphe-ẹji.

Jieremaya 51:10

‘Chipfu meakwaru; anyi bụru ndu pfụberekoto ọzo! Unu bya g'anyi je l'úbvú Zayọnu je akọo iphe, Chipfu, bụ Chileke anyi meru!’

Ebvu Aphụ 1:18

Chipfu bẹ emekwa iphe, pfụru ọto; Noo kẹle ọo mbẹdua bẹ kwefuru ike l'ekemu iya. Ụnwu-eliphe; unu ngabẹkpodapho nchị; Unu lekpọdapho ẹgube iphe ẹhuka, mu eje! Ụnwada mu waa ụnwokorobya mu bẹ a kpụkotawaru lẹ ndzụ.

Ndu Uke 26:41

bụ iphe, meru; mu mee phẹ iphe, mu tege emedu phẹ; chịru phẹ jeye l'alị ndu ọhogu phẹ. Ọ -bụru l'ọkpoma phẹ ono, ẹjo-iphe jiru ejiji ono bẹ ẹphe e-woze alị; bya apfụa ụgwo ẹjo-iphe, ẹphe mekọtaru;

Malakayi 3:18

Noo teke unu a-hụma iphe, dụ iche l'ẹka ndu pfụberekoto yẹe ndu ẹjo-iphe nọ bụ ono. Unu ahụmakwapho iphe, dụ iche l'ẹka ndu ejeru Chileke ozi; yẹe ndu te ejeduru iya ozi nọ.”

1 Kọrentu 4:5

Ọo ya bụ g'unu ta adụshi onye unu a-nọdu anmawa ikpe l'ẹbe 'oko rwu teke aa-nma ikpe; ikpe bụ teke Nnajịuphu a-bya; l'o kpee ya. Noo teke oo-wofuta iphe, e shi domia l'ọchii bya edobe l'ìphóró; l'ọ bya eworu iphe, amadụ chịru k'ememe, bụ iphe, dụ iya l'ọkpoma; woru tụa jala. Noo teke Chileke a-ja onyemonye ajaja, rwuberu iya nụ.

2 Timoti 4:8

Iphe, phọduru nụ nta-a bụwaa gẹ Chileke bua mu obunggo, o doberu mu; mbụ lẹ Nnajịuphu ono, l'ekpeje ikpe nhamụnha ono bẹ a-gụ mu l'onye pfụberekoto mbọku onoya. Mbụ ọ tọ bụlekwa mu-a kpụrumu bẹ oo-bu nggo ono; oo-bukọta iya iphe, bụkpoo ndu gude obu phẹ g'ọ ha kwabẹru abyabya iya.

Ọphulenya 18:20

Teru ẹswa kpua ya gụbe igwe! Unubẹ ndu-nsọ; mẹ ndu-ishi-ozi ono; mẹ ndu mpfuchiru Chileke unu teje ẹswa lẹ Chileke bẹ nmawaru iya ikpe ẹjo-iphe ono, o meru unu ono!

1 Sámẹlu 24:15

Ọo Chipfu bẹ e-kperu mu lẹ ngu ikpe; pfua onye ọphu iswi adụdu mma. G'o lee ya ẹnya; haarụ mu enge nafụta mu l'ẹka ngu.”

1 Sámẹlu 25:39

O be teke Dévidi byaru anụma lẹ Nebalụ nwụhuwaru ọ sụ: “G'ajaja bụru kẹ Chipfu; mbụ onye ono, gwataru ụgwo iphe-iphere ono, mu natarụ l'ẹka Nebalụ. Ọ bya egbobutakwaphọ mụbe nwozi iya gẹ mu te eye ẹka l'ẹjo-iphe. Chipfu bẹ wowaru ẹjo-ememe, Nebalụ meru kpukposhi iya l'ishi nkiya.” Ọo ya bụ; Dévidi zia g'e je ezia Abigelu g'ọ bya gẹ ya lụru iya.

1 Sámẹlu 26:10

“Eshinu Chipfu nọ ndzụ g'ọ nọ iya-a bẹ bụkwa Chipfu l'onwiya bẹ l'e-gude ẹka iya chigbua ya. Ọphuu l'anwụhu iya rwuru; ọ nwụhu; ọzoo l'o jeru ọgu; je alaa l'ọgu.

1 Sámẹlu 3:18

Ọo ya bụ; Sámẹlu tụko iphe ono pfushikọtaru iya; ọphu ọ dụdu ọphu ọ wachiru iya awachi. Elayi bya asụ: “Ọ bụ iya bụ Chipfu; g'o mekwaa iphe, dụkpoe ya phọ ree.”