Mayịka 7:8 - BAYỊBURU Izii

⁸ Unubẹ ndu ọhogu mu; unu te etekwa ẹswa kpua mu! A makwarụ-a lẹ mu daru iko; ọle mu a-gbalihukwaa ọzo. A makwarụ-a lẹ mu nọ l'ọchii; obenu l'ọo Chipfu a-bụru ìphóró, dụru mu nụ.

Mayịka 7:8 ပူးပေါင်းရင်းမြစ်များ

Jiobu 31:29

Ọme ẹhu tsọjeru mu ụtso l'onye ọhogu mu larụ l'iyi; ọzoo lẹ mu tejeru ẹswa kpua iphe-ẹhuka, byapfutaru iya nụ;

Ebvu-ọma 112:4

Mbụkponu l'ẹka agba ọchii bẹ ìphóró awajẹ g'ẹnyanwu l'ẹhu onye obu iya gụru ìphóró; mbụ onye emeje eze-iphe-ọma; bya abụru onye obu-imemini; bya abụkwarupho onye pfụberekoto l'iphu Chileke.

Ebvu-ọma 143:3

Onye ọhogu mu chịru mu gude; bya echita mu tụa l'alị; bya emee mu; mu nọdu l'ẹka gbakọtaru ọchii g'akahụ maa, nwụhuru lẹ ndiche.

Ebvu-ọma 20:8

Ẹphebedua vukotawaru abalị dagbua ọchii; obenu l'anyịbedua gbẹshiru pfụru pfụshia ike.

Ebvu-ọma 27:1

Ọo Chipfu bụ ìphóró, dụru mu nụ bya abụru onye adzọje mu nụ. ?Bụ onye bẹ mu atsụkwanu ebvu ọzo? Ọo Chipfu bụ ụlo-ezeru-ndzụ mu. ?Bụ onye bẹ ndzụ iya a-nọdu agụbaa mu ọzo?

Ebvu-ọma 35:19

B'ekwekwa gẹ ndu ọhogu mu teru ẹswa kpua mu; mbụ ndu kpọru mu ashị; ẹbe adụ iphe, mu meru phẹ. Ọphu i kwekwa gẹ ndu ono, mu dụ ashị ono bvua mu ẹnya ria.

Ebvu-ọma 37:21

Ndu ẹjo-iphe abụjeru; ẹphe -jita ụgwo ẹphe eria ya. Obenu lẹ ndu pfụberekoto bẹ anọduje emeru ndiphe iphe-ọma.

Ebvu-ọma 37:24

Ụpfu -dụkpoo ya nụ; ọ tọo darwudu alị; kẹle ọo Chipfu gude ẹka iya agbata iya ike.

Ebvu-ọma 38:16

Mu sụru-a: “B'ekwekwa g'ẹphe teru ẹswa kpua mu! Nta-a, ọkpa chiswafuru mu-a bẹ ẹphe tụkowaru etu onwophẹ ọphushugbu.”

Ebvu-ọma 84:11

Kẹle Chipfu, bụ Chileke dụ g'ẹnyanwu; bya abụru onye egbobutaje anyi. Chipfu emejeru ndiphe eze-iphe-ọma; bya emeje g'a kwabẹ nemadzụ ùbvù. Ọ tọ dụdu iphe, dụ ree, o kejeru ẹka mbvu l'ọ tọo nụdu iya ndu ụta adụdu lẹ ndzụ phẹ.

Ebvu-ọma 97:11

Ìphóró bẹ e meru g'ọ dụru ndu pfụberekoto. Ndu obu gụru ìphóró bẹ e meru g'ẹhu-ụtso ji ẹhu.

Azáya 2:5

Unubẹ ọnu-ụlo Jiékọpu; unu byanụ g'anyi tsoru ìphóró ọphu Chipfu nwụberu anyi.

Azáya 49:9

Mbụ-a; g'ị sụ ndu ono, a kpụru lẹ ndzụ ono g'ẹphe fụta; l'ị sụkwapho ndu nọ l'ọchii g'ẹphe nweru onwophẹ. Ẹphe adụ g'ụnwu-atụru, dọru ata nri l'agụga gbororo; hụmachaa nri l'úbvú úbvú, dụgbaa kpọkoro kpọkoro kpọkoro.

Azáya 50:10

?Bụ onye l'echilabọ unu atsụ Chipfu ebvu; tẹme ọ nọdu emeje iphe, onye-ozi Chipfu sụru g'e meje? Mbụ-a; g'onye eje ije l'ọchii; mbụ onye enwedu ìphóró, e gude aphụ ụzo; g'onye ono kpọru obu ye l'ẹpha Chipfu! G'onye ono chịru ụpfu kwẹe lẹ Chileke iya!

Azáya 9:2

Sụ-a; ndu nọ l'ime ọchii hụmaakwaru ìphóró, parụ ẹka. Ndu k'ono, bu l'alị ono, gbakọtaru tsụkiribaa ono bẹ ìphóró nwuakwarụ kẹ phorokotokongu.

Jieremaya 48:27

?Tọbudu ndu Ízurẹlu bẹ unu shi egudeje agba mgbọnu? ?Bụ ẹphe lẹ ndu-oshi shi nọdu teke ono tọo; mekwanụru g'o gude unu shi atụje ụka l'ishi ekweru iya une mẹ unu -nọdu epfu opfu ẹhu iya?

Jieremaya 50:11

A makwarụ-a l'unu ete ẹswa; ẹhu nọdu atsọ unu; mbụ unubẹ ndu ono, vụkaru okiphe mu ono. A makwarụ-a l'unu azọ kitimu kitimu gẹ nwada eswi, azọshi ereshi; tẹme unu nọdu egbu ọ́rà g'okee ịnya.

Jieremaya 8:4

“Wafụkwaa iphe, ii-pfuru phẹ baa: Wakwa iphe, Chipfu epfu baa: Amadụ -daa iko; ?tọo gbẹshijeedu tọo? Onye laphuru azụ; ?tọo lwajẹedu azụ tọo?

Ezekẹlu 25:6

“ ‘Lẹ-a; wakwa iphe, Nnajịuphu, bụ Chipfu epfu baa: Eshi ọphu ị kụru ẹka pyaa; tee ebvu; gudekọta ẹjo obu teru ẹswa kpua ndu Ízurẹlu;

Ezekẹlu 35:15

kẹle i teru ẹswa teke e meru alị ndu Ízurẹlu ọ bụru ochobu phọ; bẹ mu e-me ngu g'ị dụ ẹgube ono. Gụbe úbvú Siye; gụbedua mẹ alị ndu Edọmu l'ophu bẹ a-bụru ochobu. Ọo teke ono bẹ ẹphe a-maru l'ọo mbẹdua bụ Chipfu.’ ”

Ezekẹlu 36:5

“ ‘Wakwa iphe, Nnajịuphu, bụ Chipfu epfu baa: Mu gudeakwa ẹhu-eghu enwu mu phuruphuru l'ẹhu g'ọku pfuru mabẹru iphe, bụ ọhamoha ndu ọphu phọduru nụ phọ; mẹ iphe, bụ ndu Edọmu l'ophu; kẹle ẹphe gudewaa ẹhu-ụtso; mẹ iwashị, nọ phẹ l'obu mee alị mu; ọ bụru nkephẹ; k'ọphu ẹphe a-lwụ ẹka ẹku akpajẹ nri, nọ l'alị ono alwụlwu.’

Émọsu 9:11

“O -rwua mbọku ono bẹ mu e-kpukwakwa ụlo-ẹkwa Dévidi ono, daru adada ono. Mu emekwaa iphe, bụkpoo ẹka o mebyihuchaaru emebyihu; bya emekwaa ya g'ọ tọ bụhe ochobu; mbụ mee ya l'ọ dụ g'o shi adụjehawaa;

Obedaya 1:12

I tigi ledu nwune ngu olegbulẹnya l'eswe mbọku, dụru iya ẹji; ophu i tigi tedu ẹswa kpua ndu Jiuda l'eswe mbọku, e meru ẹphe bụru mkpurupyata; ọphu i tigi nọdudu aba abaa l'eswe mbọku, iphe-ẹhuka byapfutaru phẹ.

Mayịka 4:10

Gụbe nwada Zayọnu; nọdunu chi gburugburu gẹ nwanyị, ime eme; kẹle nta-a bẹ ịibyakwa aha ọma mkpụkpu-a je akwaa l'ọma ẹgu. Ii-je alị ndu Bábilọnu. Ọ bụru ẹka ono bẹ aa-nafụta ngu. Ọo l'ẹka ono bẹ Chipfu a-gbata ngu l'ẹka ndu ọhogu ngu.

Mayịka 7:10

Noo teke ọhogu mu ono a-hụmakwa iya phọ. L'o woru ẹka kpube l'iphu l'ẹka iphere e-gude iya. Mu egude ẹnya mu hụma ẹka ọoda kpurumu kpurumu; mbụ onye ono, shi asụje mu: “?Dẹnu Chipfu, bụ Chileke ngu?” Ọ tọ dụdu g'aa-nọ-beru l'a zọo yẹbedua tọlitoli g'onye azọka ẹpuchi ọma gbororo.

Zekaraya 12:8

O -rwua mbọku ono bẹ Chipfu e-gbobuta ndu bu lẹ Jierúsalẹmu; k'ọphu bụ l'onye kachaa arwụhu l'echilabọ phẹ a-dụ ọkpehu gẹ Dévidi; ndu ọnu-ụlo Dévidi edukwanụ phẹ gẹ Ojozi kẹ Chipfu; gẹ Chileke l'onwiya.

Malakayi 4:2

A bya l'unubẹ ndu atsụ ẹpha mu ebvu; ọo unu bẹ e-gude ẹnya unu hụma apfụbekoto kẹ Chipfu. Ọo-nọdu egbu nwịinwii g'ẹnyanwu l'ẹhu unu. L'o mee; ẹhu adụkota unu ike. Unu a-wụ wugelengu-wugelengu gẹ nweswi nshịi, a kpọfutaru l'ọka.

Matiyu 4:16

Ndu ono, nọ l'ime ọchii hụmaakwaru ìphóró, parụ ẹka. Ndu k'ono, bu l'alị ono, gbakọtaru tsụkiribaa ono bẹ ìphóró nwuakwarụ kẹ phorokotokongu.”

Jiọnu 16:20

Gẹ mu gbukwaaru iya unu tororo; unu a-rakwa ẹkwa; gụa aphụ; ọle ndiphe bẹ ẹhu a-nọdu atsọ ụtso. Unu a-nọdukwa atsụ ude l'ime obu; ọle ude ono e-mechakwaa gbanwee; unu anwụjaa ọnochi.

Jiọnu 8:12

Jizọsu byakwa eyeeru phẹ ọnu sụ phẹ: “Ọ kwa mbẹdua bụ ìphóró, dụru ndiphe. Onye bụ onye tsoru mu nụ ta abyakwa eje ije l'ọchii; gbahaa ìphóró kẹ ndzụ bẹ a-nọdu iya l'ẹhu.”

Ndu-ishi-ozi 26:18

‘Ii-je emee g'ẹphe saa ẹnya k'ọphu ẹphe e-shi l'ọchii fụta bata l'ìphóró; waa k'ọphu ẹphe e-shi l'ẹka Nsetanu fụta lwapfuta Chileke. Ọo ya bụ; mu agụaru phẹ nvụ l'iphe-ẹji phẹ gụru phẹ ye lẹ ndu mu họtawaru g'ẹphe bụru ndibe mu.’

2 Kọrentu 4:6

Ọ kwa Chileke ono, sụru g'ìphóró shi l'ọchii nwua phoo ono bụhukwapho Chileke, meru g'ìphóró iya nwukwaaphọ phoo l'ime obu anyi. Ọo ya bụ gẹ ndiphe, amaru ọdu-biribiri kẹ Chileke; mbụ ọdu-biribiri, shi l'iphu Kéreshi egbu nwịinwii.

2 Kọrentu 4:9

Eemeje anyi ewere; ọle Chileke te ebuhajẹkwanu anyi ẹka. E chitsuje anyi; ọle e te echigbujekwanụ anyi echigbu.

Ọphulenya 21:23

Mkpụkpu ono ta adụedu iphe, o gude ẹnyanwu eme; ọphu ọ dụkwapho iphe, o gude ọnwa eme. Noo kẹle ogbu-nwịinwii Chileke bẹ echiwa l'ime iya. Nwatụru Chileke ono bụru ìphóró, e gude aphụ ụzo.

Ọphulenya 22:5

Ẹnyashi ta adụhedu. Mkpa ìphóró orọku; ọzoo k'ẹnyanwu ta adụeduru phẹ ọzo; kẹle Nnajịuphu, bụ Chileke l'a-bụru ìphóró phẹ. Ẹphe abụru eze jasụ lẹ tuutuutuu lẹ mịimiimii.