Mayịka 7:6 - BAYỊBURU Izii

⁶ Noo kẹle nwa ta akwabẹjedu nna, nwụru iya nụ ùbvù. Nwa nwanyị nọdu etsoje ne iya opfu. Nwa nwanyị, aalụ alụlu nọdu etsoje ne ji iya opfu. Mbụ lẹ ndu bụ ọgu dụru nemadzụ bụ ndu ẹphe l'iya bu l'unuphu.

Mayịka 7:6 ပူးပေါင်းရင်းမြစ်များ

Mbụlembu 49:4

Eshinu ịinoduje atụ kpereree g'akpara-mini l'eme iphe, erwubeduru ngu nụ; bẹ ị tịi kaẹdu ndu ọphuu shii; noo kẹle ị zẹru l'iphe-azẹe nna ngu; mbụ je eworu iphe, mu azẹje azẹe merwua.

2 Sámẹlu 16:11

No iya; Dévidi bya epfuaru Abishayi yẹle ndu-ozi iya g'ẹphe ha sụ: “Unu lewarọ l'ọo nwa mu, shi mu l'ẹpho bẹ achọ ishi ndzụ mu. ?Bụ-chia onye ọwana, bụ onye Benjiaminu-a bẹ ta a-kabadarọ njọ? Unu parụ iya haa g'o phu mu iphu ọbu; kẹle ọo Chipfu ziru iya ya.

Ebvu-ọma 41:9

Mbụ je akpachaa l'onye mu l'iya eshi ọkpobe eshishi; bya abụru onye mu dakoberu; mbụ l'onye mu l'iya erigbajẹ nri gbẹchaakwa eme iphe, a-tsụru mu nụ.

Ẹkwo Ẹtu 30:11

O nwekwarụ ndu anọduje ephu nna phẹ iphu. Ọphu ẹphe agọjedu ọnu-ọma anụ ne phẹ.

Ẹkwo Ẹtu 30:17

Onye asụ̀ nna iya ẹnya ruu; ọphu ọ kpadụ ishi eme iphe, ne iya sụru g'o mee bẹ okpoko-ọ́hà e-shi lẹ wukirima bya agụta ẹnya onye ọbu. Ọ bụru udele l'e-ri iya.

Azáya 3:5

Ndiphe a-wata akpa nwibe phẹ ẹhu. Onyenọnu l'ọodaru yẹe nwibe iya; obutobu yẹe obutobu iya adụru l'opfu. Ụnwu-ọgbo-lanụ etso ndu bụ ọgerenya opfu. Ndu adụdu iphe, ẹphe bụ etsokwaphọ ndu aakwabẹ ùbvù opfu.

Azáya 9:19

Oke ẹhu-eghu Chipfu, bụ Ọkalibe-Kakọta-Ike bẹ a-nma alị ono l'ophu swọkoswoko. Ọ bụru ndu Ízurẹlu a-bụru manụ-ọku, aa-nọdu ekpu l'ọku ono g'o gude bulihu ebulihu. Ọphu ọ dụdu onye aphụjeru nwune iya obu-imemini.

Jieremaya 12:6

Mbụ-a; unwune ngu nwoke; mbụ ndu unu ẹphe shi l'unuphu lanụ; ẹphebedua deru ngu ye g'e gbua. Ẹphe woliru olu ara g'e mee ngu iphe, a-tsụru ngu nụ. Ba adakobekwa phẹ; m'obeta ẹphe nọdu epfuru ngu opfu ọma!”

Jieremaya 20:10

Kẹle mu anụkwa taba taba, ẹphe adzụgbaaru nwibe phẹ sụ: “Nggiri dụkwa l'ụzo l'ẹkameka!” Ẹphe tụkoru epfu sụ: “Unu je edoo iphe ono, oopfu ono! Unu g'anyi je edoo iphe, oome!” Iphe, bụkpoo ndu mu l'ẹphe eshi ọ̀nyà elekọtaepho ẹnya g'ẹphe maru teke ẹturu a-lọ mu. Ẹphe tụko epfu sụ: “?a maru e-dephuu iya. Noo teke ọo-kalẹru anyi. Ọ bụru teke ono bẹ anyi e-melata iya iphe-a, oome nta-a.”

Jieremaya 9:4

Sụ-a; onyenọnu kpakwaru ndu ẹphe l'iya eshi ọ̀nyà l'aphara! Ọphu unu akpọkwaru obu yeru unwune unu unwoke; kẹle nwoke, yẹle nwibe iya bụ nwune agbakwarụ iya ẹregede. Tẹme iphe, bụkpoo onye unu l'iya eshi ọ̀nyà bụru onye mgbamu.

Ezekẹlu 22:7

Ọo l'ime ngu bẹ ẹphe ta agụbejeedu ne lẹ nna phẹ iphe. Ọ bụru l'ime ngu bẹ ẹphe nọ kpaa ndu byaru abyabya ẹhu; bụkwarupho l'ime ngu bẹ ẹphe nọ megbuta ndu nna phẹ anọedu; mẹ ndu ji phẹ nwụshihuwaru.

Obedaya 1:7

Ọ kwa ndu ono, gụ l'ẹphe gbaru ndzụ ono g'ẹphe ha l'a-chịfu ngu chị-rwua ngu oke-alị ngu. Mbụ lẹ ndu ono, gụ l'ẹphe dụ lẹ ree ono l'e-dephu ngu bya akapyabẹkwa ngu phọ ẹnya. Ọ bụru ndu erije nri ngu a-gbabẹru ngu ọ̀nyà; ọphu ị byadu amaru.”

Matiyu 10:21

“Sụ-a; nwune a-kpụkwaru nwune iya nụ g'e gbua; nna akpụru nwa iya nụ g'e gbua. Ụnwu e-me g'a kpụta ndu nwụru phẹ nụ gbushia.

Matiyu 26:23

Ọ sụ phẹ: “Ọo onye mu l'iya eye ẹka l'ochi lanụ-a bụ onye ọbu, e-deru mu ye ọbu.

Luku 12:53

Ẹphe a-gbaghashịhu: nna abụru ọhogu nwa iya; nwa abụru ọhogu nna iya. Ne abụru ọhogu nwa-nwanyị; nwa-nwanyị abụru ọhogu ne iya. Ne ji nwamgbọko abụru ọhogu nyee nwa iya; nyee nwa abụru ọhogu ne ji iya.”

Luku 21:16

Ndu nwụru unu; mẹkpoo unwune unu; mẹkpoo abụbu unu; mẹ ọ̀nyà unu phẹ e-mechaa deru unu ye ndiphe l'ẹka; l'a harụ unu gbua egbugbu.

Jiọnu 13:18

“Ọ tọ bụkwa unu g'unu ha bẹ mu epfu opfu-a anụ. Mu makọtakwaru gẹ ndu mu họtaru gbaru. Ọle iphe, e deru l'ẹkwo-opfu Chileke vụfutajenupho g'e deru iya, bụ iya bụ iphe, sụru: ‘Ọ kwa onye ono, mu l'iya rigbaaru nri; mechaarụ bya emeahaa iphe, a-tsụru mu nụ.’