Mayịka 7:4 - BAYỊBURU Izii

⁴ Onye gbẹ kachakpọo ree l'ime phẹ adzụ g'obvu. Onye ọphu kachaa abụ onye obu iya gụru ìphóró ka ikpo ọgara-mbo ẹji. Eswe mbọku ono, ndu nche unu shi pfuta opfu iya ono rwuakwaru; mbụ mbọku, Chileke a-nụ unu aphụ. Ọ kwa nta-a bụ teke aa-tụ unu ẹberebete.

Mayịka 7:4 ပူးပေါင်းရင်းမြစ်များ

Azáya 10:3

?Bụ gụnu bẹ unu e-me mbọku Chileke abya unu agbaphe; mbụ mbọku, mkpurupyata e-shi ụzenya bya? ?Bụ onye bẹ unu a-gbapfu g'ọ dzọo unu? ?Bụ awe bẹ unu a-ha ẹku unu?

Azáya 22:5

Kẹle Nnajịuphu, bụ Chipfu; mbụ Ọkalibe-Kakọta-Ike bẹ meakwaru eswe mbọku ono; ọ bụru mbọku, ùtsú daru; a zọo iphe pyaapyaa. Ndzụ rwuta onyemonye lẹ Nsụda Ọphulenya ono. Eswe mbọku ono bẹ ee-nwukpọshi igbulọ; l'a nọdu araku eze úbvú g'ọ gbaa mkpu.

Azáya 55:13

O -beta g'ọgarambo fushia; oshi payịnu efushichia. Ọo lashịa ọphu ọbyambvu e-fushi; oshi mịturu efushichia. Ono a-bụru iphe, Chipfu e-gude zaa ẹpha; kẹle ọo-bụru iphe-ọhubama, a-dụ ojejoje; ọphu a byadu emebyi iya emebyi.”

Jieremaya 10:15

Ọo iphe, adụdu urwu, ọ barụ; bya abụru iphe, e gude agba mgbọnu. O -rwua teke Chileke e-kpe ikpe bẹ nshi ono a-bụkotaru ọla-l'iswi.

Jieremaya 11:23

Ọphu ọ dụdu g'ọ ka mma l'o nweru nwa ndu aa-ha g'ẹphe phọduru phẹ. Noo kẹle mu e-me gẹ ndu Anatọtu l'ophu lakọta l'iswi; mẹ o -rwuẹpho apha ono, aa-nụ phẹ aphụ ono.”

Jieremaya 46:21

Ndu ẹphe butaru g'ẹphe bya alwụaru phẹ ọgu bẹ dọru l'echilabọ phẹ g'oke-eswi, daru rẹpfurepfu nọdu. Ẹphebedua tụkowaru dakọbe gbala; ọphu ẹphe adụdu ike pfụru. Noo kẹle eswe mbọku ọla-l'iswi dapfutawaru phẹ; mbụ teke aanụ phẹ aphụ.

Jieremaya 8:12

?Bụ iphere ahụma ahụma, ẹphe meshiru dụ phẹ tọo? Waawakwa. Iphere ta adụkpodaa phẹ ililekpọo. Ẹphe ta makpọdanu g'aasọje ẹnya. Noo g'o gude ẹphe je l'etsoru ndu daru iko daa. Mbụ l'ẹphe e-rwu alị teke mu a-wata phẹ echi iphe. Nokwa iphe, Chipfu eepfu.

Ezekẹlu 2:6

“Gụbe nwa ndiphe; gẹ ndzụ phẹ ta agụkwa ngu; ọphu ndzụ iphe, ẹphe epfu agụkwa ngu. Gẹ ndzụ ta agụkwa ngu; e -gudekpọoro l'ọgarambo yẹe obvu bẹ gbaru ngu mgburugburu; tẹme i buru l'ẹka akpị jiru ejiji. Gẹ ndzụ iphe, ẹphe epfu ta agụkwa ngu; ọphu ẹhu arwụshihukwa ngu; e -gudekpọoro l'ẹphe bụ ndu ta anụdu anụnu mẹ ililekpọo.

Ezekẹlu 28:24

“Ndu ẹphe lẹ ndu Ízurẹlu bunyabẹ ta abyadụ abụbaaru ndu ẹphe dụ ashị; mbụ l'ẹphe taa dzụkashibedu phẹ; ọphu ẹphe taa lakashịbaedu phẹ g'ọgarambo. Ọo ya bụ g'ẹphe amakwanụru l'ọo mbẹdua, bụ Nnajịuphu bụ Chipfu.”

Émọsu 8:2

Ọ bya ajịa mu sụ mu: “Émọsu; ?bụ gụnu bẹ ị hụmaru?” Mu sụ iya: “Ọ kwa nkata, akpụru-iphe, charu achacha jiru ejiji.” Tọbudu iya bụ; Chipfu sụ mu: “Teke ikpazụ kẹ ndibe mu bụ ndu Ízurẹlu rwuakwaru. Ọphu mu ahaẹkwa phẹ ọzobaa gẹ mu ta anụ phẹ aphụ.”

Nahumu 1:10

Ẹphe a-nmalahụ l'ẹpfukala obvu; ẹphe angụa mẹe; l'ọotsua phẹ atsụtsu; ọku etsua phẹ g'ẹka ọku etsu ẹswa ereshi ọkponku.

Luku 21:25

“Iphe-ọhubama l'a-nọdu eme l'ẹnyanwu; mẹ l'ọnwa; mẹ lẹ kpokpode. L'eliphe bẹ eze-ẹnyimu waa ọchioku mini iya a-nọdu abya ẹnari; k'ọphu meji a-gbabuhu ndiphe mgburugburu lẹ ndzụ-agụgu.

Hiburu 6:8

Obenu l'alị ọphu bụepho ẹwu-óbvú yẹe ọgarambo bẹ efu iya nụ bụ mkpọkoro alị. Alị k'ono phọduru nwanshịi; Chileke atụa ya ọnu. Ee-mechaa; ọoburu ọku, e-tsufu iya.