Mayịka 5:3 - BAYỊBURU Izii

³ “Ọo ya bụ lẹ ndu Ízurẹlu bẹ aa-gwọbe gbiriri jasụ teke nwanyị ono, ime eme ono l'ezeda; tẹme ụnwunna iya ndu ọphuu alwapfutafụa ndu Ízurẹlu.

Mayịka 5:3 ပူးပေါင်းရင်းမြစ်များ

1 Ndu eze 14:16

Oo-gude k'iphe-ẹji ono, Jierobowamu meru ono; mẹ k'iphe-ẹji ono, o meru ndu Ízurẹlu ye ẹka ono; mịa ndu Ízurẹlu ẹnya.”

2 Iphe, ndu eze meru 30:7

Unu ta adụkwa gẹ nna unu phẹ; mẹ ụnwunna unu phẹ, bụ ndu ono, dụru Chipfu, bụ Chileke kẹ nna phẹ ghẹlegheleghele k'ọphu bụ lẹ Chipfu meru phẹ; ẹphe bụru mkpurupyata ẹgube unu hụmanuru-a.

Ebvu-ọma 67:3

G'ụnwu-eliphe kelenụ gụbe Chileke ekele! G'iphe, bụkpoo nemadzụ mgburugburu kele ngu ekele!

Azáya 11:11

Mbụ l'o -rwua mbọku ono bẹ Nnajịuphu a-machị ẹka iya ọzo k'ugbo ẹbo nafụtafuchaa nwandibe iya ndu ọphu a-phọdu l'alị ndu Asiriya; mẹ l'alị ndu Ijiputu; mẹ l'alị Paturọsu; mẹ ndu ọphu e-shi l'alị ndu Kushi; mẹ ndu ọphu e-shi l'alị ndu Elamu; mẹ ndu ọphu e-shi l'alị Shịna; mẹ ndu ọphu e-shi lẹ mkpụkpu Hamatu; mẹ ndu ọphu e-shigba l'ọha, bukube eze-ẹnyimu.

Azáya 49:6

Ọo ya bụ; ọ sụ: “Ọ tọ bụlekwaa g'ị bụru onye ejeru mu ozi duphutaru mu ipfu ipfu ụnwu Jiékọpu azụ; wafụa g'i dulatakwaru mu phọ ndu kẹ Ízurẹlu, bụ nwa ndu ọphu mu doberu bẹ ị nọ-doru. Mu e-mekwa ngu phọ g'ị bụru ìphóró, dụru ndu abụdu ndu Jiuda; k'ọphu ii-me gẹ ndzọta mu rwua ẹka igwe beru alị beru.”

Jieremaya 23:5

Wakwa iphe, Chipfu epfu baa: “E -mechaa bẹ mu e-metaru Dévidi ẹkali iya ọphu a-pfụbe ẹka ọto; mbụ onye eze, e-gude mmamiphe bụru eze; tẹme l'ọ nọdu ekpe ikpe, pfụru nhamụnha bya eme iphe, pfụru ọto l'alị-a.

Jieremaya 31:1

Wakwa iphe, Chipfu epfu baa: “O -rwua lẹ teke ono; bẹ mu a-bụru Chileke k'ipfu l'ipfu ndu Ízurẹlu l'ophu; ẹphe abụru ndibe mu.”

Ezekẹlu 34:16

“Mu a-chọ ndu ọphu tuphahụru etuphahụ; bya achịlata ndu ọphu gbakashịhuru nụ. Mu ekee ndu ọphu iphe-ẹhuka mekarụ iphe; l'ẹka e mekarụ phẹ iphe. Mu emee g'ike dụ ndu ọphu ike bvụru. Obenu lẹ ndu ọphu ha okporokpo; mẹ ndu ọphu ike dụ bẹ mu e-me g'ẹphe bụru mkpurupyata. Mu a-nọdu eche atụru ono ẹgube ọ gbaru g'e cheje phẹ.

Hosiya 11:8

“Sụ-a; gụbe Ifuremu; ?dẹnukpoo gẹ mu e-shi haa ngu? Gụbe Ízurẹlu; ?dẹnukpoo gẹ mu e-shi woru ngu ye ndu ọzo l'ẹka? ?Dẹnu gẹ mu e-shi mee ngu gẹ mu meru ndu mkpụkpu Adama? ?Dẹnu gẹ mu e-shi mee ngu gẹ mu meru ndu mkpụkpu Zebowimu? Egomunggo lwaakwaru mu azụ. Ọoguakwa mu agụshi mu ike g'a sụ lẹ mu phụru ngu obu-imemini.

Hosiya 2:14

“Noo g'o gude mu nọdu abyawaa iya edeta dephua. Mu e-deru iya deba l'echiẹgu je erwebe ẹhu erwebe pfuru opfu nụ iya.

Hosiya 2:9

Noo g'o gude mu je l'anata iya ereshi iya ono mẹ ọ -chaẹpho; nata iya mẹe ọ̀phúú iya mẹ o-rwuẹpho teke akụje iya. Mu anata iya ẹji-atụru mu; nata iya ẹkwa-ọchaa mu, bụ iphe, mu shi nụ-doru iya ya bụ g'o gude gbobutaje onwiya g'ọ tọ gbaru ọto.

Émọsu 5:15

Unu kpọo ẹjo-ememe ashị! Unu eyee eme iphe, dụ ree obu! Unu kpeje ikpe, pfụru ọto l'edupfu; ?a maru; ?Chipfu; bụ Chileke, mbụ Ọkalibe-Kakọta-Ike a-phụru unu obu-imemini; mbụ unubẹ nwa ndu ọphu phọduru nụ lẹ ndu ọnu-ụlo Jiósẹfu.

Mayịka 4:4

Onyemonye a-nọduje lẹ mkpula vayịnu nkiya; mẹkwapho lẹ mkpula oshi figu nkiya; ọphu ọ dụdu onye byaru eye phẹ ebvu; kẹle ọ kwa Chipfu, bụ Ọkalibe-Kakọta-Ike eepfu iya.

Mayịka 4:7

Ndu ẹniyeni bẹ mu e-me g'ẹphe bụru ndu warụ nụ. Mu emee ndu a chịfuru l'alị phẹ g'ẹphe bụru ọha, ike dụ. Ọ bụru Chipfu a-bụru eze phẹ l'eli úbvú Zayọnu e -shi mbọku ono jasụ l'ojejoje.

Mayịka 5:7

“Oshilọkpa Jiékọpu ndu ọphu warụ nụ l'a-nọdu l'echilabọ ọhamoha dụ g'iji, shi l'ẹka Chipfu akwa. Ẹphe a-dụ gẹ mini, lwarụ yẹgeyege dụgbaa dzedzedze l'eli ẹswa, bụ ọphu abụdu nemadzụ bẹ ọ nọ ele ẹnya iya; ọphu ọ dụdu onye ọ nọ ngabẹru.

Mayịka 5:8

Oshilọkpa Jiékọpu ndu ọphu warụ nụ l'a-nọdu l'echilabọ ndu-ọhozo bụru oduma, nọ l'echilabọ anụ-ẹgbudu; mbụ l'ẹphe a-dụ gẹ nwa oduma, ẹphe l'atụru gharu ẹghirigha, abụjeru ọ -nọdu eje l'ọolajashi iphe, o guderu; ọphu ọ dụdu onye adụje ike dzọo iphe, dabarụ iya l'ẹka.

Mayịka 6:14

Nri bẹ ii-rikwa; ọle ẹpho tee jidu ngu. I -richaa ẹpho eghelẹru ngu-a ọnu. Ị -kpachaa ẹku dobe; ọ tọ dụdu ọphu adụ nụ; kẹle ọphu i doberu g'ọ phọdu bẹ bụ ogu-echi bẹ ee-gude lwụa ya.

Mayịka 7:13

Eliphe l'ophu abụru ochobu; ọ bụru ndu bu iya nụ a-kpa iya; kẹle ẹphe a-ghọta akpụru-iphe, ẹphe eme.

Zekaraya 10:6

Mu e-me g'ọnu-ụlo Jiuda shihu ike; mu adzọo ọnu-ụlo Jiósẹfu. Mu e-me g'ẹphe laphu azụ l'ọnodu phẹ; kẹle mu a-phụru phẹ obu-imemini. Ẹphe e-mechaa dụ gẹ ndu mu eshidu jịka ajịka; kẹle ọo mbẹdua bụ Chipfu bya abụru Chileke phẹ; mu je l'azajẹ phẹ ẹnu.

Matiyu 1:21

E -mechaa bẹ ọo-nwụ nwa-nwoke. Iphe, ịi-gụ iya bụ Jizọsu. Noo kẹle ọo-dzọta ndu nkiya l'ẹka iphe-ẹji, ẹphe meshiru.”

Matiyu 12:50

Kẹle onyemonye eme iphe, dụ Nna mu, bu l'imigwe l'uche; bụakwaa nwune mu kẹ nwoke; bya abụru nwune mu kẹ nwanyị; bya abụkwarupho ne mu.”

Matiyu 25:40

Noo teke eze e-yeru phẹ ọnu sụ phẹ: ‘Gẹ mu gbukwaaru iya unu tororo; eshinu unu mekpọwaru iya m'obeta ọ bụru onye lanụ, ẹnya kachaa alwalwa l'ụnwunna mu-a bẹ bụakwaa mbẹdua bẹ unu meru iya.’

Romu 8:29

Kẹle Chileke mahawarụ ndu nkiya tẹme mgboko dụ; bya ahọtahawaa phẹ g'ẹphe bụru ndu a-dụ gẹ Nwa iya dụ; gẹ Nwa iya ono bụru ọgerenya mẹ a -gụjekwanu ụnwunna iya l'ophu.